വി ശരിക്കും പ്രചോദനമാണ്, പാട്ടിന്റെ കാര്യത്തിൽ മാത്രമല്ല; ബിടിഎസ് താരത്തെ പ്രശംസിച്ച് ലീജം​ഗ് ലീ

Authored by: അശ്വിനി പി|Samayam Malayalam•25 Jul 2025, 3:10 pm

ദ ബ്ലാക്ക് ലേബലിൻ്റെ ദക്ഷിണ കൊറിയൻ കൊറിയോഗ്രാഫറും നർത്തകിയുമായ ലീജംഗ് ലീ ബിടിഎസ് താരം വി യുമായുള്ള തന്റെ ബന്ധത്തെ കുറിച്ച് സംസാരിക്കുന്നു. യോങ്‌സാൻ ജില്ലയിലെ ഒരു കഫേയിൽ വെച്ച് നടന്ന Mnet-ന്റെ 'World of Street Woman Fighter' ഫിനാലെയുടെ ഭാഗമായി നടന്ന അഭിമുഖത്തിലാണ് ലീജംഗ് ലീ വിയെ കുറിച്ച് വാചാലയായത്.

വിയെ കുറിച്ച് ചോദിച്ചപ്പോൾ, കാണുമ്പോൾ എല്ലാം തങ്ങളെ പരസ്പരം ബന്ധപിച്ചത് രണ്ട് പേർക്കും നൃത്തത്തോടുള്ള അഭിനിവേശമാണ് എന്ന് പറഞ്ഞുകണ്ടാണ് ലീജംഗ് ലീ സംസാരിച്ചു തുടങ്ങിയത്. സെലിബ്രിറ്റി സ്റ്റാർഡമോ മികച്ച ഗായകൻ എന്ന പദവിയോ മാത്രമല്ല, നൃത്തത്തിലുള്ള വിയുടെ കഴിവും വിയെ മറ്റുള്ളവരിൽ നിന്നും വ്യത്യസ്തനാക്കുന്നു. നൃത്തത്തെ അത്രയധികം സ്നേഹിക്കുന്ന ആളാണ് വി.

Also Read: എന്റെ ജീവിതത്തിൽ ഇനിയൊരു വിവാഹം ഉണ്ടാവും എന്ന് കരുതിയില്ല, ആ സ്പാർക്ക് വന്നതിനെ കുറിച്ച് ലെന, എങ്ങനെ പ്രശാന്തുമായി പ്രണയത്തിലായി?

എന്നെ പോലെ തന്നെ വിയും ഒരുപാട് നേരം ഡാൻസ് പ്രാക്ടീസ് ചെയ്യാറുണ്ട്. ഡാൻസിനോടുള്ള അദ്ദേഹത്തിന്റെ അഭിനിവേശം കണ്ടപ്പോൾ എനിക്ക് സ്വന്തം നിലവാരത്തെ കുറിച്ച് ചിന്തിക്കാൻ തോന്നിപ്പോയി, ശരിക്കും പ്രചോദനമാണ് വി ഡാൻസിനോട് കാണിക്കുന്ന സമർപ്പണം. വിയുടെ ഒരു പോസിറ്റീവ് ഊർജം നമ്മൾക്കും പകർന്ന് കിട്ടും- ലീജംഗ് ലീ പറഞ്ഞു.


വിയും ലീജംഗ് ലീയും ഒരുമിച്ചുള്ള ഡാൻസ് വീഡിയോകൾ പലപ്പോഴും സോഷ്യൽ മീഡിയയിൽ വൈറലായിരുന്നു. Finatticz-ന്റെ "Don't Drop That Thun Thun" എന്ന ഗാനത്തിന് ഇരുവരും ഒരുമിച്ച് നൃത്തം ചെയ്ത വീഡിയോ വൻ വൈറലായിരുന്നു. GloRilla-യുടെ "WATCHU KNO BOUT ME" എന്ന ഗാനത്തിന് ഇരുവരും ഒരുമിച്ച് ഡാൻസ് ചെയ്തതും ശ്രദ്ദേയമായിരുന്നു. വി സൈനിക സേവനത്തിലായിരിക്കുമ്പോൾ, Ludacris-ന്റെ "What’s Your Fantasy?" എന്ന ഗാനത്തിന് ഇരുവരും ചേർന്ന് മനോഹരമായ ഒരു ഡാൻസ് ചെയ്തിരുന്നു, അത് പലരെയും അമ്പരപ്പിക്കുകയും ആകർഷിക്കുകയും ചെയ്തിട്ടുണ്ട്.