വെറും 23 വയസ്സ്, കെ-പോപ് താരം ജേഹ്യുന്റെ മരണം; എന്താണ് സംഭവിച്ചത്, എന്തിനാണ് രോഗാവസ്ഥ മറച്ചുവച്ചത്?

6 months ago 6

Authored by: അശ്വിനി പി|Samayam Malayalam•3 Jul 2025, 4:35 pm

ഹേയ്രം എന്റർടെയ്ൻമെന്റിന് കീഴിൽ F.ABLE എന്ന ഗ്രൂപ്പിലൂടെയാണ് ജെഹ്യുൻ ശ്രദ്ധിക്കപ്പെട്ടത്. താരത്തിന്റെ മരണവാർത്ത കേട്ട ‍ഞെട്ടലിലാണ് ആരാധകർ

കെ-പോപ് ഗാനങ്ങളുടെ കടുത്ത ആരാധകരാണ് ഇന്നത്തെ ജെനറേഷൻ. അവർക്ക് ജേഹ്യുൻ എന്ന ഐഡൽ ഷിം ജേഹ്യുൻ പ്രത്യേകിച്ച് പരിചയപ്പെടുത്തേണ്ടതില്ല. വളരെ ചെറിയ പ്രായത്തിൽ തന്നെ കെ പോപ് ലോകത്ത് തന്റേതായ ഐഡന്റിറ്റി നേടിയെടുത്ത ഗായകന്റെ മരണ വാർത്തയാണ് ആരാധകരെ ഞെട്ടിക്കുന്നത്. വെറും 23 വയസ്സ് മാത്രമേ ഉണ്ടായിരുന്നുള്ളൂ.

ഇക്കഴിഞ്ഞ ജൂൺ 29 മുതൽ ജേഹ്യുന്റെ മരണ വാർത്തകൾ പ്രചരിച്ചിരുന്നുവെങ്കിലും അതിന് യാതൊരു അടിസ്ഥാനവും ഉണ്ടായിരുന്നില്ല. വെറും ഗോസിപ്പുകൾ എന്ന രീതിയിൽ ആളുകൾ കണ്ടിരുന്നത്. എന്നാൽ ഇപ്പോഴാണ് ജേഹ്യുന്റെ മരണം സംബന്ധിച്ച ഔദ്യോഗിക സ്ഥിരീകരണം വരുന്നത്. രക്താർബുദത്തിന് ചികിത്സയിൽ കഴിയവെയായിരുന്നു അന്ത്യം. എന്നാൽ തന്റെ രോഗ വിവരം ജേഹ്യുൻ പുറം ലോകത്തോട് പറഞ്ഞിരുന്നില്ല. വളരെ സ്വകാര്യമായിട്ടാണ് ചികിത്സകൾ നടത്തി വന്നിരുന്നത്. മരണത്തിന് ശേഷമാണ് ഗായകൻ അർബുദ രോഗത്തിന് ചികിത്സയിലായിരുന്നു എന്ന് ആരാധകർ അറിയുന്നത് പോലും.

Also Read: പണത്തിന് വേണ്ടിയല്ല, ആത്മാർത്ഥതയാണ് കാര്യം! ആരും കൊതിക്കുന്ന വൻ ഓഫറുകൾ നിരസിച്ച ജങ്കൂക്ക്, ഫാഷൻ ലോകത്തെ സ്ഥാനം

