വിവാഹ മോചനത്തിന് ശേഷം ജീവിക്കാന്‍ വേറെ മാര്‍ഗ്ഗമില്ല, പുതിയ വഴികണ്ടെത്തി നടി; സുസ്മിത സെന്നിന്റെ സഹോദര പത്‌നി അഭിനയം നിര്‍ത്തി!

Authored byഅശ്വിനി പി | Samayam Malayalam | Updated: 11 Apr 2025, 8:33 pm

Samayam Malayalamചാരു അസോപ

ഹിന്ദി മിനിസ്‌ക്രീന്‍ പ്രേക്ഷകര്‍ക്ക് ഏറെ പരിചിതയാണ് ചാരു അസോപ. ബോളിവുഡ് താരം സുസ്മിത സെന്നിന്റെ സഹോദരനും നടനുമായ രാജീവ് സെന്നിന്റെ ഭാര്യ എന്ന നിലയിലും ചാരും ഏറെ ശ്രദ്ധ നേടിയിരുന്നു. ഇരുവരുടെയും വിവാഹവും വിവാഹ മോചനവും സോഷ്യല്‍ മീഡിയയില്‍ ചര്‍ച്ചയാകുകയും ചെയ്തിട്ടുണ്ട്. കുഞ്ഞിന് ഒരു വയസ്സ് എത്തുന്നതിന് മുന്‍പേ വേര്‍പിരിഞ്ഞവര്‍, പിന്നീട് വീണ്ടും ഒന്നിച്ചതും, അതിന് ശേഷം തീരെ ഒത്തു പോകാത്തതിനാല്‍ വീണ്ടും വേര്‍പിരിഞ്ഞതും വാര്‍ത്തയായി.

ഇപ്പോഴിതാ ചാരു അസോപയുടെ പുതിയ ബിസിനസ്സ് സോഷ്യല്‍ മീഡിയയില്‍ ചര്‍ച്ചയാവുന്നു. അത്രയ്ക്കധികം ആര്‍ഭാടമൊന്നും ഇല്ലാതെ, ഒരു സെലിബ്രേറ്റി നടി അലങ്കാരങ്ങളുമില്ലാതെ തന്റെ ബിസിനസ് പ്രമോഷന്‍ നടത്തുന്ന വീഡിയോ ചാരു അപോസ തന്നെയാണ് ഇന്‍സ്റ്റഗ്രാമില്‍ പങ്കുവച്ചത്. ചുരിദാര്‍ മെറ്റീരിയലുകള്‍ വില്‍ക്കുന്ന ബിസിനസ്സിലേക്ക് തിരിഞ്ഞിരിക്കുകയാണ് ചാരു. ഇത് തന്റെ പുതിയ തുടക്കമാണ് എന്ന് ചാരു അസോപ പറയുന്നു.

ഒന്ന് വിളിച്ചിരുന്നെങ്കില്‍ എന്ന് ഞാന്‍ കൊതിച്ചിരുന്നു, എന്റെ ജീവിതത്തില്‍ സംഭവിച്ച ഏറ്റവും നല്ല കാര്യം അതാണ്; മഞ്ജു വാര്യര്‍ തുറന്ന് പറയുന്നു

രാജസ്ഥാനിലുള്ള തന്റെ ജന്മനാടായ ബികാനറിലാണ് ഇപ്പോള്‍ ചാരുവും മകളും. മകള്‍ക്കൊപ്പം മുംബൈ പോലൊരു നഗരത്തില്‍ ജീവിക്കുക അത്ര എളുപ്പമല്ല. മാസം എനിക്ക് ഒന്ന് - ഒന്നര ലക്ഷം രൂപ ചെലവാണ്. മാത്രമല്ല, മകള്‍ സിയാനയെ അവളുടെ അമ്മൂമ്മയുടെ അടുത്ത് ഏല്‍പ്പിച്ച് മുംബൈയില്‍ ഷൂട്ടിങിന് പോകുന്നതും എനിക്ക് എളുപ്പമുള്ള കാര്യമല്ല. എല്ലാം മാനേജ് ചെയ്യുന്നത് കൂടുതല്‍ ബുദ്ധിമുട്ടാണെന്ന് മനസ്സിലാക്കിയതോടെയാണ് മുംബൈ നഗരവും അഭിനയവും ഉപേക്ഷിച്ച് ഞാന്‍ ജന്മനാട്ടിലേക്ക് തിരിച്ചത്.

എനിക്ക് എന്റേതായ ഒരു ഐഡന്റിറ്റിയും, ബിസിനസ്സും നേടിയെടുക്കണം. ഇതൊന്നും നേരത്തെ മുന്‍കൂട്ടി പ്ലാന്‍ ചെയ്തതായിരുന്നില്ല, ഈ തീരുമാനത്തിലേക്കെത്താന്‍ ഞാന്‍ നിര്‍ബന്ധിതയാകുകയായിരുന്നു. ഒറ്റയ്‌ക്കൊരു ബിസിനസ് ആരംഭിക്കുക എന്നതും ഒരുപാട് കഷ്ടപ്പാടുള്ള കാര്യമാണ്. ഓഡറുകള്‍ എടുക്കുന്നതും പാക്ക് ചെയ്യുന്നതും അയക്കുന്നതും എല്ലാം ഞാന്‍ ഒറ്റയ്ക്ക് തന്നെയാണ്. അഭിനയിക്കാനായി മുംബൈയിലേക്ക് വന്നതും എന്നെ സംബന്ധിച്ച് എളുപ്പമായിരുന്നില്ല. എന്റേതായ പേര് ഇന്റസ്ട്രിയില്‍ നേടിയെടുക്കാനും ഒരുപാട് കഷ്ടപ്പെട്ടിട്ടുണ്ട്. ഇപ്പോള്‍ ഞാന്‍ ആ ശ്രദ്ധയും നിശ്ചയദാര്‍ഢ്യവും എന്റെ ബിസിനസ്സിനോട് കാണിക്കുന്നു.


ഇപ്പോള്‍ എനിക്ക് എന്റെ കുഞ്ഞിന് വേണ്ടിയും ധാരാളം സമയം കണ്ടെത്താന്‍ സാധിക്കുന്നുണ്ട്. ഇവിടെ, നാട്ടില്‍ സ്വന്തമായി ഒരു വീട് വാങ്ങണം എന്നതാണ് ഇനി എന്റെ ആഗ്രഹം. മകള്‍ക്കും എന്റെ പാരന്റ്‌സിനും ഒപ്പും ഇവിടെ ഞാന്‍ ഹാപ്പിയാണ്. ചാരു അസോപ പറഞ്ഞു