വീട്ടു ജോലികൾ ചെയ്യില്ല, അമ്മയെ പോലെയല്ല! ട്രഡീഷണൽ ഭാര്യയെയാണ് ആഗ്രഹിച്ചത് എന്ന പറഞ്ഞ മുൻ ഭർത്താവിന് മറുപടി നൽകി ഹാലി ബെറി

5 months ago 5

Authored by: അശ്വിനി പി|Samayam Malayalam•16 Aug 2025, 1:14 pm

വളരെ ട്രഡീഷണലായ, വീട്ടു ജോലികൾ ചെയ്യുകയും മക്കളെ നോക്കുകയും ചെയ്യുന്ന, എന്റെ അമ്മയെ പോലെ ഒരു ഭാര്യയെയാണ് താൻ ആഗ്രഹിച്ചത് എന്ന് നേരത്തെ ഡേവിഡ് ജസ്റ്റിസ് പറഞ്ഞിരുന്നു. അതിന് മറുപടിയുമായി മുൻ ഭാര്യ ബാലി ബെറി

ട്രഡീഷണലായ ഭാര്യയെയാണ് ഞാൻ ആഗ്രഹിച്ചത് എന്ന് പറഞ്ഞ മുൻ ഭർത്താവിന് മറുപടി നൽകി നടി ഹാലി ബെറി . തന്റെ അൻപത്തിയൊൻപതാം പിറന്നാൾ ആഘോഷിക്കുന്ന ഫോട്ടോകൾക്കൊപ്പമാണ് അടുത്തിടെ ഒരു പോട്കാസ്റ്റിൽ മുൻ ഭർത്താവ് ഡേവിഡ് ജസ്റ്റിസ് നടത്തിയ പരമാർശത്തിന് നടി മറുപടി നൽകിയത്.

1997 ൽ അവസാനിച്ച വിവാഹ ബന്ധത്തെ കുറിച്ച് അടുത്തിടെ നൽകിയ ഒരു പോട്കാസ്റ്റിൽ ബേസ്ബോൾ ഔട്ട്ഫീൽഡറും മേജർ ലീഗ് ബേസ്ബോളിൽ 14 സീസണുകൾ കളിച്ച നിയുക്ത ഹിറ്ററുമായ ഡേവിഡ് ക്രിസ്റ്റഫർ ജസ്റ്റിസ് സംസാരിച്ചത് വൻ വൈറലായിരുന്നു. ഭാര്യയിൽ നിന്ന് പ്രതീക്ഷിച്ചത് ട്രഡീഷണലായ ചില കാര്യങ്ങളാണെന്നാണ് അദ്ദേഹം പറഞ്ഞത്.

Also Read: ഭാര്യയ്ക്ക് സഹനടനുമായുള്ള പ്രണയത്തിന്റെ പേരിൽ നിങ്ങൾ അറിയപ്പെടുന്നത് കഷ്ടം; സൂപ്പർമാൻ താരവുമായുള്ള ഭാര്യയുടെ പ്രണയം, ജേസൺ റാൽഫിന്റെ ലൈക്ക് ചർച്ചയാവുന്നു

റിലേഷൻഷിപ്പുകളെ കുറിച്ചുള്ള എന്റെ അറിവും ധാരണയും അത്ര വലുതല്ല, ഞാൻ എന്റെ അമ്മയെ കണ്ടാണ് വളർന്നത്, ഇടത്തരം ചിന്താഗതിയാണ്. അതുകൊണ്ട് തന്നെ എന്റെ മനസ്സിൽ എന്റെ ഭാര്യ പാചകം ചെയ്യുകയും വീട് വൃത്തിയാക്കുകയും കുട്ടികളെ നോക്കുകയുമൊക്കെ ചെയ്യുന്ന ഒരു ട്രഡീഷണൽ പെൺകുട്ടിയായിരുന്നു. ഞങ്ങൾ ഒരുമിച്ചൊരു ജീവിതം വേണം, കുട്ടികളുണ്ടാവണം എന്നൊക്കെ ആഗ്രഹിക്കില്ലേ. അന്ന് നിമ്മൾ അത്തരം ആഗ്രഹങ്ങളുള്ള ചെറുപ്പക്കാരനും ഭാര്യയായ പെൺകുട്ടിക്ക് പാചകം ചെയ്യാനും വീട് വൃത്തിയാക്കാനും അറിയില്ല, അമ്മയെ പോലെ തോന്നിയില്ല, അപ്പോൾ സ്വാഭാവികമായും നമുക്കിടയിൽ പ്രശ്നങ്ങൾ വരും- എന്നാണ് ഡേവിഡ് ക്രിസ്റ്റഫർ പറഞ്ഞത്.

