സത്യം മാത്രമേ പറയാവൂ എന്ന് പറഞ്ഞതിന് ശേഷവും രശ്മിക നല്‍കിയ ഉത്തരം; വിജയ് ദേവരകൊണ്ടയുമായുള്ള ബന്ധം എന്താണ്?

ഗീതാ ഗോവിന്ദം, ഡിയര്‍ കോമ്രണ്ട് എന്നീ സിനിമകളില്‍ ഒന്നിച്ചഭിനയിച്ചതിന് ശേഷം വിജയ് ദേവരകൊണ്ടയുടെയും രശ്മിക മന്ദാനയുടെയും ആരാധകര്‍ അത്രയധികം ആഗ്രഹിക്കുന്ന ഒന്നാണ് ഇരുവരുടെയും വിവാഹം . സ്‌ക്രീനില്‍ മികച്ച ജോഡികളായ ഇരുവരും യഥാര്‍ത്ഥ ജീവിതത്തിലും അങ്ങനെയായിരിക്കും, എത്രയും പെട്ടന്ന് വിവാഹിതരാവണം എന്നാണ് ആരാധകരുടെ ആഗ്രഹം.

കാലങ്ങളായി രശ്മിക മന്ദാനയും വിജയ് ദേവരകൊണ്ടയും ഒന്നിച്ചുള്ള പ്രണയ ഗോസിപ്പുകള്‍ വരികയാണ്. നാളിതുവരെ നടിയോ നടനോ അത് നിഷേധിച്ചിട്ടുമില്ല. ഇരുവരും ഒന്നിച്ച് അവധി ആഘോഷിക്കുന്ന ചിത്രങ്ങളൊക്കെ പലപ്പോഴും സോഷ്യല്‍ മീഡിയയില്‍ വൈറലാവുകയും ചെയ്തിട്ടുണ്ട്. ഏറ്റവുമൊടുവില്‍ പുറത്തുവന്ന റിപ്പോര്‍ട്ടുകള്‍ പ്രകാരം ഇരുവരുടെയും വിവാഹ നിശ്ചയം കഴിഞ്ഞു, ഫെബ്രുവരി 26 ന് രശ്മികയ്ക്കും വിജയ് ദേവരകൊണ്ടയ്ക്കും ഉദയംപേരൂരില്‍ വച്ച് വിവാഹം എന്നാണ്. എന്നാല്‍ വാര്‍ത്തകള്‍ അത്രയും ശക്തമായി പ്രചരിച്ചിട്ടും പ്രതികരിക്കാന്‍ വിജയ് ദേവരകൊണ്ടയും രശ്മികയും തയ്യാറായിട്ടില്ല.

Also Read: വലിയൊരു കാരണങ്ങളുണ്ട്! ശ്രീനിവാസന്റെ അന്ത്യകര്‍മങ്ങള്‍ക്ക് വരാതിരുന്നതിനെ കുറിച്ച് ജയറാം

ഇപ്പോഴിതാ തെലുങ്കിലെ പ്രശസ്ത ജേര്‍ണലിസ്റ്റായ ഉദയ സത്യമിട്ടുകൊണ്ട് രശ്മികയോട് ഇക്കാര്യം ചോദിക്കുന്നു. എന്ത് വന്നാലും സത്യം മാത്രം പറയണം, ഡിപ്ലോമാറ്റിക് ആയ മറുപടിയോ, ഒഴിഞ്ഞ് മാറലോ അരുത്. ഈ പറയുന്ന ബന്ധത്തില്‍ എന്തെങ്കിലും സത്യമുണ്ടോ, ഈ പറയുന്ന ഡേറ്റില്‍ രശ്മികയ്ക്കും വിജയ് ദേവകൊണ്ടയ്ക്കും വിവാഹം നടക്കുമോ എന്ന് ചോദിച്ചപ്പോഴും രശ്മിക തന്ത്രപരമായി മറുപടി നല്‍കി.

Also Read: ഉള്ളിന്റെ ഉള്ളില്‍ പോലും ഇങ്ങനെ ഒന്ന് ഞാന്‍ ചിന്തിച്ചിട്ടില്ല, വഴികാട്ടിയും ഉണ്ടായിരുന്നില്ല; സ്വപ്‌നം പോലും കാണാത്ത ഇടത്ത് സമാന്ത റുത്ത് പ്രഭു

സത്യം ഞാന്‍ പറയാം എന്ന് പറഞ്ഞുകൊണ്ടാണ് രശ്മിക തുടങ്ങുന്നത്. 4 വര്‍ഷത്തോളമായി ഈ ഗോസിപ്പുകള്‍ പ്രചരിക്കുന്നു. ജനങ്ങള്‍ എവിടെ കണ്ടാലും ചോദിക്കുന്നത് ഇത് മാത്രമാണ്, കാത്തിരിക്കുന്നത് ഇതിന് വേണ്ടിയാണ്. ഇന്ന് എന്താണ് സത്യം എന്നാല്‍, ഇതിനെ കുറിച്ച് ഞാന്‍ സംസാരിക്കേണ്ടി വരുന്ന ഒരു സാഹചര്യത്തില്‍ ഞാന്‍ അതിനെ കുറിച്ച് സംസാരിക്കും. ഇതില്‍ കൂടുതല്‍ എന്തെങ്കിലും അവതാരക എന്ന നിലയില്‍ അറിയണമെങ്കില്‍ ഓഫ് ദ ക്യാമറ പറയാം എന്ന് രശ്മിക നിറഞ്ഞ ചിരിയോടെ പറയുന്നു. എന്തു തന്നെയായാലും ഫെബ്രുവരി 26 ന് രശ്മികയ്ക്കും വിജയ് ദേവരകൊണ്ടയ്ക്കും വിവാഹം നടക്കുമോ എന്നറിയാന്‍ കാത്തിരിക്കുകയാണ് ആരാധകര്‍.