വിജയ്ക്ക് വേണ്ടി മമിത പാടിയ പാട്ട് ട്രോളായപ്പോള്‍ നടി എന്ത് പറഞ്ഞു; വേദനിപ്പിച്ചോ? സംഗീത് പറയുന്നു

വിജയ്ക്ക് ഒപ്പം ഒരു സിനിമയില്‍ എങ്കിലും അഭിനയിക്കണം എന്നത് മമിത ബൈജുവിന്റെ ഏറ്റവും വലിയ ആഗ്രഹമായിരുന്നു. ഇനി അത് നടക്കില്ലല്ലോ, അദ്ദേഹം അഭിനയം നിര്‍ത്തുകയല്ലേ എന്ന് സങ്കടപ്പെട്ടിരിക്കുമ്പോഴാണ്, എച്ച് വിനോദ് വിജയ് യുടെ അവസാനത്തെ സിനിമ പ്രഖ്യാപിച്ചത്. ജന നായകന്‍ എന്ന ചിത്രത്തിലൂടെ വിജയ് അഭിനയം നിര്‍ത്തുന്നു എന്നതിനൊപ്പം, ആ സിനിമയില്‍ തനിക്കും ഒരു വേഷം ഉണ്ട് എന്നതായിരുന്നു മമിതയെ സംബന്ധിച്ച് ഏറ്റവും വലിയ എക്‌സൈറ്റ്‌മെന്റ് ന്യൂസ്.

മൂന്ന് പതിറ്റാണ്ടു കാലത്തെ വിജയ് യുടെ അഭിനയം ജീവിതം അവസാനിക്കുന്ന, ഏറ്റവുമൊടുവിലത്തെ ഓഡിയോ ലോഞ്ച് എന്ന രീതിയില്‍ ജനനായകന്‍ എന്ന ചിത്രത്തിന്റെ ഓഡിയോ ലോഞ്ച് പ്രൗഢഗംഭീരമായിരുന്നു. ആ വേദിയില്‍ വിജയ് യുടെ കരിയരില്‍ വളരെ വലിയ പങ്കുവഹിച്ച പ്രകത്ഭര്‍ക്കൊപ്പം, ജനനായകനിലെ കേന്ദ്ര കഥാപാത്രം എന്ന നിലയില്‍ മമിത ബൈജുവിനും ഒരു സ്ഥാനമുണ്ടായിരുന്നു. ആരാധകരെ സംബന്ധിച്ച് ഏറ്റവും സന്തോഷം നല്‍കിയ വാര്‍ത്തയായിരുന്നു അത്.

Also Read: ഒരു മണിക്കൂറിൽ വാങ്ങിയത് ലക്ഷങ്ങളുടെ ഇഷ്ടം! താടി എടുക്കില്ലേ എന്ന് ചോദിച്ചവർ കണ്ണു തുറന്നു കണ്ടോ

എന്നാല്‍ ആ വേദിയില്‍ സംസാരിച്ച, മമിത പാടിയ ഒരു പാട്ട് വന്‍ വൈറലായി. അതിന്റെ പേരില്‍ സൗത്ത് ഇന്ത്യന്‍ സിനിമയില്‍ ഒന്നിനു പിറകെ ഒന്നായി സൂപ്പര്‍ ചിത്രങ്ങള്‍ കിട്ടുന്ന മമിത എയറിലുമായി. അതിന് ശേഷം ഒരു പൊതുവേദിയില്‍ മമിത വന്നിട്ടില്ല. ഏറ്റവും അടുത്ത കൂട്ടുകാരിയെ എയറിലാക്കിയ സംഭവത്തെ കുറിച്ച് സംഗീത് പ്രതാപന്‍ പറഞ്ഞ കാര്യങ്ങളാണ് ഇപ്പോള്‍ ആരാധകര്‍ ഏറ്റെടുത്തിരിക്കുന്നത്.

ബേബി ഗേള്‍ എന്ന ഏറ്റവും പുതിയ സിനിമ ജനം സ്വീകരിച്ച സന്തോഷത്തിലാണ് സംഗീത്. ഷോ കണ്ട് മടങ്ങവെയാണ് വിഷയത്തെ കുറിച്ചുള്ള ചോദ്യത്തിന് സംഗീത് മറുപടി നല്‍കിയത്. പൊതുവെ എങ്ങനെയാണോ സുഹൃത്തുക്കള്‍ക്കിടയില്‍ അങ്ങനെ ഒരു ട്രോള്‍ കിട്ടിയാല്‍ പെരുമാറന്നത്, അതുപോലെ തന്നെയായിരുന്നു ഞങ്ങളും എന്ന് സംഗീത് പറഞ്ഞു. ഞങ്ങളൊരുമിച്ച് ആ വീഡിയോ ഇരുന്ന് കണ്ടിട്ടുണ്ട്. നിങ്ങള് വിചാരിക്കുന്നത് പോലെ അവള്‍ക്ക് വലിയ പ്രശ്‌നമൊന്നും ഇല്ല.

Also Read: ഇനിയൊമരുപാട് കാലം അവള്‍ക്കുടുക്കാനുള്ള ഉടുപ്പ് ഇന്നും എന്റെ അലമാരയിലുണ്ട്; നഷ്ടപ്പെട്ടുപോയ മകളെ കുറിച്ച് ചിത്ര

ട്രോളൊന്നും വിഷയമേ അല്ല, അതിന് അടിയില്‍ വരുന്ന കമന്റുകളാണ്. ഇതിലൊക്കെ ഒറ്റ കാര്യമേയുള്ളൂ, ട്രോളൊക്കെ വലിയ സീരിയസ് ആണെങ്കില്‍ ഒരിക്കലും നമ്മളത് ആസ്വദിക്കുകയോ, സുഹൃത്തുക്കള്‍ക്ക് കാണിച്ചു കൊടുക്കുകയോ ചെയ്യില്ല. മമിതയെ സംബന്ധിച്ച് അങ്ങനെയൊന്നില്ല, ട്രോളുകളൊക്കെ അവള്‍ തന്നെ നമുക്ക് കാണിച്ചു തരും. കമന്റുകളാണ് വേദനിപ്പിക്കുന്നത്- സംഗീത് പ്രതാപ് പറഞ്ഞു.