4 months ago
5
Authored by: ഋതു നായർ|Samayam Malayalam•3 Sept 2025, 8:43 pm
പഠനത്തിരക്കിലായതിനാല് സിനിമയില് നിന്ന് ഇടവേള എടുത്ത സനൂഷ ഇപ്പോൾ സോഷ്യൽ മീഡിയയിൽ നിന്നും വിട്ടുനിൽക്കുകയാണ്. മരതകം, ലിക്വര് ഐലന്ഡ് തുടങ്ങിയ ചിത്രങ്ങളാണ് ഏറ്റവും ഒടുവിൽ സനൂഷ കമ്മിറ്റ് ചെയ്തിരുന്നത്
സനൂഷ സന്തോഷ്(ഫോട്ടോസ്- Samayam Malayalam)കാഴ്ച എന്നമമ്മൂട്ടി ചിത്രത്തിലെ അഭിനയത്തിന് സനൂഷക്ക് മികച്ച ബാലതാരത്തിനുള്ള സംസ്ഥാന ചലച്ചിത്ര പുരസ്കാരം നേടാൻ കഴിഞ്ഞു. പിന്നെ സനൂഷയെ കാണുന്നത് ദിലീപിന്റെ നായികയായി മിസ്റ്റര് മരുമകനിലൂടെയാണ്. അലക്സ് പാണ്ഡ്യന്, മിലി, വേട്ട, ഒരു മുറൈ വന്ത് പാര്ത്തായാ, കൊടിവീരന്, ജേഴ്സി തുടങ്ങി ഏറ്റവും ഒടുവിൽ അഭിയിച്ച ജലധാര പമ്പ് സെറ്റ് 1962 ൽ വരെ എത്തിയിരിക്കുന്നു സനൂഷയുടെ കരിയർ. എന്നാൽ ഏറെ നാളുകൾ ആയി സനൂഷ സോഷ്യൽ മീഡിയയിൽ പോലും ആക്റ്റീവ് അല്ല.
അന്പത്തിയെട്ട് ആഴ്ചകൾക്ക് മുൻപേ പങ്കുവച്ച ഒരു പോസ്റ്റ് ഒഴിച്ചാൽ നാളുകൾ ഏറെ ആയി സനൂഷ ഒരു പോസ്റ്റ് പങ്കിട്ടെത്തിയിട്ട്. താൻ സ്കോട്ലൻഡിൽ നിന്നും ബിരുദം നേടിയ സന്തോഷം ആയിരുന്നു സനൂഷ പങ്കുവച്ചത്. എന്നാൽ പിന്നെ സനൂഷ തന്റെ ഒരു വിശേഷങ്ങളും സോഷ്യൽ മീഡിയയിൽ പങ്കിട്ടില്ല.ALSO READ: പാർവതി അമ്മയാകുന്നു! മോഹൻലാലിൻറെ നായികയായി വന്ന അമേരിക്കക്കാരി; എന്റെ പ്രെഗ്നൻസി ഗ്ലോയെന്ന് താരം
അഭിനയത്തിന്റെ ഇടയിൽ സമയം കണ്ടെത്തിയാണ് സനൂഷ പഠനത്തിൽ സജീവം ആയത്. എന്നാൽ അഭിനയത്തിൽ നിന്നും ഇടക്ക് എടുത്ത ഇടവേളയിൽ നിന്നും എഡിന്ബറോ സര്വകലാശാലയില് നിന്ന് ഗ്ലോബല് മെന്റല് ഹെല്ത്ത് ആന്ഡ് സൊസൈറ്റിയില് എംഎസ്സി ബിരുദം സനൂഷ പൂർത്തിയാക്കി.
ALSO READ: അമ്മയുടെ ചേച്ചിയുടെ മകനാണ്! ഒഫീഷ്യലായ ബന്ധമല്ല, ഞങ്ങൾ കുടുംബക്കാർ; എന്താണ് ബന്ധമെന്ന് ചോദിച്ചവർക്ക് ഉത്തരം
എല്ലായ്പ്പോഴും കൂടെ നിന്ന കുടുംബത്തിനും സുഹൃത്തുക്കള്ക്കും സര്വകലാശാലയിലെ സഹപാഠികള്ക്കും അധ്യാപകര്ക്കും നന്ദി പറഞ്ഞുകൊണ്ടാണ് സനൂഷ എത്തിയത്. എന്നാൽ ഒരിക്കൽ മീര ജാസ്മിനെ പോലെ ആകണം എന്ന് ആഗ്രഹിച്ച സനൂഷക്ക് മലയാളം കുറച്ചുകൂടി പരിഗണന നൽകിയിരുന്നു എങ്കിൽ മികവുറ്റ കഥാപാത്രങ്ങളെ അവതരിപ്പിക്കാൻ സാധിക്കുമായിരുന്നു എന്ന കാര്യത്തിൽ സംശയം വേണ്ട.
നീലേശ്വരം കാരിയായ സനൂഷ സിനിമയിൽ എത്തിയപ്പോൾ കാവ്യയുടെ പിൻഗാമി ആയി എത്തും എന്നാണ് അന്ന് മലയാളികൾ വിശ്വസിച്ചത്. പഠനത്തിരക്ക് ഒക്കെ ഒഴിഞ്ഞ വേളയിൽ ഉറപ്പായും സനൂഷ മികച്ച കഥാപത്രങ്ങളും ആയി എത്തുമെന്നാണ് ഇപ്പോഴും മലയാളികൾ പ്രതീക്ഷിക്കുന്നത്.
English (US) ·