വൃത്തികെട്ട രീതിയിൽ വഴക്കിട്ട് കുറ്റം പറഞ്ഞ് പിരിഞ്ഞവരല്ല, ഇപ്പോഴത്തെ അദ്ദേഹത്തിന്റെ ഭാര്യയോടും പ്രശ്നമില്ല; സോണിയ പറയുന്നു

Authored by: അശ്വിനി പി|Samayam Malayalam•11 Oct 2025, 8:06 am

ധനുഷിന്റെ ചേട്ടനും തമിഴിലെ പ്രമുഖ സംവിധായകനുമായ സെൽവരാജ് ആണ് നടി സോണിയ അഗർവാളിന്റെ മുൻ ഭർത്താവ്. കാതൽ കൊണ്ടേൻ, റെയിൻബോ കോളനി എന്നിങ്ങനെയുള്ള തന്റെ ഹിറ്റ് സിനിമകളിലെ നായികയും സംവിധായകനും പ്രണയത്തിലാവുകയായിരുന്നു. 2006 ൽ ആണ് സെൽവ രാഘവന്റെയും സോണിയ അഗർവാളിന്റെയും വിവാഹം കഴിഞ്ഞത്. 2010 ൽ വേർപിരിയുകയും ചെയ്തു.

വേർപിരിഞ്ഞതിന് ശേഷം സോണിയ അഗർവാൾ വീണ്ടും സിനിമയിൽ സജീവമായി. സെൽവരാഘവൻ 2011 ൽ ഗീതാഞ്ജലി എന്ന ആളെ വിവാഹം കഴിക്കുകയും ചെയ്തു. ആ ബന്ധം അവസാനിച്ചതിന് ശേഷം പൂർണമായും അതിൽ നിന്ന് പുറത്തു കടന്നു എന്നും, അദ്ദേഹത്തോട് യാതൊരു തര വിരോധവും തനിക്കില്ല എന്നും സോണിയ അഗർവാൾ പറയുന്നു. ഗലാട്ട തമിഴിന് നൽകിയ അഭിമുഖത്തിൽ സംസാരിക്കുകയായിരുന്നു നടി.

Also Read: ഇനി ആ ഹണിമൂൺ പ്ലാൻ കൂടെ ഷെഡ്യൂൾ ചെയ്തു തരൂ; വിവാഹ വാർത്തകളോടുള്ള തൃഷ കൃഷ്ണന്റെ പ്രതികരണം

വിവാഹം കഴിക്കുന്നതിന് പലർക്കും പല കാരണങ്ങളും ഉണ്ട്. സാമൂഹികമായ സമ്മർദ്ദം, വീട്ടുകാരുടെ സമ്മർദ്ദം, മറ്റുള്ളവർ എന്ത് കരുതും എന്നൊക്കെ ആലോചിച്ചാണ് പലരും വിവാഹം ചെയ്യുന്നത്. അത് വ്യത്യസ്തമായ ഇംപാക്ട് ആണ് നമ്മളിൽ ഉണ്ടാക്കുന്നത്. എന്നെ സംബന്ധിച്ച് ഞങ്ങളുടെ വിവാഹം ഒരു ഇമോഷൽ ബോണ്ടിങ് ആയിരുന്നു. കല്യാണം കഴിച്ചു കഴിഞ്ഞപ്പോഴും ആ ഇമോഷണൽ കണക്ഷനുണ്ടായിരുന്നു. ഞാനൊരു ഇമോഷണൽ പേഴ്സണുമാണ്.

പത്ത് വർഷം, 15 വർഷം ഒന്നിച്ച് ജീവിച്ചതിന് ശേഷം വേർപിരിയുക എന്നത് ഇമോഷണലി വളരെ അധികം വേദനിപ്പിക്കുന്ന ഒന്ന് തന്നെയാണ്. മക്കളൊക്കെ ആയതിന് ശേഷം വേർപിരിയുന്നതാണെങ്കിൽ അതിലും കഷ്ടം. പക്ഷേ അത് നഷ്ടപ്പെട്ടു കഴിഞ്ഞാൽ പിന്നെ അതില്ല. അതിൽ നിന്ന് പുറത്തുകടന്നു കഴിഞ്ഞാൽ, മുന്നോട്ടു പോകുക തന്നെ വേണം. പിന്നീട് അദ്ദേഹത്തെ കണ്ടു കഴിഞ്ഞാൽ ഞാനൊട്ടും അൺകംഫർട്ടബിൾ ആവാറില്ല.

വളരെ മോശമായ രീതിയിൽ നമ്മൾ വേർപിരിഞ്ഞാൽ മാത്രമേ അത്തരം ഒരു അൺകംഫർട്ട് നമുക്ക് തോന്നുകയുള്ളൂ, ഭാഗ്യവശാൽ ഞങ്ങൾ വളരെ മ്യൂച്വലായി വേർപിരിഞ്ഞവരാണ്. ഒരുമിച്ച് മുന്നോട്ടു പോകാൻ കഴിയുന്നില്ല എന്ന് തോന്നിയപ്പോൾ, ഇരുവർക്കും നല്ലതിന് വേണ്ടി എടുത്ത തീരുമാനമാണ് വേർപിരിയുക എന്നത്. അങ്ങനെ വേർപിരിയുന്നതാണ് കുറച്ചുകൂടെ എളുപ്പം എന്ന് തോന്നുന്നു.


ഞങ്ങൾ വൃത്തികെട്ട രീതിയിൽ അല്ല വേർപിരിഞ്ഞത്, പരസ്പരം വഴക്കിടുകയോ കുറ്റപ്പെടുത്തുകയോ ചെയ്തിട്ടില്ല. എന്താണോ സംഭവിച്ചത് അത് സംഭവിച്ചു, ഒരുമിച്ച് അത് അവസാനിപ്പിക്കുക, അതിൽ നിന്ന് പുറത്തു കടക്കുക എന്നതായിരുന്നു ഞങ്ങളുടെ തീരുമാനം. അതുകൊണ്ട് തന്നെ അദ്ദേഹത്തിന്റെ ഇപ്പോഴത്തെ ഭാര്യ ഗീതാഞ്ജലിയെ നേരിട്ട് കണ്ടാലും ഹായ്, ഹലോ പറയാൻ ഞങ്ങൾക്ക് ബുദ്ധിമുട്ടില്ല. ഞങ്ങൾ ഇപ്പോൾ നല്ല സുഹൃത്തുക്കളാണ്, യാതൊരു തര ഹൃദയ ബന്ധവും വഴക്കും ഇല്ല. എനിക്കിപ്പോഴും അദ്ദേഹം സൽവ സർ ആണ്. പേഴ്സണൽ കാര്യങ്ങൾ പേഴ്സണൽ ആണ്, എനിക്കിപ്പോഴും അദ്ദേഹം എനിക്ക് നല്ല സിനിമകൾ തന്ന എന്റെ സംവിധായകനാണ്- സോണിയ അഗർവാൾ പറഞ്ഞു