സുജിത്തുമായി ഇപ്പോഴും നല്ല ബന്ധമാണ്, ഒരു ശത്രുതയുടെയും ആവശ്യമില്ല; മുൻ ഭർത്താവിനെ കുറിച്ച് മഞ്ജു പിള്ള

Authored by: അശ്വിനി പി|Samayam Malayalam•15 Oct 2025, 4:57 pm

മലയാള സിനിമയ്ക്ക് പകരം വയ്ക്കാനില്ലാത്ത ഒരു നടിയായി മഞ്ജു പിള്ള മാറിക്കഴിഞ്ഞു. കെപിഎസി ലളിതയൊക്കെ ഇല്ലാത്ത ആ ഒഴിവിലേക്ക് മഞ്ജു പിള്ളയ്ക്കുള്ള അവസരം കൂടുതലാണ്. അഭിനയവും ആക്ടിങ് സ്കൂളും ടിവി ഷോകളുമൊക്കെയായി തിരക്കിലാണ് മഞ്ജു പിള്ള. വീണ നായർക്ക് നൽകിയ അഭിമുഖത്തിൽ സംസാരിക്കവെ നടി തന്റെ വിശേഷങ്ങൾ പങ്കുവച്ചു.

ഈ തിരക്കുകൾക്കിടയിൽ വീട്ടിൽ പോകാൻ കഴിയുന്നില്ല, ഫോട്ടോ എടുത്ത് വയ്ക്കണം എന്ന് അമ്മ പറയുന്നുണ്ട് എന്നാണ് വീണ പറയുന്നത്. മകൾക്കൊപ്പമുള്ള ജീവിതത്തിൽ ഇപ്പോൾ താൻ എത്രത്തോളം എൻഗേജിങ് ആണെന്നും, മുൻ ഭർത്താവ് സുജിത്തുമായുള്ള സൗഹൃദത്തെ കുറിച്ചും എല്ലാം മഞ്ജു പിള്ള സംസാരിക്കുന്നു.

Also Read: ജീവിതത്തിൽ ഒരുപാട് ആഗ്രഹിച്ച, സ്വപ്നം കണ്ട നിമിഷം; സന്തോഷം പങ്കുവച്ച് ആലീസ് ക്രിസ്റ്റി!

മകൾക്ക് അഭിനയിക്കാൻ കഴിവുണ്ടോ എന്ന ചോദ്യത്തിന് ഉത്തരം നൽകുകയായിരുന്നു വീണ. അഭിനയിക്കാൻ ഇപ്പോൾ ചില താത്പര്യങ്ങളൊക്കെ പ്രകടിപ്പിക്കുന്നുണ്ട്. ആഗ്രഹത്തിന് ഒന്ന് രണ്ട് സിനിമകൾ ചെയ്യണം എന്നാണ് പറയുന്നത്. എന്റെ മകൾ ആയതുകൊണ്ട് എന്നല്ല, അവൾ അച്ഛന്റെയും മകളാണ്. സുജിത്ത് നന്നായി വരക്കുകയൊക്കെ ചെയ്യും, അതുകൊണ്ട് ആ വാസന ദയയ്ക്ക് കിട്ടിയിട്ടുണ്ട് എന്നാണ് മഞ്ജു പിള്ള പറഞ്ഞത്

സുജിത്തിന്റെ കുടുംബമായിട്ടും ഇപ്പോഴും നല്ല ബന്ധമാണ്. ഇടയ്ക്ക് പോകാറുണ്ട്. അമ്മയെ വിളിക്കാറുമുണ്ട്. പുതിയ വീട് വച്ചപ്പോൾ എനിക്കങ്ങോട്ട് പോകാൻ സാധിച്ചിട്ടില്ല, പോകണം, ഒന്ന് രണ്ട് ദിവസം അവിടെ നിൽക്കണം. സുജിത്തുമായിട്ടും നല്ല ബന്ധമാണ്. കഴിഞ്ഞ ദിവസവും ഫ്ളാറ്റിൽ വന്നിരുന്നു, ഒരുമിച്ച് ഒപ്പ് വയ്ക്കേണ്ട ഒരു കാര്യത്തിന് വേണ്ടി. എന്തിനാണ് ശത്രുത വയ്ക്കേണ്ടത്, അതിന്റെ ആവശ്യമില്ലല്ലോ- എന്നാണ് മ‍ഞ്ജു പിള്ള പറഞ്ഞത്.


ഈ പുതിയ കാലത്ത് മകൾ നല്ല പെൺകുട്ടിയായി വളരുന്നതിലെ സന്തോഷവും മഞ്ജു പിള്ള പങ്കുവയ്ക്കുന്നു. പലതും നടക്കുന്ന കാലമാണിത്, പെൺകുട്ടികളൊക്കെ എങ്ങനെ ജീവിക്കുന്നു എന്താണ് ലൈഫ് സ്റ്റൈൽ എന്നൊക്കെ അറിയാമല്ലോ. അതിനിടയിൽ ദയ നല്ല കാഴ്ചപ്പാടോടുകൂടിയും വ്യക്തതയോടും കൂടെയാണ് വളരുന്നത് എന്ന കാര്യത്തിൽ എനിക്ക് അഭിമാനമുണ്ട്. മുതിർന്നവരോട് എങ്ങനെ പെരുമാറണം എന്നും, ഒരു സാഹചര്യം എങ്ങനെ ഹാന്റിൽ ചെയ്യണം എന്നും അവൾക്കറിയാം. സോഷ്യൽ മീഡിയ കമന്റുകളെയൊന്നും അവൾ വകവയ്ക്കുന്നതുമില്ല. അച്ഛനും അമ്മയും എന്നെ മനസ്സിലാക്കിയാൽ മതി എന്നതാണ് അവളുടെ നിലപാട്- മഞ്ജു പിള്ള പറഞ്ഞു