ശരിക്കുള്ള കണക്ക് പറയുന്നില്ല! ഉദ്‌ഘാടനത്തിന് വാങ്ങുന്നത് ഒരു കോടിക്ക് അടുത്ത്; സാലറി മൂന്നുകോടിവരെ; മഞ്ജുവും സോഷ്യൽ മീഡിയ ചർച്ചകളും

Authored by: ഋതു നായർ|Samayam Malayalam•3 Sept 2025, 8:03 am

ടെലിവിഷൻ തുറന്നാൽ, സോഷ്യൽ മീഡിയ തുറന്നാൽ ഒക്കെയും മഞ്ജു വാര്യരും മൈ ജി പരസ്യചിത്രങ്ങളും ആണ്. ഒരുപക്ഷേ ഒരു പരസ്യചിത്രത്തിന് വേണ്ടി മഞ്ജുവിന്റെ മുഖം ദിവസങ്ങളോളം സോഷ്യൽ മീഡിയയിൽ കണ്ടിട്ടുണ്ടാവുക കല്യാൺ പരസ്യത്തിലാകും. തിരിച്ചുവരവിന്റെ പാതയിൽ ഗുരുവായൂരിലെ അരങ്ങേറ്റവും കല്യാൺ പരസ്യചിത്രവും ആണ് അന്ന് മഞ്ജുവിനെ കാമറയ്ക്ക് മുൻപിലേക്ക് എത്തിച്ചത്. പിന്നീട് കിച്ചൺ ട്രെഷേഴ്സിന്റെയും കല്യാണിന്റെ മുഖവും ആയി മഞ്ജു മാറി.

അന്നൊക്കെ പരസ്യ ചിത്രങ്ങളിൽ നിന്നും ലക്ഷങ്ങൾ ആണ് വരുമാനം ആയി താരം നേടിയത് അമിതാഭ് ബച്ചന്റെ മകളായി സ്‌ക്രീനിൽ നിറഞ്ഞപ്പോൾ വർഷങ്ങൾക്ക് ശേഷം തങ്ങളുടെ പ്രിയ നായികയെ കണ്ട സന്തോഷം ആയിരുന്നു മലയാളികൾക്ക്.

ഹൌ ഓൾഡ് ആർ യു സിനിമയിലൂടെ രണ്ടാം ഇന്നിംഗ്സ് നടത്തിയ മഞ്ജു മലയാളത്തിന് പുറമെ അന്യ ഭാഷാ ചിത്രങ്ങളിൽ തിളങ്ങി. രജനിക്കും അജിത്തിനും ഒപ്പമെല്ലാം തിളങ്ങിയ മഞ്ജുവിന് പിന്നെ തിരിഞ്ഞു നോക്കേണ്ട വന്നിട്ടില്ല.

ഇന്ന് പ്രമുഖ ജ്യൂലറി ഗ്രൂപ്പിന്റെയും ബ്രാൻഡ് അംബാസിഡർ ആയി മാറിയ മഞ്ജു കേരള സർക്കാരിന്റെ പരസ്യങ്ങളിലും അഭിനയിച്ചു പോരുന്നു. ടെലിവിഷൻ പരസ്യദാതാക്കളുടെ ചിത്രങ്ങളിൽ മിക്കതിലും പ്രത്യക്ഷപ്പെടുന്ന മഞ്ജു ഇത്തരം ചിത്രങ്ങളിൽ നിന്ന് മാത്രമായി ലക്ഷങ്ങൾ ആണ് സമ്പാദിക്കുന്നത്. ഒരു കോടിക്ക് അടുത്താണ് താരത്തിന്റെ പ്രതിഫല തുക എന്നാണ് റിപ്പോർട്ടുകൾ.

ALSO READ:തളർത്താൻ നോക്കി പക്ഷേ കുടുംബത്തിനുവേണ്ടി എല്ലാം മറന്നു: ആനിയും രാധികയും പാർവതിയും ചേർത്തുപിടിക്കുന്ന കാവ്യ! പുത്തൻ വിശേഷങ്ങൾ

'മൈ ജി ഓണം മാസ് ഓണം' , ബിഗ് ബോസ് മത്സരാർത്ഥികള്ക്കും ആവേശകടൽ ആണ് നൽകിയത്. പുതിയ ഷോറൂമുകളുടെ എല്ലാം ബ്രാൻഡ് അംബാസിഡർ ആയി എത്തുന്നത് മഞ്ജുവാണ്. ഉദ്‌ഘാടന വേദികളിലും സജീവമായ മഞ്ജു കോടികൾ ആണ് രണ്ടാം വരവിൽ നേടിയത്.

വേട്ടയ്യനിലും, എമ്പുരാനിലും തുനിവിലും കോടികൾ സാലറി വാങ്ങിയ മഞ്ജുവിന് നിരവധി ലക്ഷ്യൂറിയസ് വാഹനങ്ങളും സ്വന്തമായുണ്ട്. മിനി കൂപ്പറും റേഞ്ച് റോവറും സ്വന്തമായുള്ള മഞ്ജു BMW ന്യൂ വേർഷൻ ബൈക്കും സ്വന്തമാക്കിയത് ഈ അടുത്താണ്.

ALSO READ: 9 വർഷങ്ങൾ കാത്തു, പിന്നെയാണോ രണ്ട് മാസങ്ങൾ, എന്തുകൊണ്ട് കല്യാണം വൈകി എന്ന് വെളിപ്പെടുത്തി വിശാൽ

അസുരൻ ആയിരുന്നു മഞ്ജു വാര്യരുടെ ആദ്യ തമിഴ് സിനിമ. രണ്ടാം വരവ് അജിത്ത് ചിത്രം തുനിവിലൂടെ ഈ ചിത്രങ്ങളിൽ കോടികൾ ആണ് മഞ്ജു കൈപറ്റിയതെന്നാണ് റിപ്പോർട്ടുകൾ സൂചിപ്പിക്കുന്നത്.