ഷൂട്ടിങ് കാണാൻ ജിപിയുടെ കുടുംബം മുഴുവൻ ലൊക്കേഷനിൽ; ജീവിതത്തിലെ മറ്റൊരു നാഴികക്കല്ല്; ഗോപികക്ക് ജിപിയുടെ ആശംസ

Authored by: ഋതു നായർ|Samayam Malayalam•1 Aug 2025, 10:42 am

സുമതി വളവ് റിലീസിനെത്തുമ്പോൾ ഗോപികയേയും ജിപിയെയും സംബന്ധിച്ചിടത്തോളം സ്വപ്നസഫലീകരണത്തിന്റെ ദിവസമാണ്. ബാലതാരമായി അഭിനയരംഗത്തേക്ക് എത്തിയ ഗോപിക 2002 ലെ ശിവം മൂവിക്ക് ശേഷം ഏറെ നാളുകൾക്ക് ഒടുവിലാണ് സുമതി വളവിലൂടെ തിരിച്ചുവരവിന് ഒരുങ്ങുന്നത്.

സാന്ത്വനം സീരിയലിൽ ശക്തമായ കഥാപാത്രം അവതരിപ്പിച്ചുകൊണ്ട് വമ്പൻ തിരിച്ചുവരവും ഗോപിക നടത്തിയിരുന്നു. മുൻപും മിനി സ്‌ക്രീനിൽ നിരവധി കഥാപാത്രങ്ങൾ അവതരിപ്പിച്ച ഗോപികക്ക് പക്ഷേ കരിയർ ബ്രേക്ക് ആയിരുന്നു അഞ്ജലി എന്ന കഥാപാത്രവും.

മാളികപ്പുറം ടീമിന്റെ ഏറ്റവും പുത്തൻ ചിത്രമാണ് സുമതിവളവ്.

ശ്രീ ഗോകുലം മൂവീസിന്റെ ബാനറിൽ എത്തുന്ന സുമതി വളവ് ആഗസ്റ്റ് ഒന്നിന് റിലീസിന് എത്തുന്നതിന് മുൻപേ തന്നെ പ്രിവ്യു ഷോ നടന്നിരുന്നു. സംവിധായകൻ വിഷ്ണു ശശി ശങ്കർ, തിരക്കഥാകൃത്ത് അഭിലാഷ് പിള്ള, മ്യൂസിക് ഡയറക്ടർ രഞ്ജിൻ രാജ് എന്നിവരോടൊപ്പം മലയാള സിനിമയിലെ നിരവധി താരങ്ങൾ ആണ് അണിനിരക്കുന്നത്. ഗോപികയുടെ വരവിനു ജിപി ആശംസകൾ അറിയിച്ചുകൊണ്ട് പങ്കിട്ട ഒരുപോസ്റ്റാണ് വൈറൽ ആകുന്നത്. അതേസമയം ഷൂട്ടിങ് ലൊക്കേഷനിൽ പോലും ജിപിയുടെയും ഗോപികയുടെയും കുടുംബം മുഴുവൻ എത്തിയിരുന്നു. ഈ വീഡിയോസും ഇപ്പോൾ സമൂഹ മാധ്യമങ്ങളിൽ വൈറൽ ആണ്.

ALSO READ: ബൗൺസർമാർ പിടിച്ചുമാറ്റിയിട്ടും ആരാധികമാർ മഞ്ജുവിനെ വളഞ്ഞു! മുടിയിലും കവിളിലും തലോടി വീട്ടമ്മമാർ; മഞ്ജുവിന്റെ വിശേഷം

നിന്റെ ബിഗ് ഡേ ഇതാ വന്നെത്തിയിരിക്കുന്നു. 2002 ജൂലൈയിൽ ശിവത്തിനൊപ്പമുള്ള ആദ്യ ചുവടുവയ്പ്പുകൾ മുതൽ... 2025 ഓഗസ്റ്റിൽ സുമതി വളവിനൊപ്പം മറ്റൊരു നാഴികക്കല്ലിലേക്ക് കാലെടുത്തുവയ്ക്കുന്നത് വരെയുള്ള യാത്ര എനിക്കും പ്രചോദനം നൽകുന്ന ഒരു അനുഭവമാണ്.

ALSO READ: ഒരു വർഷത്തെ എൻറെ ഏറ്റവും മികച്ചമാറ്റം: സണ്ണി വെയിൻറെ ഭാര്യ പറയുന്നു, ഇത് വെറും മോട്ടിവേഷൻ കാരണമല്ല

നിന്റെ കണ്ണുകളിലെ തിളക്കം. ജോലിയോടുള്ള നിന്റെ ഹൃദയത്തിന്റെ സമർപ്പണം, ഓരോ സമയത്തും നിന്റെ അഭിനയത്തോടുള്ള അഭിനിവേശം, പരിശ്രമം, നീ ഈ കഥാപത്രത്തിനുവേണ്ടി നൽകിയ എഫേർട്ട് ഒക്കെയും എനിക്ക് കാണാൻ ഭാഗ്യം ലഭിച്ചു. നിങ്ങൾ ഒരു നിമിഷത്തെയും ചെറുതായി കണ്ടിട്ടില്ല, അത് നിങ്ങളുടെ ഏറ്റവും വലിയ പ്ലസ് പോയിന്റ് ആണെന്ന് ഞാൻ വിശ്വസിക്കുന്നു!

നീ ഇതിനെ ഒരു എളിയ തുടക്കം എന്ന് പറയും. പക്ഷേ, എന്റെ ഹൃദയത്തിൽ എനിക്കറിയാം, ഇത് ഒരു തുടക്കം മാത്രമാണ് എന്ന്! നമുക്ക് ഒരുപാട് ദൂരം ഇനിയും പോകാനുണ്ട്! ഈ പാത നിങ്ങളെ എവിടേക്ക് നയിക്കുന്നുവെന്നും, ഇനിയുള്ള ദിവസങ്ങൾ നിന്റെ സ്വപ്നത്തിലേക്കുള്ള യാത്രക്ക് വേണ്ടി തുടങ്ങുകയാണ് എന്നും എനിക്ക് അറിയാം. ആശംസകൾ; ജിപി പറയുന്നു.