Also Read: പേര് മാറ്റി പേളി! 36 വയസായപ്പോഴേക്കും എത്തിപ്പിടിക്കാവുന്നതെല്ലാം നേടി; തന്റെ ജീവിതത്തിലെ റിയൽ ഹീറോ മമ്മിയെന്നും താരം

ദിവസങ്ങൾക്കകം ആ പരമാർശത്തിന് സോഷ്യൽ മീഡിയയിലൂടെ ഇപ്പോൾ മറുപടി നൽകിയിരിക്കുകയാണ് ഹാലി ബെറി. തന്റെ ഇപ്പോഴത്തെ പങ്കാളിക്കൊപ്പവും മറ്റും ബർത്ത് ഡേ ആഘോഷിക്കുന്ന ചിത്രങ്ങൾ പങ്കുവച്ചുകൊണ്ട്, ഹൊ പാചകം ചെയ്യുന്നു, വീട് വൃത്തിയാക്കുന്നു, അമ്മയായി മക്കളുടെ കാര്യങ്ങൾ നോക്കുന്നു എന്നാണ് ഫോട്ടോകൾക്ക് ക്യാപ്ഷൻ നൽകിയിരിക്കുന്നത്. ഗംഭീരം എന്ന് പറഞ്ഞ് കമന്റ് ബോക്സിൽ പ്രശംസിക്കുകയാമ് ആരാധകർ.

H-1B വിസക്കാർക്ക് അമേരിക്കൻ കമ്പനികളുടെ ചൂഷണം; പുറത്ത് വരുന്ന ഞെട്ടിക്കുന്ന വിവരങ്ങൾ!

1993 ൽ ആണ് ഡേവിഡ് ക്രിസ്റ്റഫറിന്റെയും ബാലി ബെറിയുടെയും വിവാഹം കഴിഞ്ഞത്. മൂന്ന് വർഷം കൊണ്ട് ആ ബന്ധം വേർപിരിയുകയും ചെയ്തു. 1996 ൽ വിവാഹ മോചനത്തിന് അപേക്ഷിക്കുകയും, 97 ൽ പിരിയുകയുമായിരുന്നു. അതിന് ശേഷം രണ്ട് പേരും മറ്റ് റിലേഷൻഷിപ്പുകളിൽ ആവുകയും ചെയ്തിട്ടുണ്ട്.

രചയിതാവിനെക്കുറിച്ച്അശ്വിനി പിസമയം മലയാളത്തില്‍ എന്റര്‍ടൈന്‍മെന്റ് സെക്ഷനില്‍ സീനിയർ ഡിജിറ്റൽ കണ്ടൻ്റ് പ്രൊഡ്യൂസറാണ് അശ്വിനി പി. 2013 ലാണ് പത്രപ്രവർത്തക എന്ന നിലയിലുള്ള കരിയർ ആരംഭിച്ചത്. വൺഇന്ത്യ - ഫിൽമിബീറ്റ് പോലുള്ള ദേശീയ മാധ്യമങ്ങളിൽ പ്രവ‍ൃത്തിച്ചു. സിനിമ മേഖലയെ വളരെ ഗൗരവമായി കാണുകയും ആ വിഷയത്തെ കുറിച്ച് അറിയാനും എഴുതാനുമാണ് താത്പര്യം. സിനിമാ രംഗത്തെ എഴുത്തുകാരുമായും സംവിധായകന്മാരായും അഭിനേതാക്കളുമായി അഭിമുഖം നടത്തിയിട്ടുണ്ട്. സിനിമ ചർച്ചകളിൽ പങ്കെടുത്തിട്ടുണ്ട്. നവമാധ്യമ രംഗത്ത് പന്ത്രണ്ട് വര്‍ഷത്തെ പ്രവൃത്തി പരിചയം. പൊളിട്ടിക്കല്‍ സയന്‍സില്‍ ബിരുദവും ജേര്‍ണലിസത്തില്‍ ഡിപ്ലോമയും നേടി.... കൂടുതൽ വായിക്കുക