2 weeks ago
4
Authored by: അശ്വിനി പി|Samayam Malayalam•2 Jan 2026, 11:10 americium IST
ഇനി ശ്രീനിവാസന്റെ രസകരമായ കഥയും കഥാപാത്രങ്ങളും സ്ക്രീനില് ഇല്ലല്ലോ എന്ന് വിഷമിച്ചവരാണ് നമ്മള് മലയാളികള്. അദ്ദേഹം പോയി ഒരു മാസം തികയുന്നതിന് മുന്പേ ഇതാ ഒരു ആശ്വാസ വാര്ത്ത പുറത്തുവരുന്നു
ഉദയനാണ് താരംറോഷന് ആന്ഡ്രൂസ്- മോഹന്ലാല്- ശ്രീനിവാസന് കൂട്ടുകെട്ടിലിറങ്ങിയ സൂപ്പര്ഹിറ്റ് ചിത്രമായിട്ടാണ് എക്കാലവും ഉദയനാണ് താരം എന്ന സിനിമയെ കാണുന്നത്. 20 വര്ഷത്തിനുശേഷം 4കെ ദൃശ്യ മികവോടെ റീ റിലീസിന് ഒരുങ്ങുകയാണ് സിനിമ. 2026 ല് ജനുവരി അവസാനത്തോടെ ചിത്രം തിയേറ്ററുകളില് എത്തുമെന്ന് നിര്മ്മാതാവ് അറിയിച്ചു.
റിലീസ് വേളയില് ബോക്സ് ഓഫിസില് മികച്ച വിജയവും ഏറെ പ്രേക്ഷക പ്രശംസയും നേടിയ ചിത്രം വീണ്ടും റിലീസിന് എത്തുമ്പോള് ആരാധകരും ആവേശത്തിലാണ്. സിനിമക്കുള്ളിലെ സിനിമയുടെ കഥ പറഞ്ഞ ചിത്രം കാള്ട്ടണ് ഫിലിംസിന്റെ ബാനറില് സി. കരുണാകരനാണ് നിര്മിച്ചത്. ഉദയഭാനുവായി മോഹന്ലാലും സരോജ്കുമാര് എന്ന രാജപ്പനായി ശ്രീനിവാസനും തകര്ത്തഭിനയിച്ച ചിത്രത്തില് മീനയായിരുന്നു നായിക. ശ്രീനിവാസനാണ് സിനിമയുടെ കഥയും തിരക്കഥയും ഒരുക്കിയത്.ജഗതി ശ്രീകുമാര് പച്ചാളം ഭാസിയായുള്ള തകര്പ്പന് പ്രകടനം കാഴ്ചവച്ച സിനിമയില് മുകേഷ്, സലിം കുമാര്, ഇന്ദ്രന്സ്, ഭാവന എന്നിവരും വേഷമിട്ടിട്ടുണ്ട്. ഛായാഗ്രാഹണം നിര്വഹിച്ചത് എസ് കുമാറാണ്. ദീപക് ദേവിന്റേതാണ് സംഗീതം. ഗാനരചന കൈതപ്രം നിര്വഹിച്ചപ്പോള് പശ്ചാത്തല സംഗീതം ഔസേപ്പച്ചനും നിര്വഹിച്ചു. എ. കെ സുനിലിന്റെ നേതൃത്വത്തിലുള്ള ന്യൂ സൂര്യ ഫിലിംസ് ആണ് ചിത്രത്തിന്റെ ഡിസ്ത്രിബ്യൂഷന് കൈകാര്യം ചെയ്യുന്നത്.
ദുബായിൽ നിന്ന് അബുദാബിയിലേക്ക് മിനിറ്റുകൾക്കുള്ളിൽ; എത്തിഹാദ് റെയിൽ ഈ വർഷം
എഡിറ്റര്: രഞ്ജന് എബ്രഹാം, എക്സിക്യൂട്ട് പ്രൊഡ്യൂസര്: കരീം അബ്ദുള്ള, ആര്ട്ട്: രാജീവന്, പ്രൊഡക്ഷന് കണ്ട്രോളര്: ആന്റോ ജോസഫ്, മേക്കപ്പ്: പാണ്ഡ്യന്, കോസ്റ്റ്യൂംസ്: സായി, ഓഫീസ് ഇന്ചാര്ജ്: ബിനീഷ് സി കരുണ്, മാര്ക്കറ്റിങ് ഹെഡ്ഡ്: ബോണി അസനാര്, ക്രിയേറ്റീവ് കോണ്ട്രിബ്യൂഷന്: മദന് മേനോന്, കളറിസ്റ്റ്: രാജ പാണ്ഡ്യന്(പ്രസാദ് ലാബ്), ഷാന് ആഷിഫ് (ഹൈ സ്റ്റുഡിയോസ്), 4സ റീ മാസ്റ്ററിങ്: പ്രസാദ് ലാബ്, മിക്സിംഗ്: രാജാകൃഷ്ണന്, സ്റ്റില്സ്: മോമി & ജെപി, ഡിസൈന്സ്: പ്രദീഷ് സമ, പി.ആര്.ഓ: പി.ശിവപ്രസാദ് എന്നിവരാണ് മറ്റ് അണിയറ പ്രവര്ത്തകര്
രചയിതാവിനെക്കുറിച്ച്അശ്വിനി പിസമയം മലയാളത്തില് എന്റര്ടൈന്മെന്റ് സെക്ഷനില് സീനിയർ ഡിജിറ്റൽ കണ്ടൻ്റ് പ്രൊഡ്യൂസറാണ് അശ്വിനി പി. 2013 ലാണ് പത്രപ്രവർത്തക എന്ന നിലയിലുള്ള കരിയർ ആരംഭിച്ചത്. വൺഇന്ത്യ - ഫിൽമിബീറ്റ് പോലുള്ള ദേശീയ മാധ്യമങ്ങളിൽ പ്രവൃത്തിച്ചു. സിനിമ മേഖലയെ വളരെ ഗൗരവമായി കാണുകയും ആ വിഷയത്തെ കുറിച്ച് അറിയാനും എഴുതാനുമാണ് താത്പര്യം. സിനിമാ രംഗത്തെ എഴുത്തുകാരുമായും സംവിധായകന്മാരായും അഭിനേതാക്കളുമായി അഭിമുഖം നടത്തിയിട്ടുണ്ട്. സിനിമ ചർച്ചകളിൽ പങ്കെടുത്തിട്ടുണ്ട്. നവമാധ്യമ രംഗത്ത് പന്ത്രണ്ട് വര്ഷത്തെ പ്രവൃത്തി പരിചയം. പൊളിട്ടിക്കല് സയന്സില് ബിരുദവും ജേര്ണലിസത്തില് ഡിപ്ലോമയും നേടി.... കൂടുതൽ വായിക്കുക
English (US) ·