ലാലേട്ടനെ കണ്ട സന്തോഷം പങ്കിട്ടിട്ട് 5 ദിവസങ്ങൾ! ധമനികളിൽ ബ്ലോക്ക്; അടിയന്തിര ശസ്ത്രക്രിയ; രാജേഷ് കേശവന്റെ ആരോഗ്യനില

Authored by: ഋതു നായർ|Samayam Malayalam•27 Aug 2025, 10:38 am

സോഷ്യൽ മീഡിയ നിറയെ അവരുടെ സ്വന്തം ആർ കെയുടെ ആരോഗ്യത്തിനായുള്ള പ്രാർത്ഥനകളിൽ ആണ്. ഇക്കഴിഞ്ഞ ദിവസമാണ് രാജേഷ് കേശവന്റെ ആരോഗ്യത്തെ സംബന്ധിക്കുന്ന പോസ്റ്റുകൾ വന്നു തുടങ്ങിയത്. ഷോയുടെ ഇടയിൽ കുഴഞ്ഞുവീണ രാജേഷിനെ സ്വകാര്യ ആശുപത്രിയിൽ ഉടനെ തന്നെ എത്തിച്ചിരുന്നു. വിദഗ്ദ്ദ പരിശോധനയിലാണ് രാജേഷിന് ഹൃദയ ധമനികളിൽ ബ്ലോക്ക് ഉണ്ടെന്നും ഹൃദയാഘാതം ആണ് ഉണ്ടായതെന്നും റിപ്പോർട്ടുകൾ വരുന്നത്. തുടർന്ന് ശസത്രക്രിയക്ക് താരത്തെ വിധേയൻ ആക്കിയെന്നും റിപ്പോർട്ടുകൾ വന്നു.

ഹൃദയഭേദകം എന്നാണ് രാജേഷിന്റെ ആരോഗ്യനിലയെക്കുറിച്ച് പ്രിയപെട്ടവർ കുറിക്കുന്നത്. ആരോഗ്യനില അൽപ്പം ഗുരുതരം എങ്കിലും അദ്ദേഹം മടങ്ങിവരാൻ വേണ്ടിയുള്ള പ്രാർഥനയിലാണ് പ്രിയപ്പെട്ടവർ. ഏറെ ചുറു ചുറുക്കോടെ മാത്രമേ രാജേഷിനെ നമ്മൾ വേദികളിൽ കണ്ടിട്ടുള്ളൂ. ഈ വാർത്ത സത്യമാകല്ലേ എന്ന് നമ്മൾ പ്രാർത്ഥിച്ചു. അഞ്ചു ദിവസം മുൻപേ ലാലേട്ടന് ഒപ്പം കണ്ടതാണ്. ഇരുവരും തമാശ പറയുന്ന രംഗങ്ങൾ ഇപ്പോൾ ഇൻസ്റ്റയിൽ കാണുമ്പൊൾ വേദന സഹിക്കാൻ കഴിയുന്നില്ല എന്നാണ് ആരാധകരുടെ കമന്റുകൾ. അതേസമയം രാജേഷിന്റെ ശസ്ത്രക്രിയ കഴിഞ്ഞു എന്നാണ് വിവിധ വാർത്താ മാധ്യമങ്ങൾ നൽകുന്ന റിപ്പോർട്ട്.

ALSO READ: അടിച്ച് പിരിഞ്ഞ്, ഈ ബന്ധം ശരിയാവില്ല എന്ന് അവസ്ഥയിലെത്തി; ഈ ഫോട്ടോ കാരണമാണ് ഒന്നിച്ചത് എന്ന് വിജയ് മാധവ്
ഷോയുടെ അവസാനഘട്ടത്തിൽ ആണ് രാജേഷ് കുഴഞ്ഞുവീണത്. തുടർന്ന് ആശുപത്രിയിൽ എത്തിച്ച ഉടനെ ചികിത്സ തുടങ്ങുകയും ചെയ്തിരുന്നു. എന്നാൽ തലച്ചോറിന്റെ പ്രവർത്തനത്തെ കുറിച്ചുള്ള പരിശോധനകൾ നടന്നുവരികയാണ്. മാത്രവുമല്ല വെന്റിലേറ്ററിൽ ആണ് അദ്ദേഹം തുടരുന്നതെന്നും റിപോർട്ടുണ്ട്. ആശുപത്രിയിലേക്ക് കൊണ്ട് വന്ന അവസ്ഥയിൽ വലിയ മാറ്റം ഇല്ലെന്നാണ് ആശുപത്രി അധികൃതർ അറിയിക്കുന്നത്. വിദഗ്ദ്ധ സംഘത്തിന്റെ നേതൃത്വത്തിലാണ് അദ്ദേഹത്തിന്റെ ചികിത്സ പുരോഗമിക്കുന്നത്.
updating...