സിം​ഗിളായി ജീവിക്കുന്നതാണ് നല്ലത്, ഇമോഷന് വാല്യു ഇല്ലാത്ത കാലത്ത് എന്തിന് പ്രേമിക്കണം; റിലേഷൻഷിപ്പിനെ കുറിച്ച് ശാലി‍ൻ സോയ

Authored by: അശ്വിനി പി|Samayam Malayalam•18 Aug 2025, 4:07 pm

ഇപ്പോഴത്തെ പെൺകുട്ടികൾക്ക് വിവാഹത്തോട് താത്പര്യമില്ല, സിംഗിൾ ലൈഫ് ആണ് പലരും തിരഞ്ഞെടുക്കുന്നത് എന്ന് പഠനങ്ങൾ തെളിയിച്ചിട്ടുള്ളതാണ്. അതേ കാഴ്ചപ്പാട് തന്നെയാണ് ശാലിൻ സോയ യ്ക്കും. മിനിസ്ക്രീനിലൂടെ എത്തി, ബാലതാരമായും മറ്റും മലയാള സിനിമയിൽ സജീവമായി, ഇപ്പോൾ തമിഴകത്തും പരിചതയായ ശാലിൻ സോയ തന്റെ റിലേഷൻഷിപ് സങ്കൽപങ്ങളെ കുറിച്ചും കാഴ്ചപ്പാടുകളെ കുറിച്ചും സംസാരിക്കുന്നു

റിലേഷൻഷിപ്പിനെ കുറിച്ച് ഞാൻ എന്ത് കരുതുന്നു എന്ന് ചോദിച്ചാൽ, റിലേഷൻഷിപ് നല്ലതാണ്, നന്നായിട്ട് പോകുന്നുണ്ടെങ്കിൽ മുന്നോട്ടു പോകുക, ഇല്ലെങ്കിൽ വിട്ടിട്ട് നന്നായി ജീവിക്കുക. എനിക്ക് പങ്കാളിയെ കുരിച്ചുള്ള എക്സ്പറ്റേഷനും കാര്യങ്ങളും ഒന്നുമില്ല, എന്തിനാണ് എക്സ്പറ്റേഷൻ. എനിക്ക് ഒരു പ്രതീക്ഷയും വേണ്ട, ബോയ്ഫ്രണ്ടും വേണ്ട. സിംഗിളായി തന്നെ തുടരുന്നതാണ് നല്ലത് എന്നാണ് എനിക്ക് തോന്നിയിട്ടുള്ളത്. അത് ഞാൻ നേരത്തെയും പറഞ്ഞിട്ടുണ്ട്.

Also Read: അപർണ ബാലമുരളി അത്രയും സീരിയസ് ആയ പ്രശ്നത്തിലാണോ? ആസിഫ് അലിയും അപർണയും ഒന്നിക്കുന്ന മിറാഷിന്റെ ടീസർ പുറത്തിറങ്ങി

ഒറ്റയ്ക്ക് ജീവിക്കുന്നതാണ് നല്ലത്. ജീവിതം നന്നായിരിക്കണം. ഇപ്പോൾ കേൾക്കുന്നതെല്ലാം കുറേ ട്രാജഡികളാണ്. കല്യാണത്തിന് ശേഷം എത്രയോ പെൺകുട്ടികൾ ആത്മഹത്യ ചെയ്യുന്നു. അതിനെക്കാൾ നല്ലതാണ് സെൽഫ് സഫിഷ്യന്റായിരിക്കുന്നത്. സ്വന്തം കാര്യം നോക്കി ജീവിക്കുക, അങ്ങനെയാവുമ്പോൾ തന്റെ ജീവിതത്തിലെ തീരുമാനങ്ങൾ എല്ലാം സ്വയം എടുക്കാലോ. ആകെയും ഡിപ്പന്റ് ചെയ്യേണ്ടതായി വരില്ല.

Also Read: എനിക്ക് കഞ്ഞി കുടിച്ചുപോകണം അത്രേം വേണ്ടൂ! വയസ്സായില്ലേ എന്നെ ആരും വിളിക്കുന്നില്ല; എന്തുകൊണ്ട് സിനിമയില്ലെന്ന് ചോദ്യം; മറുപടി

എന്നെ സംബന്ധിച്ച് കല്യാണം അത്രയും പ്രധാനമുള്ള ഒന്നല്ല. പണ്ട്, വിന്റേജ് കാലത്തെ സിനിമകളൊക്കെ കാണുമ്പോൾ തോന്നുമായിരുന്നു. പക്ഷേ ഇപ്പോൾ, ഈ കാലഘട്ടത്തിൽ ആർക്കും, ആരുടെയും പ്രണയത്തിന് ലോങ് ലൈഫ് ഇല്ല. എല്ലാം സ്വൗയിപ്പിങ് ആണ്. ഞാൻ നൈന്റീസ് കിഡ് ആണ്, എന്നിരുന്നാലും എന്റെ മൈന്റ് ഇപ്പോഴും അവിടെ സ്റ്റക് ആയി നിൽക്കുകയാണ്. ഇപ്പോഴത്തെ ആളുകളെ പോലെ, കാണുന്നു, പ്രണയിക്കുന്നു, പിരിയുന്നു എന്ന രീതിയിൽ മാറാൻ കഴിയില്ല.


ജെൻസി കാലത്ത് പ്രണയിക്കാൻ ട്രൈ ചെയ്താലും നടക്കില്ല, ഒന്നാമത്തെ കാര്യം ഞാൻ ട്രൈ ചെയ്യുന്നതേയില്ല. ഈ കാലത്ത് ഇമോഷൻസിന് എല്ലാം ടെംപററി കാലം മാത്രമേയുള്ളൂ, നിലനിൽപില്ല. അങ്ങനെയുള്ള സാഹചര്യത്തിൽ ലോജിക്കായി, പ്രാക്ടിക്കലായി ചിന്തിച്ചാൽ കല്യാണം കഴിക്കാതെ സിംഗിൾ ആയി തുടരുന്നതാണ് നല്ലത്- ശാലിൻ സോയ പറഞ്ഞു.