വളരെ സ്പഷ്ടമായി ദിലീപിൻ്റെ കൂടെയാണ് താൻ എന്ന പ്രഖ്യാപനം! അണ്ണന് ശേഷം തമ്പിയുടേതാണ് ഈ ലോകം; മോഹൻലാലിൻറെ ഭ ഭ ബ പറയുന്നത്

ഭഭബ സിനിമയിൽ മോഹൻലാൽ എത്തിയപ്പോൾ മുതൽ വലിയ വിമർശനം ആണ് സോഷ്യൽ മീഡിയയിൽ ഉയർന്നത്. ചിത്രത്തിന്റെ ഓരോ പോസ്റ്ററുകളും മോഹൻലാൽ പങ്കുവയ്ക്കുമ്പോൾ വലിയ രീതിയിൽ ആയിരുന്നു പരാതികൾ പങ്കുവച്ചത്. എന്നാൽ തന്റെ ചിത്രത്തെ കുറിച്ചല്ലാതെ മോഹൻലാൽ പ്രതികരിച്ചില്ല. അണ്ണൻ തമ്പി ,അഴിഞ്ഞാട്ടം എന്ന ടാഗ് ലൈനിൽ ചിത്രത്തിലെ ഗാനങ്ങൾ പോലും വലിയ ശ്രദ്ധ ആകർഷിക്കുകയും ചെയ്തു. ശരിക്കും ഈ ചിത്രം കാണുന്ന മനസിലാകുന്ന ഒരു കാര്യമുണ്ട് മോഹൻലാലിന് ആരാണ് ദിലീപ് എന്നുള്ളത്. റീല് ലൈഫിൽ മാത്രമല്ല റിയൽ ലൈഫിലും തനിക്ക് അത്രമേൽ ആളാണ് ദിലീപ് എന്ന് മനസിലാക്കാൻ സാധിക്കും. ചിത്രത്തിലെ ഡയലോഗുകൾ കൂടി കൂട്ടിച്ചേർത്താൽ അത്രയും ഡീപ്പ് ആയ ഒരു ബന്ധം ഇരുവർക്കും ഇടയിൽ ഉണ്ടെന്നു ബോധ്യം ആകും.

താൻ പാൻ ഇന്ത്യൻ താരമാകാൻ ഒരുങ്ങുമ്പോൾ മലയാളക്കരയുടെ മേൽനോട്ടം ദിലീപിനാണ്, അണ്ണനും തമ്പിയും ഒന്നിച്ചു നിൽക്കുമ്പോൾ ആരെതിർത്തിട്ടും കാര്യമില്ല, നിന്നോടൊപ്പം എന്നും ഞാനുണ്ട് എന്ന ഡയലോഗുകൾ കേവലം സിനിമാറ്റിക് യൂണിവേഴ്സ് എന്ന തലക്കെട്ടിനൊപ്പം ചേർക്കാനായി ഉച്ചരിച്ചവയല്ല എന്ന് ഏതൊരുവ്യക്തിക്കും ബോധ്യം ആകുന്നതാണ്. ദിലീപ്കേസിൽ എട്ടാം പ്രതി ആയി നിൽക്കുമ്പോൾ ആയിരുന്നു മോഹൻലാൽ ഈ ചിത്രത്തിൽ എത്താം എന്ന തീരുമാനത്തിൽ എത്തുന്നത്. അവസാനം കോടതി ദിലീപിനെ കുറ്റ മുക്തൻ ആക്കിയപ്പോൾ ചിത്രത്തിന്റെ റിലീസ്. ഒരുപക്ഷേ ദിലീപിനെ അത്രയും അടുത്തറിയുന്ന ആളെന്ന നിലയ്ക്ക് അല്ലെങ്കിൽ ദിലീപിനെ അത്രയും വിശ്വസിക്കുന്ന ആളെന്ന നിലക്ക് ഒക്കെ ആകും ഈ സിനിമയിലേക്ക് മോഹൻലാൽ എത്തിയതും.

സ്പൂഫ് മോഡിലിൽ കഥ പറയുന്ന ചിത്രമാണ് ഭഭ ബ. പഴയ ശൈലി വിട്ടുള്ള കോമഡിയും പുതിയ തലമുറക്ക് യോജ്യമായ അവതരണവും എല്ലാം ചിത്രത്തിൽ ഉണ്ടെങ്കിലും പഴയ ദിലീപ് ചിത്രത്തോളം ഓളം ഉണ്ടാക്കാൻ ഇതിനു സാധിച്ചിട്ടില്ല എന്ന അഭിപ്രായവും ഉയരുന്നുണ്ട്.

ഇന്ത്യയിലെ മൊത്തം കളക്ഷൻ ഏകദേശം ₹13.3 കോടിയാണെന്ന് ആണ് റിപ്പോർട്ട്. 2025 ഡിസംബർ 18 ന് ലോകമെമ്പാടുമുള്ള തിയേറ്ററുകളിൽ എത്തിയ ചിത്രം ശക്തമായ കളക്ഷനോടെ ആരംഭിച്ച ചിത്രം അൻപതുകോടി എത്തും എന്നാണ് അണിയറക്കാരുടെ പ്രതീക്ഷ.

നവാഗതനായ ധനഞ്ജയ് ശങ്കർ സംവിധാനം ചെയ്ത് ശ്രീ ഗോകുലം മൂവീസിൻ്റെയും ഗോകുലം പ്രൊഡക്ഷൻസിൻ്റെയും ബാനറിൽ ഗോകുലം ഗോപാലനും കൃഷ്ണമൂർത്തിയും ചേർന്ന് നിർമ്മിച്ച ഈ ചിത്രത്തിൽ വിനീത് ശ്രീനിവാസനും ധ്യാൻ ശ്രീനിവാസനും ദിലീപിനൊപ്പം അഭിനയിക്കുന്നു. സാൻഡി, ബാലു വർഗീസ്, ബൈജു സന്തോഷ്, ശരണ്യ പൊൻവണ്ണൻ, സിദ്ധാർത്ഥ് ഭരതൻ, റെഡിൻ കിംഗ്സ്ലി എന്നിവരും ചിത്രത്തിൽ എത്തുന്നുണ്ട്.