സ്വയം സ്നേഹിക്കുന്നതിന്റെ മഹത്വം: മരിയ ഉമ്മനുമായുള്ള ബന്ധം; വാചാലയായി ഷീലു

Authored by: ഋതു നായർ|Samayam Malayalam•31 Jul 2025, 4:12 pm

സ്വയം സ്നേഹിക്കാൻ ശീലിച്ചാൽ ആ നന്മ ചുറ്റിനും സ്‌പ്രെഡ്‌ ചെയ്യാനാകുമെന്ന് നടിയും നിർമ്മാതാവും ആയ ഷീലു എബ്രഹാം .ഉമ്മൻചാണ്ടിയുടെ മകളും ഡോക്ടറും ആയ മരിയ ഉമ്മന്റെ ക്ഷണം സ്വീകരിച്ചുകൊണ്ട് മലങ്കര സഭയുടെ യോഗത്തിൽ പ്രസംഗിക്കുകയായിരുന്നു ഷീലു.

തന്റെ കുഞ്ഞുങ്ങളോട് തോന്നുന്ന സ്നേഹം തന്നെയാണ് നിങ്ങളോടും തോന്നുന്നത് എന്ന് പറഞ്ഞു തുടങ്ങുന്ന ഷീലു ഉമ്മൻ ചാണ്ടിയുടെ മകൾ മരിയ ഉമ്മനും ആയുള്ള പരിചയത്തെകുറിച്ചുകൂടി വാചാല ആയി.

ഞാൻ ഒരു കോട്ടയം കാരിയാണ്. കത്തോലിക്കാ സഭയിലെ അംഗവും ആയിരുന്നു. എന്നാൽ എനിക്ക് ആരെയും അധികം പരിചയമില്ല ഇവിടെ. ഇനി ഇങ്ങനെ ഒരു വേദിയിലേക്ക് ക്ഷണിച്ചത്, ഞാൻ ഏറെ ബഹുമാനിക്കുന്ന ഉമ്മൻ ചാണ്ടി സാറിന്റെ മകൾ മരിയ ഉമ്മൻ ആണ്. ഞങ്ങൾ തമ്മിൽ അത്ര പരിചയം ഒന്നും ഉണ്ടായില്ല. ഇങ്ങനെ ചാനൽസിൽ ഒക്കെ കണ്ടിട്ടേ ഉള്ളൂ. അല്ലാതെ സംസാരിച്ചിട്ടൊന്നുമില്ല. പക്ഷേ ഞാൻ എന്തുകൊണ്ടാണ് മാഡത്തിന്റെ ഫോൺ എടുത്തത് എന്ന് വച്ചാൽ അവിടെ ഉമ്മൻ ചാണ്ടി എന്നൊരു പേര് ഉണ്ട്. അദ്ദേഹം നമ്മുടെ എല്ലാം മുൻപിൽ ഉണ്ടാക്കി വച്ച ഒരു നന്മ, മഹത്വം ഒക്കെയുണ്ട്. അതോടെ ഞാൻ ഓട്ടോമാറ്റിക്കലായി അതിലേക്ക് വന്നു.

ALSO READ: ആദ്യം ദേഷ്യം തോന്നി പിന്നാലെ അത് പ്രണയമായി! പത്താം ക്ലാസിൽ പഠിക്കുമ്പോൾ മനസ്സിൽ പതിഞ്ഞ ശബ്ദം; അനിലിന്റെ ഓർമ്മയിൽ മായ
ആ ഒരു കാരണം കൊണ്ടാണ് ഞാൻ മരിയയുടെ ഫോൺ അറ്റൻഡ് ചെയ്യുന്നതും ഇവിടെ വരാം എന്ന് ഏൽക്കുന്നതും. അത് തന്നെയാണ് പ്രധാന കാരണം. എനിക്ക് യുവജന പ്രസ്ഥാനത്തോടും പറയാൻ ഉള്ളത് ഉമ്മൻ ചാണ്ടി സാറിനെപോലെ നന്മയും മഹത്വവും സമൂഹത്തിനു കൊടുക്കാൻ കഴിയണം എന്നാണ്.
ALSO READ:ആദ്യത്തെ കാമുകൻറെ മരണം, ദാമ്പത്യ ജീവിതത്തിൽ അനുഭവിച്ചത്, അതിന് ശേഷം 9 വർഷത്തെ ലിവിങ് ടുഗെദർ റിലേഷൻഷിപ്; കേറ്റി പെറിയുടെ ജീവിതത്തിൽ സംഭവിച്ചത്

ഒരു സിനിമ നടി എന്ന ലേബലിൽ ആണ് ഞാൻ ഇവിടെ വന്നു നില്കുന്നത്. പക്ഷേ നടി,നിർമ്മാതാവ് എന്ന ലേബലിൽ ആയിട്ട് കുറച്ചുകാലമേ ആയിട്ടുള്ളൂ. ഒരുപാട് ജീവിത സാഹചര്യത്തിലൂടെ കടന്നുവന്ന ഒരു നഴ്‌സ് ആണ് ഞാൻ. അതായത് എനിക്ക് യുവ തലമറയോട് ഇത്രയുമേ പറയാൻ ഉള്ളൂ, നമ്മൾ ആദ്യം സ്‌നേഹിക്കേണ്ടതു നമ്മളെ തന്നെയാണ്. അപ്പൊ നിങ്ങൾക്ക് തോന്നിയേക്കാം മറ്റുള്ളവരിലേക്ക് സ്നേഹം കൊടുക്കണ്ടേ എന്ന്. ഉറപ്പായും നമ്മൾ നമ്മളെ സ്‌നേഹിക്കുമ്പോൾ ആണ് പേരന്റസിനെയും സമൂഹത്തിനേയും നമുക്ക് സ്നേഹിക്കാൻ കഴിയുന്നത്. സ്നേഹം സ്‌പ്രെഡ്‌ ചെയ്യുന്നത് നമ്മളിൽ നിന്നുമാണ്. അപ്പോൾ നമ്മൾ ശീലിക്കേണ്ടതും അത് തന്നെയാണ്; ഷീലു പറയുന്നു.