വിജയ് ദേവരകൊണ്ടയെ രക്ഷപ്പെടുത്താന്‍ വിജയ് സേതുപതി; 20 കോടി രൂപ പ്രതിഫലത്തിന് വേണ്ടിയോ ഇത്?

ജൂനിയര്‍ ആര്‍ട്ടിസ്റ്റായി വന്ന് തമിഴ് സിനിമാ ലോകത്ത് തന്റേതായ ഇടം കണ്ടെത്തിയ നടനാണ് വിജയ് സേതുപതി . വേറിട്ട അഭിനയ മികവുകൊണ്ടു തന്നെ മക്കള്‍ സെല്‍വന്‍ എന്ന വിശേഷണത്തിന് വിജയ് സേതുപതി പെട്ടന്ന് അര്‍ഹനായി. എന്നാല്‍ വിജയ് നായകനായ മാസ്റ്റര്‍ എന്ന ചിത്രത്തിന് ശേഷം വിജയ് സേതുപതിയുടെ ഐഡന്റിറ്റി വീണ്ടും മാറി.

മാസ്റ്റര്‍ എന്ന ചിത്രത്തില്‍ വില്ലനോളം ശ്രദ്ധ നേടിയത് വിജയ് സേതുപതിയുടെ വില്ലന്‍ വേഷമായിരുന്നു. അതിന് ശേഷം ധാരാളം വില്ലന്‍ റോളുകള്‍ വിജയ് സേതുപതിയെ തേടിയെത്തി. നായകന്മാരെക്കാള്‍ വില്ലന് പ്രാധാന്യം ലഭിച്ചു തുടങ്ങിയപ്പോള്‍, നായകന്മാര്‍ ഇടപെട്ട് വില്ലന്റെ റോളുകള്‍ കട്ട് ചെയ്തു തുടങ്ങി. ടൈപ്കാസ്റ്റ് ചെയ്യാന്‍ കൂടെ തുടങ്ങിയതോടെ വിജയ് സേതുപതി വില്ലന്‍ വേഷങ്ങള്‍ ഇനി ചെയ്യില്ല എന്നും പറഞ്ഞിരുന്നു.

Also Read: എല്ലാം ഞാന്‍ കേള്‍ക്കുന്നുണ്ട് അറിയുന്നുണ്ട്; വിമര്‍ശനങ്ങളും വിവാദങ്ങളും ബാധിക്കുന്നില്ലേ എന്ന ചോദ്യത്തിന് മഞ്ജുവിന്റെ മറുപടി

ഇപ്പോഴിതാ വിജയ് ദേവരകൊണ്ടയ്ക്ക് വേണ്ടി വീണ്ടും വിജയ് സേതുപതി വില്ലനാവാന്‍ സമ്മതിച്ചിരിയ്ക്കുന്നു. റൗഡി ജനാര്‍ത്ഥനന്‍ എന്ന ചിത്രത്തിന് വേണ്ടി വിജയ് സേതുപതി കമ്മിറ്റ് ചെയ്തു എന്നാണ് തെലുങ്ക് സിനിമാ ലോകത്തു നിന്നും വരുന്ന വാര്‍ത്തകള്‍. കീര്‍ത്തി സുരേഷ് ആണ് ചിത്രത്തിലെ നായിക. വില്ലന്‍ വേഷം ചെയ്യില്ല എന്ന് പറഞ്ഞ സേതുപതി എന്തുകൊണ്ട് ഈ ദേവരകൊണ്ട ചിത്രം ഏറ്റെടുക്കുന്നു, പ്രതിഫലമാണ് കാരണം എന്നൊക്കെയുള്ള ചോദ്യം ഉയരുന്നുണ്ട്.

20 കോടി രൂപയ്ക്ക് ആണ് വിജയ് സേതുപതി റൗഡി ജനാര്‍ത്ഥന എന്ന ചിത്രം ഏറ്റെടുത്തത്. എന്നാല്‍ പ്രതിഫലം അല്ല വിജയ് സേതുപതിയെ മോഹിപ്പിച്ചത്, ചിത്രത്തിന്റെ കഥയാണ്. നല്ല ഡെപ്തുള്ള വില്ലന്‍ വേഷം ആയതുകൊണ്ടാണ് ചിത്രം ഏറ്റെടുക്കാന്‍ തയ്യാറായത്. മാത്രമല്ല, രംഗങ്ങള്‍ അനാവശ്യമായി വെട്ടി മാറ്റില്ല എന്ന വാഗ്ദാനവും നല്‍കിയിട്ടുണ്ടത്രെ


അത് മാത്രമല്ല, സേതുപതിയുടെ വരവ് ദേവരകൊണ്ടയ്ക്ക് വലിയ രീതിയില്‍ ഗുണം ചെയ്യും എന്നാണ് തെലുങ്ക് സിനിമ പ്രേക്ഷകരുടെ പ്രതീക്ഷ. സമീപകാലത്തായി റിലീസ് ചെയ്ത ദ ഫാമിലി സ്റ്റാര്‍, കിങ്ഡം പോലുള്ള സിനിമകള്‍ വിജയ് ദേവരകൊണ്ടയ്ക്ക് അത്ര വര്‍ക്കായിട്ടില്ല. വിജയ് സേതുപതിയ്‌ക്കൊപ്പം ഒരു സിനിമ ചെയ്യുന്നതോടെ അതിന് വാണിജ്യപരമായ വിജയം ഉറപ്പാണ്, ആ പേരില്‍ തമിഴകത്തും മാര്‍ക്കെറ്റ് ചെയ്യാന്‍ സാധിക്കും എന്ന പ്രതീക്ഷയിലാണ് അണിയറ പ്രവര്‍ത്തകര്‍.