2002 ഏപ്രിൽ 7 ന് ആയിരുന്നു ജേഹ്യുൻ എന്ന ഐഡൽ ഷിം ജേഹ്യുന്റെ ജനനം. തന്റെ പതിനെട്ടാം വയസ്സിൽ ഹേയ്രം എന്റർടെയ്ൻമെന്റിന് കീഴിൽ F.ABLE എന്ന ഗ്രൂപ്പിലൂടെയാണ് കെ-പോപ് സംഗീത ലോകത്തേക്ക് ജേഹ്യുൻ എത്തിയത്. ഗ്രൂപ്പിലെ ഏറ്റവും പ്രായം കുറഞ്ഞ അംഗമായിരുന്ന താരം വോക്കലിസ്റ്റായും മാക്നേയായും തിളങ്ങി. ഗ്രൂപ്പിന്റെ പ്രവർത്തനങ്ങളിൽ ശാന്തമായ സ്വഭാവവും പ്രസന്നമായ വ്യക്തിത്വവും കൊണ്ട് അദ്ദേഹം പെട്ടെന്ന് ശ്രദ്ധിക്കപ്പെട്ടു. F.ABLE മുഖ്യധാരയിൽ വലിയ അംഗീകാരം നേടിയില്ലെങ്കിലും, അവരുടെ ഒത്തൊരുമയും അഭിനിവേശവും ഒരു പ്രത്യേക വിഭാഗം ആരാധകരുടെ പ്രശംസ പിടിച്ചുപറ്റുകയും ചെയ്തിരുന്നു.

യുഎഇ സെൻട്രൽ ബാങ്ക് പുറത്തിറക്കിയ സ്വർണം, വെള്ളി നാണയങ്ങൾ; പ്രത്യേകതകൾ അറിയാം

"Burn It Up", "Run Run Run" എന്നിവയുൾപ്പെടെ നിരവധി ഡിജിറ്റൽ ട്രാക്കുകൾ F.ABLE പുറത്തിറക്കിയിരുന്നു. 2023 പകുതിയോടെ ഗ്രൂപ്പ് ക്രമേണ നിഷ്ക്രിയമായി, ഔദ്യോഗികമായി പിരിച്ചുവിട്ടതായി അറിയിപ്പുകളൊന്നും ഉണ്ടായിരുന്നില്ല. പിന്നീട്, മൂന്ന് അംഗങ്ങൾ ENPHAZE എന്ന പേരിൽ പുതിയൊരു ഗ്രൂപ്പായി തിരിച്ചെത്തിയതോടെ F.ABLE നിശബ്ദമായി പിരിഞ്ഞുപോയെന്ന് പലരും അനുമാനിച്ചു. ജേഹ്യുൻ പിന്നീട് ഒരു പ്രോജക്റ്റുകളിലും പങ്കെടുത്തില്ല, അദ്ദേഹത്തിന്റെ ജീവിതം പൊതുവെ സ്വകാര്യമായിരുന്നു.

രചയിതാവിനെക്കുറിച്ച്അശ്വിനി പിഅശ്വിനി- സമയം മലയാളത്തില്‍ എന്റര്‍ടൈന്‍മെന്റ് സെക്ഷനില്‍ സീനിയർ ഡിജിറ്റൽ കണ്ടൻ്റ് പ്രൊഡ്യൂസർ ആയി പ്രവൃത്തിയ്ക്കുന്നു. സിനിമ മേഖലയെ വളരെ ഗൗരവമായി കാണുകയും ആ വിഷയത്തെ കുറിച്ച് അറിയാനും എഴുതാനും താത്പര്യം. സിനിമാ രംഗത്തെ എഴുത്തുകാരുമായും സംവിധായകന്മാരായും അഭിനേതാക്കളുമായി അഭിമുഖം നടത്തിയിട്ടുണ്ട്. വണ്‍, ഇന്ത്യ ഫില്‍മിബീറ്റ് പോലുള്ള ദേശീയ മാധ്യമങ്ങളില്‍ പ്രവൃത്തിച്ചു. നവമാധ്യമ രംഗത്ത് പത്ത് വര്‍ഷത്തെ പ്രവൃത്തി പരിചയം. പൊളിട്ടിക്കല്‍ സയന്‍സില്‍ ബിരുദവും ജേര്‍ണലിസത്തില്‍ ഡിപ്ലോമയും നേടി.... കൂടുതൽ വായിക്കുക