വോ​ഗ് വേൾഡ് ഹോളിവുഡ് ഫാഷൻ ഈവന്റിൽ അതിശയിപ്പിച്ച് ബിടിഎസിന്റെ വി; ആദ്യമായി കിട്ടിയ അവസരം പാഴാക്കിയില്ല!

Authored by: അശ്വിനി പി|Samayam Malayalam•27 Oct 2025, 4:36 pm

ബിടിഎസ് താരങ്ങളുടെ പാട്ടുകളും ഡാൻസും മാത്രമല്ല, ഫാഷൻ സെൻസുകളും, സ്റ്റൈലും ഫോളോ ചെയ്യുന്നവരാണ് ഇപ്പോഴത്തെ ജനറേഷൻ. ധരിക്കുന്ന ഡ്രസ്സുകൾക്കും, ആക്സസറീസുകൾക്കുമെല്ലാം അത്രയേറെ ശ്രദ്ധ കൊടുക്കാറുണ്ട് ബിടിഎസിലെ ഏഴു പോരും. അതുകൊണ്ട് തന്നെ ഡോമലിങിലും ഫാഷൻ ഷോകളിലും എല്ലാം ഇവരിൽ പലരും സജീവമാണ്. പരീസ് ഫാഷൻ വീക്കിൽ എത്തി വി യും ജിമിനും എല്ലാം ആരാധകരുടെ ഹൃദയം കീഴടക്കിയിരുന്നു.

ഇപ്പോൾ നടന്നുകൊണ്ടിരിയ്ക്കുന്നത്പോ വോഗ് വേൾഡ് ഹോളിവുഡ് ഫാഷൻ ഈവന്റ് ആണ്. ലോകത്തിലെ ഏറ്റവും പ്രശസ്മയയ ഈ ഫാഷൻ ഈവന്റിലേക്ക് ആദ്യമായി ഒരു കെ- പോപ് താരത്തിന് ഔദ്യോഗിക ക്ഷണം ലഭിച്ചിരുന്നു, അത് ബിടിഎസിന്റെ വിയ്ക്കാണ്. ഇത്തരമൊരു വലിയ അവസരം ലഭിച്ച സാഹചര്യത്തിൽ വി എന്ത് ധരിക്കും, ഏത് സ്റ്റൈലിൽ എത്തും എന്നൊക്കെയാണ് ആരാധകരുടെ ആകാംക്ഷയായിരുന്നു.

Also Read: ഇന്ത്യയിൽ അങ്ങനെ ചെയ്യുന്ന ഒരേ ഒരു നടി രശ്മിക മന്ദാന മാത്രമാണ്; ഒരു നിയന്ത്രണങ്ങളും അവർക്കില്ല എന്ന് നിർമാതാവ്

എല്ലാവരെയും ഞെട്ടിച്ച് തന്റെ പാരമ്പര്യത്തെയും കൊറിയൻ വംശ പരമ്പരയെയും പ്രശംസിചക്കുവിധമുള്ള വേഷവിധാനത്തോടെയാണ് വി എത്തിയത്. തന്റെ സാംസ്കാരിക ഉത്ഭവത്തെക്കുറിച്ച് എത്രമാത്രം അഭിമാനിക്കുന്നുവെന്ന് ഗായകൻ തെളിയിച്ചു. തന്റെ ബെൽറ്റ് മുതൽ തൊപ്പി വരെ എല്ലാം കൊറിയൻ സംസ്കാരത്തിന്റെയും പൗതൃകത്തിന്റെയും സൂചനയായിരുന്നു.

Also Read: പ്രായം കൂടുന്തോറും നീ വീഞ്ഞ് പോലെയാണ്; അമല പോളിന് പിറന്നാൾ ആശംകൾ അറിയിച്ച് ഭർത്താവ് പറഞ്ഞത്

ലോസ് ഏഞ്ചൽസിലെ ഹോളിവുഡിലെ പാരാമൗണ്ട് പിക്ചേഴ്സ് സ്റ്റുഡിയോസ് ലോട്ടിൽ നടന്ന വോഗ് വേൾഡ്: ഹോളിവുഡ് പരിപാടിയിൽ ഇന്റർനാഷണൽ ലെവലിൽ ശ്രദ്ധ നേടിയ സെലിബ്രിറ്റികൾക്കിടയിൽ തന്റെ ചാരുതയാർന്ന നിറഞ്ഞ ചിരിയോടെ വി സാന്നിധ്യം അറിയിച്ചു.


മോഡലുകളായ കെൻഡാൽ ജെന്നറും അനോക് യാവോയും റെഡ് കാർപെറ്റിൽ വിയ്ക്കൊപ്പം ശ്രദ്ധ നേടി. ഡക്കോട്ട ജോൺസണും സിന്തിയ എറിവോയും, ഗ്വിനെത്ത് പാൽട്രോ, മൈലി സൈറസ്, ഹെയ്‌ലി ബീബർ, നിക്കോൾ കിഡ്‌മാനും എന്നിങ്ങനെയുള്ള അന്താരാഷ്ട്ര താരങ്ങളും ഫാഷൻ ഈവെന്റിൽ പങ്കെടുത്തു.