ലാലേട്ടാ ഞങ്ങളുടെ ഭാഗ്യമാണിത്; നിങ്ങളുടെ അച്ഛന്മാരുടെ കൂടെ ഞാൻ വർക്ക് ചെയ്തിട്ടുണ്ട് ഇപ്പോൾ നിങ്ങൾ മക്കളുടെ കൂടെയും; ലാലേട്ടന്റെ വാക്കുകൾ

Authored byഋതു നായർ | Samayam Malayalam | Updated: 15 May 2025, 11:00 am

തുടരും സിനിമ കണ്ട ആർക്കും മണിയൻ എന്ന ക്യാരക്ടറിനെ മറക്കാൻ ആകില്ല. മണിയന്റെ അമ്മയായി എത്തി കൈയ്യടി വാങ്ങുകയാണ് നടി റാണി ശരൺ. മോഹൻലാലിന് ഒപ്പം കോമ്പിനേഷൻ സീൻ അഭിനയിക്കാൻ ലഭിച്ച ഭാഗ്യത്തെ കുറിച്ചും സെറ്റിലെ മനോഹരനിമിഷത്തെക്കുറിച്ചും ഒക്കെയാണ് റാണിക്ക് പറയാനുള്ളത്. ലാലേട്ടന്റെ ഒപ്പമുള്ള കോമ്പിനേഷൻ സീൻസ് ഒട്ടും പ്രതീക്ഷിച്ചിരുന്നില്ല എന്ന് പറയുകയാണ് റാണി ശരൺ.
റാണിയുടെ വാക്കുകൾ

ചില നിമിഷങ്ങളിലൂടെ കടന്നു പോവുമ്പോൾ അത് സ്വപ്നമാണോ ജീവിതമാണോ എന്ന് തിരിച്ചറിയാൻ പ്രയാസപ്പെടും. " തുടരും " സിനിമയുടെ ഭാഗമാവുമെന്നോ ഇങ്ങനെ ഒരു നിമിഷം സ്വന്തമാവുമെന്നോ സ്വപ്നം കണ്ടിരുന്നില്ല. പ്രതീക്ഷിക്കാതെയാണ് മണിയൻ്റെ അമ്മയാവാൻ രഞ്ജിത്തേട്ടൻ്റെ കോൾ വന്നത്. Yes പറയാൻ കൂടുതൽ ആലോചിക്കേണ്ട ആവശ്യം ഇല്ലായിരുന്നു. ലൊക്കേഷനിൽ പോയി തരുൺ ബ്രീഫ് ചെയ്യുന്ന വരെയും ലാലേട്ടൻ്റെ കോംബിനേഷൻ ആണെന്ന് പോലും അറിയില്ലായിരുന്നു. കൂടെ അച്ഛൻ്റെ സുഹൃത്തായിരുന്ന തിലകൻ അങ്കിളിൻ്റെ മകനും എനിക്കും ഏട്ടനും മൂത്ത ചേട്ടനുമായ ഷോബി ചേട്ടൻ.പിന്നെ അച്ഛന് പ്രിയപ്പെട്ട പപ്പു അങ്കിളിൻ്റെ മോൻ ബിനു.എല്ലാം കൊണ്ടും അതി മധുരം.

ALSO READ: രണ്ടാംവിവാഹം തെറ്റല്ല! ഈ രീതിയും കുഞ്ഞുങ്ങളോടുള്ള സമീപനവുമാണ് വിഷയം: ആർതിക്ക് പിന്തുണ; താര പുത്രിമാരും രംഗത്ത്
ഞങ്ങൾ പോലീസ് സ്റ്റേഷനിലേക്ക് വരുമ്പോൾ ലാലേട്ടൻ കാറിൽ പുറത്തേക്ക് പോവുന്ന ഷോട്ട് ആണ്. അതിന് ഗേറ്റിൽ റെഡി ആയി നിൽക്കുന്നു. അപ്പോ ഷോബി ചേട്ടൻ എന്നോട് പറഞ്ഞു, ലാലേട്ടൻ ബിനുവിനോടു നമ്മളെക്കുറിച്ചാണെന് തോന്നുന്നു പറയുന്നത്. ഷോട്ടിനൊടുവിൽ ചേട്ടൻ ബിനുവിനോട് ലാലേട്ടൻ എന്താ പറഞ്ഞതെന്ന് ചോദിച്ചു.

ALSO READ: 17 വയസിനു താഴെയുള്ള അമലയോട് പ്രണയം തോന്നിയ തലൈവർ! 36 വയസുള്ളപ്പോൾ തോന്നിയ ഇഷ്ടം; ഇന്നോർക്കുമ്പോൾ തമാശയെന്ന് ഫാൻസ്‌
നിങ്ങളുടെ ഒക്കെ അച്ഛന്മാരുടെ കൂടെ ഞാൻ വർക്ക് ചെയ്തിട്ടുണ്ട്. ഇപ്പോൾ നിങ്ങൾ മക്കളുടെ കൂടെയും.വല്ലാത്ത സന്തോഷം തോന്നുന്നു എന്നാണെന്ന് പറഞ്ഞു. അപ്പോഴാണ് ഞങ്ങളും അതോർത്തത്.അപ്പോഴേക്കും അടുത്തെത്തിയ ലാലേട്ടൻ അതൊരു ഭാഗ്യമല്ലേ ഇങ്ങനെ സാധിച്ചത് എന്ന് ചോദിച്ചു. അതെ ലാലേട്ടാ, അത് ഞങ്ങളുടെ ഭാഗ്യമാണ് " എന്ന് പറഞ്ഞു ഞാൻ. ഉടൻ രഞ്ജിത്തേട്ടനോട് ചോദിച്ചു ഞങ്ങൾ ഒരുമിച്ച് ഒരു ഫോട്ടോ തരാമോ എന്ന്. രഞ്ജിത്തേട്ടൻ ലാലേട്ടനോട് " റാണി പറയുന്നു അവർ മൂന്നു പേരും ലാലേട്ടനും കൂടി ഒരു ഫോട്ടോ വേണമെന്ന്" എന്ന് പറഞ്ഞതും " അതൊരു നല്ല കാര്യമല്ലേ വരൂ നമുക്ക് ഫോട്ടോ എടുക്കാം" എന്ന് പറഞ്ഞ് എടുത്ത ഫോട്ടോ ആണിത്.

ഇനി മുന്നോട്ടുള്ള കാലം കാത്തു വെക്കുന്നത് എന്ത് തന്നെയായാലും ഇത് അതി മധുരമായി തന്നെ തുടരും
അച്ഛൻ എല്ലാം കണ്ടും അറിഞ്ഞും മേലെ ഉണ്ട്.