വിജയിയുമായുള്ള ബന്ധം അവസാനിച്ചോ എന്ന ചോദ്യത്തിനിടയില്‍ സ്വകാര്യതയെ കുറിച്ച് തമന്ന; 20 വര്‍ഷങ്ങള്‍, തിരിഞ്ഞു നോക്കുമ്പോള്‍ കുറ്റബോധമില്ല

Authored byഅശ്വിനി പി | Samayam Malayalam | Updated: 24 Mar 2025, 10:32 am

Samayam Malayalamതമന്ന ഭട്ടിയ

ശിവശക്തി എന്ന തന്റെ പുതിയ സിനിമയുടെ പ്രമോഷന്‍ തിരക്കിലാണ് തമന്ന ഭട്ടിയ. സിനിമയില്‍ എത്തിയിട്ട് 20 വര്‍ഷങ്ങള്‍ പിന്നിടുന്നു. ഇപ്പോഴും തന്റെ ഗ്ലാമര്‍ നിലനിര്‍ത്തുന്ന താരം കൂടുതല്‍ സ്ത്രീപക്ഷ സിനിമകളാണ് ഇപ്പോള്‍ തിരഞ്ഞെടുക്കുന്നത്. 20 വര്‍ഷത്തെ കരിയരിനെ കുറിച്ചും തന്റെ സ്വകാര്യതയെ കുറിച്ചും തമന്ന പ്രതികരിച്ചതാണ് ഇപ്പോള്‍ വൈറലാവുന്നത്.

നടന്‍ വിജയ് വര്‍മയുമായുള്ള രണ്ട് വര്‍ഷത്തെ പ്രണയ ബന്ധം തമന്ന അവസാനിപ്പിച്ചോ എന്ന ഗോസിപ്പുകള്‍ നിലനില്‍ക്കവെ സ്വകാര്യത എത്രത്തോളം താന്‍ സൂക്ഷിക്കുന്നു എന്നും നടി പ്രതികരിക്കുന്നുണ്ട്. ഒരു സെലിബ്രേറ്റി ജീവിതം ഞാന്‍ തിരഞ്ഞെടുക്കുമ്പോള്‍ അത് എങ്ങനെയായി തീരും എന്നതില്‍ എനിക്ക് നല്ല ബോധ്യമുണ്ട്. ഞാന്‍ ജങ്ങളുടെ ആളാണ്, ഒരു പബ്ലിക് ഫിഗര്‍ ആണ്. അപ്പോള്‍ എന്നെ സംബന്ധിച്ച് പലതരത്തിലുള്ള സംസാരവും പുറത്തുണ്ടാവുന്നത് സ്വാഭാവികം. അതിനെ ഞാന്‍ അങ്ങനെയേ കാണുന്നുള്ളൂ.

Also Read: അച്ഛന്‍ വിളിച്ച സന്തോഷത്തില്‍ സത്യ, മകളെ കാണാന്‍ വിഷ്ണുവും; ഒന്നും മനസ്സിലാവാതെ ശാലിനി- കുടുംബ ശ്രീ ശാരദ ഇന്നത്തെ എപ്പിസോഡ്

എയര്‍പോര്‍ട്ടില്‍ എന്നെ കാണുമ്പോള്‍ ഓടി വന്ന് ഫോട്ടോ എടുക്കുന്നവരോടും, സംസാരിക്കുന്നവരോടും എനിക്ക് വിരോധമില്ല. കാരണം അങ്ങനെയുള്ള ആരാധകരാണ് എന്നെ ഇവിടെ വരെ എത്തിച്ചത്. അതില്‍ എനിക്ക് യാതൊരു മടുപ്പും ഇല്ല. അതേ സമയം എന്റെ വ്യക്തി ജീവിതത്തിലെ സ്വകാര്യതകള്‍ ഒരു പരിധിയില്‍ അധികം വെളിപ്പെടുത്താനും ഞാന്‍ ആഗ്രഹിക്കുന്നില്ല എന്നാണ് തമന്ന പറഞ്ഞത്

20 വര്‍ഷത്തെ കരിയറിലേക്ക് തിരിഞ്ഞു നോക്കുമ്പോള്‍ എനിക്ക് ഒരുപാട് പ്രശ്‌നങ്ങള്‍ നേരിടേണ്ടതായി വന്നിട്ടുണ്ട്, തെറ്റുകള്‍ സംഭവിച്ചിട്ടുണ്ട്. പക്ഷേ അതിലൊന്നും ഇന്ന് കുറ്റബോധമില്ല. കാരണം തെറ്റുകളും ആ പ്രശ്‌നങ്ങളും എന്നെ കൂടുതല്‍ പരുവപ്പെടുത്തുകയാണ് ചെയ്തത്. ജീവിതത്തിലെ ഓരോ ട്വിസ്റ്റും ടേണും പുതിയ അവസരങ്ങളായി ഞാന്‍ കണക്കാക്കുന്നു, അതിനെല്ലാം ഞാന്‍ എന്നും നന്ദിയുള്ളവളാണെന്നും തമന്ന ഭട്ടിയ പറഞ്ഞു.
2005 ല്‍ ആണ് തമന്ന ഭട്ടിയ തന്റെ കരിയര്‍ ആരംഭിച്ചത്. തെലുങ്ക്, തമിഴ് സിനിമകളില്‍ വന്‍ വിജയം നേടിയ നടി ഇപ്പോള്‍ കൂടുതലും ബോളിവുഡ് സിനിമകളിലും വെബ് സീരീസുകളിലുമാണ് ശ്രദ്ധ കേന്ദ്രീകരിയ്ക്കുന്നത്.