സ്വാർത്ഥനും, ക്ഷമയില്ലാത്തവനുമാണ് ഞാൻ, എന്നിട്ടും ദൈവം എന്നോട് കരുണ കാണിക്കുന്നു; ജസ്റ്റിൻ ബീബർ പറയുന്നു

Authored by: അശ്വിനി പി|Samayam Malayalam•31 Jul 2025, 3:48 pm

തൻറെ സ്വകാര്യ ജീവിതത്തിലെ ചില അസ്വരസ്യങ്ങൾ കാരണം ഇപ്പോൾ എന്നും വാർത്തകളിൽ നിറഞ്ഞു നിൽക്കുകയാണ് ഗായകൻ ജസ്റ്റിൻ ബീബർ . ഭാര്യ ഹെയ്ലി ബീബറുമായുള്ള വിവാഹ മോചന വാർത്തകൾ എല്ലാ നിറഞ്ഞു നിൽക്കുന്ന സാഹചര്യത്തിൽ ജസ്റ്റിൻ ബീബർ തൻറെ എക്സിൽ (മുൻപത്തെ ട്വിറ്റർ) പങ്കുവച്ച ഫോട്ടോകാണ് ഇപ്പോൾ സോഷ്യൽ മീിയയിൽ ചർച്ചയാവുന്നത്.

നിറയെ പച്ചപ്പുള്ള, പ്രകൃതി രമണീയമായ ഒരു സ്ഥലത്തേക്ക് ബീബർ ഇറങ്ങുന്ന ഫോട്ടോകൾക്കൊപ്പമാണ് പോസ്റ്റ്. പുറത്തേക്ക് പോകൂ, നല്ല ഒരു ദിവസം ഉണ്ടാവട്ടെ.. പ്രകൃതിയിലേക്കിറങ്ങൂ. ഇന്നത്തെ പകലും എന്നോട് ക്ഷമ കാണിച്ചതിന് നന്ദി ജീസസ്. ഞാൻ അങ്ങേയറ്റം സ്വാർത്ഥനായും, ക്ഷമയില്ലാത്തവനായും മാറുന്നു, എന്നിട്ടും ദൈവം എനിക്ക് നേരെ അവൻറെ കൈകൾ നീട്ടുന്നു- എന്നാണ് ഫോട്ടോകൾക്കൊപ്പം ജസ്റ്റിൻ ബീബർ എഴുതിയത്.

Also Read: എല്ലാ കൊടുങ്കാറ്റിനെയും നമ്മളൊരുമിച്ച് നേരിട്ടു എന്ന് പൃഥ്വിരാജ്, എന്നും ഞാൻ കൂടെയുണ്ടാവും എന്ന് സുപ്രിയ; പ്രിയതമയ്ക്ക് ജന്മദിനാശംസകൾ

ഒന്നിന് വേണ്ടിയും വിഷമിക്കരുത് എന്നൊക്കെ പറഞ്ഞ് നിരവധി ആരാധകർ പോസ്റ്റിന് താഴെ കമൻറുകളുമായി എത്തിയിട്ടുണ്ട്. സീപകാലത്ത് ജസ്റ്റൻ ബീബർ പങ്കുവയ്ക്കുന്ന പോസ്റ്റുകൾ എല്ലാം തൻരെ വിവാഹ മോചനവുമായി ബന്ധപ്പെട്ടതാണ്. ഏറ്റവും ഒടുവിൽ ഇറങ്ങിയ ആൽബവും വേർപിരിയലിനെ ആസ്വദമാക്കിയാണെന്നാണ് കമൻറകൾ വന്നത്

Also Read: തീരുമാനം ആരെയും ഭയന്നിട്ടല്ല! എനിക്ക് ആകെ കിട്ടിയത് പരാതികളും അപവാദങ്ങളും മാത്രം; ബാബുരാജ് പറയുന്നു

പേണ്ണേ, എന്തെങ്കിലും പറയുന്നതിന് മുൻപേ നിർത്തുന്നതാണ് നല്ലത്..
നമ്മൾ പരസ്പരം ക്ഷമ പരീക്ഷിക്കുകയായിരുന്നു
നമ്മൾ ഒരിടവേള എടുക്കുന്നതാണ് നല്ലത്
എളിമ എന്താണെന്ന് ഓർക്കാൻ
നീ എൻറെ വജ്രമായിരുന്നു
ഞാൻ നിനക്കൊരു മോതിരം നൽകി
നിനക്കൊരു വാക്ക് നൽകി
ഞാൻ മാറും എന്ന്
ഇത് മനുഷ്യ സഹജമായ ഒന്നാണ്
ഈ വളർച്ചയുടെ വേദനകൾ
ബേബി, ഞാൻ ഒഴിഞ്ഞുമാറില്ല


എന്നിങ്ങനെയാണ് ജസ്റ്റൻ ബീബറിൻറെ പുതിയ ആൽബത്തിൻറെ വരികൾ മുന്നോട്ടുപോകന്നത്. 2018 ൽ ആയിരുന്നു ജസ്റ്റി ബീബറിൻറെയും മോഡൽ ആയ ഹൈലിയുടെയും പ്രണയ വിവാഹം നടന്നത്. അന്ന് ജസ്റ്റിൻ ബീബർ ലോകം അറിയപ്പെടുന്ന ഗായകനായിരുന്നു. എന്നാൽ 2021 ൽ, ഗ്രാമി അവാർഡ് ലഭിച്ചതിന് ശേഷം ഗായകൻറെ ഒരു ആൽബവും പുറത്തിറങ്ങിയില്ല. ഹൈലിയുടെ കരിയറും ബിസിനസും എല്ലാ വളർന്നു. ഈ അന്തരമാണ് ഇരുവർക്കുമിടയിൽ അകൽച്ചയുണ്ടാക്കിയത് എന്നാണ് റിപ്പോർട്ടുകൾ വന്നത്.