വേഗത്തിൽ പുറത്താകാന്‍ കാരണം ഇതാണ്, കുറച്ചുകൂടി സമയമെടുക്കണം: സഞ്ജുവിന് ഉപദേശവുമായി മുൻ ഇന്ത്യൻ താരം

1 month ago 4

ഓൺലൈൻ ഡെസ്ക്

Published: October 14, 2026 05:50 PM IST

1 minute Read

 X/BCCI)
സഞ്ജു സാംസൺ (ചിത്രം: X/BCCI)

ഹൈദരാബാദ്∙ വെസ്റ്റിൻഡീസിനെതിരായ മൂന്നാം ട്വന്റി20യിൽ സഞ്ജു സാംസൺ വേഗത്തിൽ പുറത്തായ സാഹചര്യം വിശദീകരിച്ച് മുൻ ഇന്ത്യൻ താരം ചേതേശ്വർ പൂജാര. മൂന്നാം ട്വന്റി20യിൽ ഇൻഡോറിൽ ഓപ്പണറായി ഇറങ്ങിയ സഞ്ജു ആറു പന്തുകളിൽനിന്ന് മൂന്നു റണ്‍സ് മാത്രമെടുത്താണു പുറത്തായത്. രണ്ടാം മത്സരത്തിൽ 82 റൺസ് സ്കോർ ചെയ്തു മികച്ച ഫോമിൽ നിൽക്കവെയായിരുന്നു സഞ്ജു വീണ്ടും ചെറിയ സ്കോറിൽ വീണത്. തുടക്കത്തിൽ തന്നെ വലിയ ഷോട്ട് കളിക്കാൻ ശ്രമിക്കുന്നതിനു പകരം, പിച്ചിന്റെ സ്വഭാവം മനസ്സിലാക്കാൻ സഞ്ജു കുറച്ചു സമയം കൂടി കാത്തിരിക്കണമെന്നാണ് പൂജാരയുടെ ഉപദേശം.

What you should work next

‘‘സഞ്ജു പിച്ചിനെ മനസ്സിലാക്കാൻ കുറച്ചു കൂടി ശ്രമിക്കണം. സഞ്ജുവിനൊപ്പം ഓപ്പണറായി ഇറങ്ങുന്ന അഭിഷേക് ശർ‍മയും കുറച്ചു സമയമെടുത്താണു കളിക്കുന്നത്. ഇതോടെ സഞ്ജു പെട്ടെന്നു തന്നെ വലിയ ഷോട്ടുകൾ കണ്ടെത്താൻ ശ്രമിക്കുന്നു. അതാണ് അദ്ദേഹത്തിന്റെ പ്രശ്നം. നമ്മൾ മൂന്നാം നമ്പരിലേക്കു പോകുകയാണെങ്കിൽ ഇന്ത്യൻ ടീമിന് ആവശ്യമുള്ള കാര്യമാണ് ഇഷാൻ‍ കിഷൻ അവിടെ ചെയ്യുന്നത്. എപ്പോഴും വലിയ സ്കോറുകൾ കാണാൻ സാധിച്ചെന്നുവരില്ല. കാരണം ടോപ് ഓർഡർ ബാറ്റർമാരെല്ലാം തകർത്തടിക്കുന്ന ആളുകളാണ്. ടീമിന് മികച്ച തുടക്കം നൽകുക, പവർപ്ലേയിൽ പരമാവധി ഉയർന്ന സ്കോർ നൽകുക എന്നതാണ് അവരുടെ ചുമതല.’’– ജിയോ സ്റ്റാറിലെ ചർച്ചയിൽ സംസാരിക്കവെ പൂജാര വ്യക്തമാക്കി.

What you should work next

‘‘ബാറ്റു ചെയ്യാൻ വരുമ്പോൾ പവർപ്ലേ ഓവറുകൾ പരമാവധി ഉപയോഗിക്കാനാണ് ഇഷാൻ കിഷൻ ശ്രമിക്കുന്നത്. അതിനു ശേഷം വമ്പന്‍ ഷോട്ടുകൾക്കു പിന്നാലെ പോയാലും കുഴപ്പമില്ല. കാരണം ഇന്ത്യയുടെ കയ്യിൽ വിക്കറ്റുകൾ ബാക്കിയുണ്ട്. ഇഷാൻ 30–40 റൺസെടുത്താൽ തന്നെ മതിയാകും. സ്വന്തം നേട്ടത്തിനായി ഇഷാൻ വലിയ സ്കോറിലേക്കു പോകുമെന്നു പ്രതീക്ഷിക്കാം. എന്നാൽ ടീമിനായി കളിക്കുന്ന താരമാണ് അദ്ദേഹം.’’– പൂജാര വ്യക്തമാക്കി.

English Summary:

Sanju Samson batting show and Cheteshwar Pujara's proposal connected his aboriginal dismissal are analyzed successful this report. Pujara explained that Samson needs to walk much clip knowing the transportation alternatively than attempting large shots excessively early.

Read Entire Article