ശരീരത്തിന് വേണ്ടി മാത്രമല്ല, എന്റെ മനസ്സിന്റെ ശക്തിയ്ക്ക് വേണ്ടി കൂടെയാണിത്; വര്‍ക്കൗട്ട് ചിത്രങ്ങളുമായി റിമി ടോമി

റിമി ടോമി യുടെ ബോഡി ട്രാന്‍സ്ഫര്‍മേഷന്‍ എല്ലാവര്‍ക്കും അതിശയമായിരുന്നു. രൂപത്തിലുള്ള മാറ്റം മാത്രമല്ല, മാനസികമായി അത് തനിക്ക് കരുത്ത് നല്‍കി എന്നും റിമി ടോമി നേരത്തെ പറഞ്ഞിട്ടുള്ളതാണ്. ഇപ്പോഴിതാ ഒരിടവേളയ്ക്ക് ശേഷം വീണ്ടും വര്‍ക്കൗട്ടിന്റെ ചിത്രങ്ങളുമായി റിമി ടോമി എത്തുന്നു. ഇപ്പോഴും ഞാന്‍ പെര്‍ഫക്ട് ആയിട്ടില്ല. പക്ഷേ ഞാന്‍ എപ്പോഴും ശ്രമിച്ചുകൊണ്ടിരിക്കുകയാണ് എന്നാണ് റിമി പറയുന്നത്

ഞാന്‍ ഇപ്പോഴും മുന്നോട്ട് കുതിക്കുകയും ആ സ്ഥിരത നിലനിര്‍ത്താന്‍ ശ്രമിക്കുകയും ചെയ്തുകൊണ്ടിരിയ്ക്കുകയാണ്. വര്‍ക്ക്ഔട്ട് ചെയ്യുന്നത് എനിക്ക് ഊര്‍ജ്ജവും സന്തോഷവും പോസിറ്റിവിറ്റിയും, അതിനെല്ലാമുപരി കരുത്തും നല്‍കുന്നു.

ഞാന്‍ പെര്‍ഫക്ട് ആയി എന്ന് പറയുന്നില്ല. ഇത് എന്റെ ഏറ്റവും മികച്ചതാണ് എന്നും എനിക്കറിയാം. പക്ഷേ ഞാന്‍ എല്ലാ ദിവസവും ശ്രമിച്ചുകൊണ്ടിരിക്കുകയാണ്. ഞാന്‍ ഇത് ചെയ്യുന്നത് എന്റെ ശരീരത്തിന് വേണ്ടി മാത്രമല്ല, എന്റെ മാനസിക ശക്തിക്ക് വേണ്ടി കൂടിയാണ്.

ചെറുപ്പത്തില്‍ അനിയത്തിയോട് വഴക്കിട്ടതില്‍ ഇപ്പോള്‍ കുറ്റബോധം തോന്നുന്നു; ദിവ്യ സാഷയുടെ ഏറ്റവും മികച്ച ക്വാളിറ്റിയെ കുറിച്ച് സഞ്ജയ്
എന്റെ കോച്ച് ലിബിന്‍ മാത്യുവിന് പ്രത്യേക നന്ദി. എന്റെ നന്ദി അറിയിക്കാന്‍ വാക്കുകള്‍ പോര. നിങ്ങള്‍ നിങ്ങളുടെ പരമാവധി നല്‍കുന്നുണ്ടെന്ന് എനിക്കറിയാം, അതുപോലെ ചിലപ്പോഴൊക്കെ വര്‍ക്ക്ഔട്ടുകളും ഡയറ്റും മുടക്കുന്ന ഞാന്‍ ഒരു നല്ല ശിഷ്യയല്ല എന്നും എനിക്കറിയാം. എന്നെ വിശ്വസിച്ചതിനും ഓരോ ദിവസവും മെച്ചപ്പെടുത്താന്‍ എന്നെ പ്രോത്സാഹിപ്പിച്ചതിനും നന്ദി. സത്യത്തില്‍ നിങ്ങള്‍ ശരിക്കും എന്റെ ജീവിതത്തിലെ അനുഗ്രഹമാണ് ലിബിന്‍ എന്നാണ് റിമി ടോമി പറയുന്നത്.

വർക്കൌട്ട് ചെയ്യുന്ന ഏതാനും ചിത്രങ്ങളും റിമി ടോമി പങ്കുവച്ചിട്ടുണ്ട്. റിമിയുടെ കരുത്തിനെ പ്രശംസിച്ചുകൊണ്ടുള്ള കമൻറുകളാണ് പോസ്റ്റിന് താഴെ വരുന്നത്. അതിനൊപ്പം ജീവിതത്തിൽ കൂടുതൽ ശക്തമായി മുന്നോട്ടു പോകാൻ റിമിയ്ക്ക് ആശംസകൾ അറിയിക്കുന്നവരും, സ്നേഹം അറിയിക്കുന്നവരും കമൻറിൽ എത്തുന്നു.

റോയിസുമായുള്ള വിവാഹ മോചനത്തിന് ശേഷമായിരുന്നു റിമി ടോമിയുടെ ഈ മാറ്റം. സെല്‍ഫ് ലവ്, സെല്‍ഫ് കെയര്‍ ഒക്കെ വന്നത് ഒറ്റയ്ക്കായതിന് ശേഷമാണ്. തനിക്ക് തന്നോട് തന്നെയുള്ള ഇഷ്ടത്തിന്റെ ഭാഗമാണ് ഈ മാറ്റം എന്ന് അന്ന് റിമി പറഞ്ഞത്. വിവാഹ മോചനത്തിന് ശേഷം റോയിസ് മറ്റൊരു കുടുംബ ജീവിതത്തിലേക്ക് കടന്നിരുന്നു. റിമി ഇപ്പോഴും സംഗീത ലോകത്ത് തിരക്കിലാണ്. ടിവി ഷോകളും സ്‌റ്റേജ് ഷോകളുമൊക്കെയായി കരിയറിലും റിമി സന്തോഷം കണ്ടെത്തുകയായിരുന്നു.