വിവാഹ ഫോട്ടോകൾ എല്ലാം ഡിലീറ്റ് ചെയ്തു, ഹൻസികയും വിവാഹ മോചിതയാകുന്നു; വെറും 3 വർഷം കൊണ്ട് എല്ലാം അവസാനിച്ചോ?

Authored by: അശ്വിനി പി|Samayam Malayalam•5 Aug 2025, 2:08 pm

സ്വപ്ന തുല്യമായ ഒരു പ്രപ്പോസലായിരുന്നു ഹൻസിക മോട്ടുവാണിയ്ക്ക് ലഭിച്ചത്. ഏറെ കാലത്തെ സൗഹൃദത്തിനും പ്രണയത്തിനും ശേഷം, ഐഫിൽ ടവറിന്റെ താഴെ വച്ച് സൊഹയിൽ കതൂരിയ ഹൻസിക മോട്ട്വാണിയെ പ്രപ്പോസ് ചെയ്യുകയായിരുന്നു. പ്രപ്പോസൽ സ്വീകരിച്ച നടി ആ സന്തോഷം തന്റെ തന്റെ സോഷ്യൽ മീഡിയയിലൂടെ അറിയിക്കുകയും ചെയ്തിരുന്നു

അതിന് ശേഷം 2022 , ഡിസംബറിൽ വളരെ ആർഭാടമായ ഒരു വിവാഹവും നടന്നു. മൂന്ന് വർഷം പൂർത്തിയാവും മുൻപേ ഇതാ വിവാഹ മോചനവും സംഭവിക്കാൻ പോകുന്നു.

Also Read: വയ്യാതെ കിടക്കുമ്പോഴും, ഞാൻ തിരിച്ചുവരും എന്ന് ആത്മവിശ്വാസത്തോടെ പറ‍ഞ്ഞിരുന്നു; ഷാനവാസിനെ അവസാനമായി ചെന്നു കണ്ടതിനെ കുറിച്ച് മുകേഷ്

ഹൻസിക മോട്ട്വാണിയും സൊഹയിൽ കതൂരിയയും വേർപിരിയുകയാണ് എന്ന ഗോസിപ്പുകൾ കുറച്ചു നാളുകളായി സോഷ്യൽ മീഡിയയിൽ സജീവമായിരുന്നു. ഇരുവരും വേർപിരിഞ്ഞാണ് താമസിക്കുന്നത് എന്നൊക്കെയായിരുന്നു റിപ്പോർട്ടുകൾ. എന്നാൽ വാർത്തകളോടൊന്നും ഹൻസിക പ്രതികരിച്ചിരുന്നില്ല. നടിയുടെ സോഷ്യൽ മീഡിയയിൽ ഭർത്തിവിനൊപ്പമുള്ള ഫോട്ടോകളും അങ്ങനെ തന്നെ കിടന്നു. അതുകൊണ്ട് തന്നെ പ്രചരിയ്ക്കുന്നത് കിംവദന്തി മാത്രമാണെന്ന നിലയിലും വാർത്തകൾ വന്നു

എന്നാൽ ഇപ്പോഴിതാ തന്റെ വിവാഹ ചിത്രങ്ങളെല്ലാം ഇൻസ്റ്റഗ്രാമിൽ നിന്നും ഹൻസിക ഡിലീറ്റ് ചെയ്ത് ഒഴിവാക്കി. ഇതെയാണ് വിവാഹ മോചന വാർത്തകൾക്ക് കൂടുതൽ ബലം വന്നത്. ഇരുവരും കോടതിയെ സമീപിച്ചു എന്നാണ് ഇപ്പോഴത്തെ റിപ്പോർട്ടുകൾ.

Also Read: ദിവസേന രണ്ടുലക്ഷം രൂപ ഷോപ്പിൽ നിന്നുമാത്രം; യൂട്യൂബിൽ നിന്നും, പ്രമോഷിനിലൂടെ വേറെയും; ദിയ എന്ന ബോൾഡ് ആൻഡ് ബ്യൂട്ടിഫുൾ ലേഡി

നയൻതാരയ്ക്ക് ശേഷം ഒരു സൗത്ത് ഇന്ത്യൻ നടിയുടെ വിവാഹം ഓടിടി പ്ലാറ്റ്ഫോം ഏറ്റെടുത്ത് ഹൻസികയുടേത് ആയിരുന്നു. ലവ് ശാദി ഡ്രാമ എന്ന പേരിൽ ജിയോ ഹോട്സ്റ്റാറിൽ ആറ് എപ്പിസോഡുകളായി വന്ന വിവാഹ വിശേഷം, വളരെ ഇമോഷണലായിരുന്നു. ഇരുവരുടെയും പ്രണയവും ഇന്റിമസിയും അത്രയും പ്രകടവുമായിരുന്നു. അങ്ങനെ ഒരു ബന്ധം വെറും മൂന്ന് വർഷം കൊണ്ട് അവസാനിച്ചല്ലോ എന്ന നിരാശയിലാണ് ആരാധകർ.


സൊഹയിൽ നേരത്തെ വിവാഹിതനായിരുന്നു. ഹൻസികയുടെ കൂട്ടുകാരി റിങ്കി ബജാജ് ആയിരുന്നു ഭാര്യ. ആ ബന്ധം വേർപിരിഞ്ഞതിന് ശേഷമാണ് ഇരുവരും പ്രണയത്തിലായത്. അടുത്തിടെയാണ് ഹൻസികയുടെ സഹോദരനും വിവാഹ മോചിതനായത്. ഗാർഹിക പീഡനം നേരിട്ടു എന്ന് പറഞ്ഞത് ഹൻസികയുടെ സഹോദരന്റെ മുൻ ഭാര്യയും നടിയുമായ മുസ്കാൻ നാൻസി നൽകിയ കേസ് വാർത്തയായിരുന്നു.