വിലായത്ത് ബുദ്ധ- പ്രേക്ഷക പ്രതികരണം; സച്ചിയുടെ ആത്മാവ് പൂര്‍ണ സംതൃപ്തനായിരിക്കും!

Authored by: അശ്വിനി പി|Samayam Malayalam•21 Nov 2025, 2:37 pm

ജി ആര്‍ ഇന്ദുഗോപന്റെ വിലായത്ത് ബുദ്ധ എന്ന നോവല്‍, അതേ പേരില്‍ സിനിമ ആക്കണം എന്നാഗ്രഹിച്ചത് സച്ചിയാണ്. അനാര്‍ക്കലി, അയ്യപ്പനും കോശിയും എന്നീ ചിത്രങ്ങള്‍ക്ക് ശേഷം പൃഥ്വിരാജിനെയും ബിജു മേനോനെയും കേന്ദ്ര കഥാപാത്രങ്ങളാക്കി വിലായത്ത് ബുദ്ധ ചെയ്യണം എന്നായിരുന്നു സച്ചിയുടെ പ്ലാന്‍. എന്നാല്‍ അത് പൂര്‍ത്തിയാക്കും മുന്‍പേ സച്ചി മരണപ്പെട്ടു. ഏറ്റവും പ്രിയപ്പെട്ട, സഹോദര തുല്യനായ സുഹൃത്ത് സച്ചിയുടെ ആഗ്രഹം പൂര്‍ത്തിയാക്കാന്‍ പൃഥ്വിരാജ് തന്നെ മുന്നിട്ടിറങ്ങിയപ്പോഴാണ് ഇപ്പോള്‍ വിലായത്ത് ബുദ്ധ എന്ന സിനിമ സംഭവിച്ചത്.

സച്ചിയുടെ അസിസ്റ്റന്റ് ഡയരക്ടാറായ ജയന്‍ നമ്പ്യാര്‍ക്ക് എല്ലാ പിന്തുണയും നല്‍കി പ്രോത്സാഹിപ്പിച്ചത് പൃഥ്വിരാജ് തന്നെയാണ്. ബിജു മേനോന് പകരം ഷമ്മി തിലകന്‍ ആവും തൂവെള്ള ഭാസ്‌കരന്‍ എന്ന കഥാപാത്രത്തിന് കുറച്ചുകൂടെ നല്ലത് എന്ന് ജയന്‍ നമ്പ്യാര്‍ പറഞ്ഞപ്പോള്‍ പൃഥ്വിരാജും അത് ശരിവച്ചു. ഏറ്റവും മികച്ച കാസ്റ്റിങ് ആയിരുന്നു അത് എന്നാണ് ഇപ്പോള്‍ സിനിമ റിലീസായപ്പോള്‍ പ്രേക്ഷകരും പറയുന്നത്. സച്ചിയുടെ ആത്മാവും പൂര്‍ണ സംതൃപ്തനായിരിക്കും. വിലായത്ത് ബുദ്ധ അത്രയും മികച്ച ഒരു സിനിമ തന്നെ!

Also Read: ഇത് പരിഹസിച്ചവര്‍ക്കുള്ള മറുപടിയാണ്; ഒരു രാജകുമാരിയെ പോലെ അണിഞ്ഞൊരുങ്ങി രേണു സുധി

സിനിമയുടെ ആദ്യത്തെ ആകര്‍ഷണം തന്നെ പൃഥ്വിരാജ് - ഷെമ്മി തിലകന്‍ കോംമ്പോ തന്നെയാണ്. തിലകന്‍ എഫക്ടാണ് ഷമ്മി നല്‍ക്കുന്നത്. ശരിക്കും ഷമ്മി ഹീറോ ആടാ ഹീറോ എന്ന ഡയലോഗ് ഇപ്പോള്‍ ആപ്റ്റാണ് എന്ന് പറയുന്നവരുമുണ്ട്. ഈ കോമ്പോ ഒരു ഫ്രഷ്‌നസ്സും നല്‍കുന്നുണ്ട്. ഷമ്മി തിലകനും പൃഥ്വിരാജിനുമൊപ്പം സുരാജ് വെഞ്ഞാറമൂട്, പ്രിയംവദ കൃഷ്ണന്‍, അനുമോഹന്‍, രാജശ്രീ, ടീജയ് അരുണസലാം, ധ്രുവന്‍ പോലുള്ള താരങ്ങളും മികച്ച കാസ്റ്റിങ് തന്നെയാണ്

നട്ടെല്ലുള്ള ഒരു തിരക്കഥയാണ് വിലായത്ത് ബുദ്ധയുടെ വിജയം എന്ന് തന്നെ പറയാം. വളരെ മികച്ച രീതിയില്‍ ജയന്‍ നമ്പ്യാര്‍ അത് എടത്തു വച്ചിട്ടുണ്ട്. സച്ചിയുടെ ടച്ചുകള്‍ എന്ന് തോന്നിപ്പിക്കുന്ന ചില ഫ്രെയിമുകളും കാണാം. അതിനൊപ്പം ജേക്‌സ് ബിജോയിയുടെ മ്യൂസിക്കും കൈയ്യടി നേടുന്നു. ഇന്റര്‍വെല്‍ പഞ്ചൊക്കെ അതി ഗംഭീരമായിരുന്നു എന്നാണ് പ്രേക്ഷക പ്രതികരണം.


അതേ സമയം നെഗറ്റീവ് പറയണം എന്നാഗ്രഹിക്കുന്നവര്‍ ഒരു ഭാഗത്ത് അതും പറയുന്നുണ്ട്. ഒരു പുഷ്പ വേര്‍ഷന്‍ സിനിമ പ്രതീക്ഷിച്ചു പോയവര്‍ക്ക് വിലായത്ത് ബുദ്ധ നിരാശയാണ്. അത്തരമൊരു കൊമേര്‍ഷ്യല്‍ കാഴ്ചപ്പാടിലല്ല, വിലായത്ത് ബുദ്ധ ഒരുക്കിയിരിക്കുന്നത്. അയ്യപ്പന്‍ - കോശി കോംമ്പോയോളം എത്തിയില്ല എന്നതും സിനിമയെ ഒരേ പാറ്റേണില്‍ മാത്രം കാണാന്‍ ആഗ്രഹിക്കുന്നവരുടെ വിമര്‍ശനമാണ്.