സംഭവിച്ചതെല്ലാം നല്ലതിന്; നയന്‍താരയും സുന്ദര്‍ സിയും തമ്മില്‍ അടി, മൂക്കുത്തി അമ്മന്‍ സിനിമ നിലച്ചു എന്ന വാര്‍ത്തയോട് ഖുശ്ബുവിന്റെ പ്രതികരണം

Authored byഅശ്വിനി പി | Samayam Malayalam | Updated: 26 Mar 2025, 6:07 pm

Samayam Malayalamമൂക്കുത്തി അമ്മൻ വിവാദങ്ങളോട് കുശ്ബുവിൻറെ പ്രതികരണം

പ്രഖ്യാപിച്ചതു മുതല്‍ വാര്‍ത്തകളില്‍ നിറയുന്ന സിനിമയമാണ് മൂക്കുത്തി അമ്മന്‍. 2020 ല്‍ നയന്‍താരയെ മൂക്കുത്തി അമ്മനാക്കി ആര്‍ ജെ ബാലാജി സംവിധാനം ചെയ്ത ചിത്രമാണ് മൂക്കുത്തി അമ്മന്‍. ഇതിന്റെ സെക്കന്റ് പാര്‍ട്ട് സംവിധാനം ചെയ്യുന്നത് സുന്ദര്‍ സി ആണ്. മീനയും ഖുശ്ബുവും നയന്‍താരയും എല്ലാം പങ്കെടുത്ത ചിത്രത്തിന്റെ പൂജ ഗംഭീരമായി ചെന്നൈയില്‍ നടന്നതുമാണ്. അന്ന് മുതലേ പല തരത്തിലുള്ള ഗോസിപ്പുകളും വരുന്നുണ്ട്

ഏറ്റവുമൊടുവില്‍ നയന്‍താരയും സംവിധായകന്‍ സുന്ദര്‍ സിയും തമ്മില്‍ വഴക്കുണ്ടായി എന്നും, ചിത്രീകരണം നിലച്ചു എന്നുമൊക്കെയായിരുന്നു വാര്‍ത്തകള്‍. വസ്ത്രധാരണത്തെ ചൊല്ലി നയന്‍താരയും സുന്ദര്‍ സിയുടെ അസിസ്റ്റന്റ് ഡയരക്ടറും തമ്മില്‍ വാഗ്വാദം ഉണ്ടായി. അതില്‍ ക്ഷമ നശിച്ച സുന്ദരി സി ഷൗട്ട് ചെയ്തു എന്നും, ഇതേ തുടര്‍ന്ന് ചിത്രീകരണം നിലച്ചു എന്നുമായിരുന്നു വാര്‍ത്തകള്‍. നയന്‍താരയ്ക്ക് പകരം തമന്നയെ കൊണ്ടുവന്ന് ഷൂട്ടിങ് അവസാനിക്കുമെന്നും വാര്‍ത്തകളുണ്ടായിരുന്നു.

Also Read: ഭര്‍ത്താവിന്റെ കാര്യത്തില്‍ ഒരേ ഒരു കുറ്റബോധമേ എനിക്കുള്ളൂ, കുറച്ചുകൂടെ നേരത്തെ ആവേണ്ടതായിരുന്നു; പ്രണയ ജീവിതത്തെ കുറിച്ച് പദ്മപ്രിയ

ഇപ്പോഴിതാ ഈ വാര്‍ത്തയോട് പ്രതികരിച്ച് എത്തിയിരിക്കുകയാണ് സുന്ദര്‍ സിയുടെ ഭാര്യയും നിര്‍മാതാക്കളില്‍ ഒരാളുമായ ഖുശ്ബു സുന്ദര്‍. പാപ്പരാസികള്‍ ഇനി വിശ്രമിച്ചോളൂ, കേട്ടതെല്ലാം വ്യാജ വാര്‍ത്തകളാണ് എന്ന് ഖുശ്ബു സുന്ദര്‍ സോഷ്യല്‍ മീഡിയയിലൂടെ അറിയിച്ചു.

Also Read: ബേസിക് സ്‌കില്‍സ് ഇല്ല, ക്ഷമ പറയില്ല, ഡ്രാമറ്റിക് ആണ്; ഭാര്യ ശോഭിതയെ കുറിച്ച് നാഗ ചൈതന്യ പറഞ്ഞത്, ഇത്രയ്ക്ക് അപമാനിക്കണോ എന്ന് സോഷ്യല്‍ മീഡിയ

'സുന്ദര്‍ സി സാറിന്റെ എല്ലാ അഭ്യുദയകാംക്ഷികള്‍ളോടും, മൂക്കുത്തി അമ്മന്‍ 2 നെക്കുറിച്ച് അനാവശ്യമായ നിരവധി കിംവദന്തികള്‍ പ്രചരിക്കുന്നുണ്ട്. ദയവായി വിശ്രമിക്കൂ. ഷൂട്ടിംഗ് സുഗമമായി പുരോഗമിക്കുന്നു, പ്ലാന്‍ ചെയ്തതുപോലെ എല്ലാം മുന്നോട്ടു പോകുന്നു. സുന്ദര്‍ നോ നോണ്‍സണ്‍സ് വ്യക്തിയാണെന്ന് എല്ലാവര്‍ക്കും അറിയാം. നയന്‍താര വളരെ പ്രൊഫഷണല്‍ നടിയാണ്, അവര്‍ തന്റെ കഴിവ് ഇതിനോടകം തെളിയിച്ചിട്ടുണ്ട്. മുമ്പ് അവര്‍ ചെയ്ത ഒരു വേഷം ചെയ്യാന്‍ കഴിഞ്ഞതില്‍ എനിക്ക് സന്തോഷമുണ്ട്. ഈ കിംവദന്തികള്‍ 'ദൃഷ്ടി എടുത്ത് കളഞ്ഞതു' പോലെയാണ്. സംഭവിക്കുന്നതെല്ലാം നല്ലതിന് വേണ്ടിയാണ്, നിങ്ങളുടെ അനുഗ്രഹവും സ്‌നേഹവുമാണ് ഞങ്ങള്‍ പ്രതീക്ഷിക്കുന്നത്. എപ്പോഴും ഞങ്ങളോടൊപ്പം ഉണ്ടായിരുന്നതിന് നന്ദി' എന്നാണ് ഖുശ്ബു സോഷ്യല്‍ മീഡിയയില്‍ കുറിച്ചത്.