വെറുമൊരു മാലയിടല്‍ ചടങ്ങ് നടത്താനേ ഞങ്ങള്‍ ആഗ്രഹിച്ചുള്ളൂ, അതൊരു ആഘോഷമാക്കിയത് മായമ്മയാണ്!

വാഴ 2 എന്ന ചിത്രത്തിലൂടെ നിറഞ്ഞു നില്‍ക്കുകയാണ് ഇപ്പോള്‍ അശ്വതി ചാന്ദ് കിഷോര്‍. നിരവധി ടെലിവിഷന്‍ സ്‌കിറ്റുകളില്‍ കോമഡി കഥാപാത്രങ്ങളെ ചെയ്ത് പ്രേക്ഷകരെ ചിരിപ്പിച്ച അശ്വതിയാണ് വാഴ 2 വില്‍ നായകന്‍ ഹാഷിറിന്റെ ഉമ്മയായി എത്തുന്നത്. വളരെ ഇമോഷണലായ സീനും അനായാസം കൈകാര്യം ചെയ്ത അശ്വതി പ്രശംസകള്‍ വാരിക്കൂട്ടി.

ഇപ്പോഴിതാ തന്റെ പത്താം വിവാഹ വാര്‍ഷികം ശരിക്കുമൊരു കല്യാണാഘോഷമാക്കി തന്നെ മാറ്റിയ മായ കൃഷ്ണയ്ക്ക് നന്ദി അറിയിച്ച് എത്തിയിരിക്കുകയാണ് അശ്വതി. മായയും ടെലിവിഷന്‍ കോമഡി സ്‌കിറ്റുകളിലൂടെ ശ്രദ്ധേയയായ താരമാണ്. പത്താം വിവാഹ വാര്‍ഷികത്തില്‍ ഗുരുവായൂരില്‍ പോയി മാലയിടാന്‍ ആഗ്രഹിച്ച തങ്ങള്‍ക്ക്, അതൊരു മറക്കാനാവാത്ത അനുഭവമാക്കി മാറ്റി തന്നത് മായമ്മയാണ് എന്ന് അശ്വതി പറയുന്നു.

Also Read: എന്തായിരുന്നു വിവാഹ മോചനത്തിന് കാരണം, മേഘ്‌നയോട് വെറുപ്പുണ്ടോ? എല്ലാം തുറന്ന് പറഞ്ഞ് ഡോണ്‍

ഏപ്രില്‍ 20 ന് ആയിരുന്നു അശ്വതിയുടെയും കിഷോറിന്റെയും വിവാഹ വാര്‍ഷികം. ഗുരൂവായൂര്‍ ക്ഷേത്രത്തില്‍ വച്ച് ശരിക്കുമൊരു വിവാഹം ആദ്യമായി കഴിയുന്നത് പോലെ തന്നെ ഏറ്റവും അടുത്ത സുഹൃത്തുക്കളൊക്കെ പങ്കെടുത്ത വീണ്ടും ഇരുവരും വിവാഹം ചെയ്തത്. ചിത്രങ്ങള്‍ സോഷ്യല്‍ മീഡിയയില്‍ വൈറലാവുകയും ചെയ്തുയ. അതിന് മുന്‍ കൈ എടുത്തത് മായമ്മ എന്ന് അശ്വതി വിളിക്കുന്ന മായ കൃഷ്ണനാണത്രെ. അതിനുള്ള നന്ദിയാണ് അശ്വതി ഇപ്പോള്‍ പറഞ്ഞിരിയ്ക്കുന്നത്.

എന്റെ മായമ്മ.. എല്ലാ തിരക്കുകളും മാറ്റി വെച്ച് ഞാന്‍ വിളിച്ചപ്പോ ഓടിയെത്തി. അതുമാത്രമല്ല വെറുതെ ഒരു മാലയിടല്‍ ചടങ്ങ് നടത്തി പോരാമെന്ന് കരുതിയ ഞങ്ങള്‍ക്ക് മറക്കാന്‍ ആകാത്ത നിമിഷങ്ങള്‍ സമ്മാനിച്ചത് മായമ്മയുടെ ഒറ്റ വാശിയുടെ പുറത്താണ്. താങ്ക്യു മായമ്മ- എന്നാണ് അശ്വതി കുറിച്ചത്. അതിന് മറുപടിയുമായി മായയും കമന്റിലെത്തി. ഇതൊക്കയല്ലേ നമുക്ക് പറ്റൂ, കൂട്ടുകാര്‍ എന്നും ജീവനല്ലേ. രണ്ട് പേരും സുഖമായി ജീവിക്കാന്‍ ഈശ്വരന്‍ അനുഗ്രഹിക്കട്ടെ- എന്നാണ് മായയുടെ മറുപടി

തിരക്കും ബഹളവും കാരണം പത്ത് വര്‍ഷങ്ങള്‍ക്ക് മുന്‍പ് നടന്ന ശരിക്കുള്ള വിവാഹം നന്നായി ഫീല്‍ ചെയ്യാന്‍ കഴിഞ്ഞിരുന്നില്ല, ഞങ്ങള്‍ രണ്ട് പേരും ബ്ലാങ്ക് ആയിരുന്നു. അതുകൊണ്ടാണ് അതുകൊണ്ടാണ് അന്ന് വിവാഹം നടന്ന ഗുരുവായൂര്‍ ക്ഷേത്രത്തില്‍ തന്നെ എത്തി പത്ത് വര്‍ഷങ്ങള്‍ക്ക് ശേഷം വീണ്ടും താലി ചാര്‍ത്തിയത് എന്നാണ് കിഷോറും അശ്വതിയും പറഞ്ഞത്.