വീണ്ടുമൊരു പോരാട്ടം, ഇതും കടന്നു പോകും എന്ന് മംമ്ത മോഹൻദാസ്! സ്ട്രോങ്ങ് ആണ്, പവർഫുള്ളും നിങ്ങൾക്ക് ഒപ്പം നമ്മളുണ്ടെന്ന് ആരാധകർ

Authored by: അശ്വിനി പി|Samayam Malayalam•8 Aug 2025, 5:06 pm

മംമ്ത മോഹൻദാസ് , മലയാളികളെ സംബന്ധിച്ച് ഒരു നടി മാത്രമല്ല, ധീരത കൂടെയാണ്. ചിരിപ്പിച്ചും ചിന്തിപ്പിച്ചും ഒത്തിരി മികച്ച കഥാപാത്രങ്ങൾ ചെയ്തിട്ടുള്ള മംമ്ത മോഹൻദാസിന് ജീവിതത്തിൽ നേരിടേണ്ടി വന്നത് കടുത്ത വെല്ലുവിളികളാണ്. താൻ വീണ്ടുമൊരു പോരാട്ടത്തിലാണ് എന്ന് പറഞ്ഞ് എത്തിയിരിക്കുകയാണ് ഇപ്പോൾ മംമ്ത മോഹൻദാസ്

ഇതാ മറ്റൊരു പോരാട്ടം വരുന്നു, വീണ്ടും ഞാൻ ഏറ്റവും മികച്ച പോരാട്ടം നടത്തുന്നു. അത് മറച്ചുവയ്ക്കാം, മുക്കിക്കൊല്ലാൻ ശ്രമിക്കാം, അല്ലെങ്കിൽ പുഞ്ചിരിച്ചുകൊണ്ട് ഒരു ഐസ്ക്രീം കഴിക്കാം

Also Read: ജീവിതത്തിൽ അഭിനയിക്കാൻ കഴിയാത്തത് വലിയ പ്രശ്നമാണ്, സിംഗിൾ മദറായി ഒത്തിരി കഷ്ടപ്പെട്ടു എന്ന് ഉർവശി, ആ വേദനകൾക്ക് നന്ദി

‘നീ ഇത് മുമ്പ് ചെയ്തിട്ടുണ്ട്, നീ ശക്തനാണ്, ഇതും കടന്നുപോകും..’ എന്ന് മറ്റുള്ളവർ എന്നോട് പറയുന്നു. നിങ്ങൾക്ക് സങ്കൽപ്പിക്കാൻ കഴിയുന്നതിനേക്കാൾ കൂടുതൽ തവണ ഞാൻ എന്നെ വിശ്വസിപ്പിച്ചിട്ടുണ്ട്, ഞാൻ അത് പരീക്ഷിച്ചുനോക്കിയിട്ടുണ്ട്. അപ്പോൾ എനിക്ക് അവശേഷിക്കുന്നത്, യഥാർത്ഥത്തിൽ ആരാണ് കേൾക്കുന്നത്. കഴിവുള്ള ചുരുക്കം ചിലർ ഒഴികെ. വാക്കുകൾക്ക് പറയാൻ കഴിയുന്നതിനേക്കാൾ കൂടുതൽ കേൾക്കുന്നവർക്ക് എന്റെ നിശ്ചലത, എന്റെ നിലവിളി, എന്റെ നിശബ്ദത- മംമ്ത മോഹൻദാസ് കുറിച്ചു

Also Read: അവർ രണ്ടുപേരും തമ്മിലുള്ള സ്നേഹം! രഹ്‌നത്തയുടെ ആ വാക്കുകൾ ഓർക്കാൻ വയ്യ ഹൃദയത്തിൽ കൊണ്ടു; ആ സ്നേഹബന്ധം ഓർത്തെടുത്ത് റിമി

പോസ്റ്റിന് താഴെ മംമ്തയ്ക്ക് ധൈര്യം പകർന്നുകൊണ്ട് നിരവധി കമന്റുകളാണ് വരുന്നത്. നിങ്ങൾ നേരത്തെ തെളിയിച്ചതാണ്, പവർ ഫുൾ ആണ്. ഇതും കടന്ന് പോകാൻ നിങ്ങൾക്ക് സാധിക്കും എന്നൊക്കെ പറഞ്ഞാണ് കമന്റുകൾ വരുന്നത്.


രണ്ട് തവണ കാൻസർ രോഗത്തെ അതിജീവിച്ചു വന്നതാണ് മംമ്ത മോഹൻദാസ്. കാൻസറിന്റെ ചികിത്സ നടക്കുമ്പോഴായിരുന്നു പ്രേക്ഷകരെ ഏറ്റവും അധികം ചിരിപ്പിച്ച ടു കൺട്രീസ് എന്ന ചിത്രത്തിൽ നടി അഭിനയിച്ചത്. അതിന് അതിജീവിച്ച് മുന്നോട്ട് വരുമ്പോഴാണ് അടുത്ത രോഗാവസ്ഥ മംമ്തയെ തേടിയെത്തിയത്. അതൊരു ഓട്ടോഇമ്യൂണൽ കണ്ടീഷനായിരുന്നു. ശരീരത്തിൽ വെള്ളപാണ്ടുകൾ പ്രത്യക്ഷപ്പെട്ടു. അത് മറച്ചുവയ്ക്കാനുള്ള തന്റെ ശ്രമത്തെ കുറിച്ചും, പിന്നീട് മറകൾ മാറ്റി നടി സോഷ്യൽ മീഡിയയിൽ പ്രത്യക്ഷപ്പെട്ടതും വാർത്തയായി. അതൊക്കെ കടന്നു വന്ന മംമ്തയ്ക്ക് ഈ അവസ്ഥയും അതിജീവിക്കാൻ കഴിയും എന്ന് ആരാധകർ ഉറച്ചുവിശ്വസിക്കുന്നു