സുചിത്ര പറഞ്ഞ ആ ദിവസം! എമ്പുരാൻ റിലീസ് മാത്രമല്ല, ലാലിൻറെ ജീവിതത്തിലെ മറ്റൊരു സന്തോഷദിനം; മകൾക്ക് ആശംസകളേകി താരം

Authored byഋതു നായർ | Samayam Malayalam | Updated: 27 Mar 2025, 5:33 am

Samayam Malayalamഎമ്പുരാൻ

മോഹൻലാലിനെ കേന്ദ്രകഥാപാത്രമാക്കി പൃഥ്വിരാജ് സംവിധാനം ചെയ്യുന്ന ചിത്രമാണ് എമ്പുരാൻ. ലൂസിഫറിന്റെ രണ്ടാംഭാഗമായ ചിത്രം മാർച്ച് 27 ന് ലോകമെമ്പാടുമുള്ള തിയറ്ററുകളിലേയ്ക്ക് എത്തുകയാണ്. ആശിർവാദ് പ്രൊഡക്ഷൻസും ഗോകുലം ഗോപാലനും ചേർന്നാണ് ചിത്രത്തിന്റെ നിർമ്മാണം. ഇതുവരെ 58 കോടിയിലേറെ അഡ്വാന്‍സ് ടിക്കറ്റ് സെയില്‍സിലൂടെ ചിത്രം നേടിയെന്ന് നിര്‍മാതാവ് ആന്റണി പെരുമ്പാവൂര്‍ അറിയിച്ചിരുന്നു. ഈ സന്തോഷത്തേക്കാൾ ഓക്കേ ഉപരി ലാലേട്ടനെ സംബന്ധിച്ചിടത്തോളം മറ്റൊരു സന്തോഷം കൂടി ജീവിതത്തിലുണ്ട്.

ഏക മകൾ വിസ്മയക്ക് ഇന്ന് പിറന്നാൾ ദിനമാണ്. 33 ആം വയസിലേക്ക് താര പുത്രി കടന്നപ്പോൾ നിന്റെ അച്ഛൻ ആയതിൽ ഞാൻ അഭിമാനിക്കുന്നു മോളെ എന്നാണ് ലാലേട്ടൻ കുറിച്ചത്. അന്ന് സുചിത്ര പറഞ്ഞ ആ ദിവസം കൂടിയാണ് മാർച്ച് 27. സിനിമയുടെ ടീസർ റിലീസ് ചടങ്ങിലാണ് ഇക്കാര്യം സുചി പറഞ്ഞത്.

എമ്പുരാൻ തിയറ്ററുകളിലെത്തുന്ന മാർച്ച് 27 ന് തനിക്ക് മറ്റൊരു സന്തോഷം കൂടിയുണ്ട്. അതേദിവസമാണ് എന്റെ മകളുടെ ജന്മദിനം. അതിനാൽ ആ ദിവസം എനിക്ക് രണ്ട് സന്തോഷമാണ് എന്നായിരുന്നു സുചിത്ര പറഞ്ഞത്.

ലാലേട്ടന്റെ വാക്കുകൾ

ജന്മദിനാശംസകൾ, മായ കുട്ടി! ഓരോ ദിവസവും നിങ്ങളുടെ സ്വപ്നങ്ങൾ സാക്ഷാത്കരിക്കുന്നതിലേക്ക് നീ എത്തട്ടെ മോളെ, നിന്റെ ജീവിതത്തിൽ സന്തോഷവും പുഞ്ചിരിയും നിറയട്ടെ. നിന്നെക്കുറിച്ച് ഞാൻ വളരെ അഭിമാനിക്കുന്നു. നിന്നെ ഞാൻ അത്രയും സ്നേഹിക്കുന്നു. അച്ഛ; ലാലേട്ടൻ കുറിച്ചു. ഈ പോസ്റ്റിനും നിരവധി ആരാധകർ ആണ് ആശംസകൾ അറിയിച്ചുകൊണ്ട് എത്തുന്നത്.

ALSO READ: എല്ലാവരോടും വലിയ സ്നേഹമായിരുന്നു മനോജിന്! സർജറി കഴിഞ്ഞ് റെസ്റ്റിലായിരുന്നു വലിയ പ്രശ്നമൊന്നും ഉണ്ടായിരുന്നില്ല; നന്ദനയുടെ ബന്ധു
എമ്പുരാന്റെ നേട്ടങ്ങൾ

റിലീസിന് മുമ്പേ തന്നെ ഇന്ത്യന്‍ സിനിമയില്‍ പുതിയ റെക്കോര്‍ഡുകള്‍ സസ്രിഷ്ടിക്കാൻ എമ്പുരാന് സാധിച്ചിരുന്നു. ചിത്രത്തിന്റെ ഓള്‍ ഇന്ത്യ അഡ്വാന്‍സ് ടിക്കറ്റ് ബുക്കിങ് മാര്‍ച്ച് 21-ന് രാവിലെ ഒമ്പതുമണിക്കാണ് ആരംഭിച്ചത്. ബുക്കിങ് ട്രെന്‍ഡിങ്ങില്‍ ഒരു മണിക്കൂറില്‍ ഒരു ലക്ഷത്തിനടുത്ത് ടിക്കറ്റുകള്‍ വിറ്റും ചിത്രം റെക്കോര്‍ഡ് സൃഷ്ടിച്ചിരുന്നു.

മാത്രമല്ല ഐമാക്‌സിൽ റിലീസ് ചെയ്യുന്ന ആദ്യ മലയാള ചിത്രം കൂടിയാണ് എമ്പുരാൻ. ലൂസിഫർ ഫ്രാഞ്ജയിസിലെ മൂന്ന് ചിത്രങ്ങളും അനമോർഫിക് ഫോർമാറ്റിലാണ് ചിത്രികരിച്ചിരിക്കുന്നത്. സാധാരണ സ്ക്രീനിന്‍റെ റേഷ്യോ അല്ല സംവിധായകൻ തെരഞ്ഞെടുത്തിരിക്കുന്നത്. ഇതിന്‍റെ ആസ്പറ്റ് റേഷ്യോ 2.8:1 ആയിരിക്കുമെന്നും നേരത്തെ പറഞ്ഞിട്ടുണ്ട്.