12 ലെ രഹസ്യവിവാഹം; വീട്ടുകാർ എതിർത്തിട്ടും മുന്നിൽ നിന്നത് അനന്യ; മാതൃകാദമ്പതികളായി വർഷങ്ങൾ; അനന്യയുടെ മടങ്ങിവരവ്

Authored byഋതു നായർ | Samayam Malayalam | Updated: 26 Apr 2025, 8:18 am

സോഷ്യൽ മീഡിയക്ക് ഒരു കുഴപ്പം ഉണ്ട്. പ്രത്യേകിച്ചും താരങ്ങളുടെ കാര്യത്തിൽ. താര ദമ്പതികളുടെ സ്വകാര്യ ജീവിതം സോഷ്യൽ മീഡിയ എപ്പൊഴും തേടുന്ന ഒന്നാണ്. അതിപ്പോൾ നടൻ ആയാലും നടി ആയാലും പാപ്പരാസികൾക്ക് എല്ലാവരും ഒരുപോലെ ആണ്. അത്തരത്തിൽ സോഷ്യൽ മീഡിയ ഏറെക്കാലമായി സേർച്ച് ചെയ്യുന്ന ഒരു ജോഡിയുണ്ട്. നടി അനന്യയും ഭർത്താവ് ആഞ്ജനേയനും. പൊതുവെ മീഡിയാസിന് മുൻപിലേക്ക് എത്താത്ത ആളാണ് ആഞ്ജനേയൻ.

വിവാഹം കഴിഞ്ഞ അന്ന് മുതലേ ആള് അങ്ങനെ ആണ്. നാളിതുവരെ ഒരു പ്രൊഫൈൽ പോലും ഇൻസ്റ്റയിലോ എഫ്ബിയിലോ കണ്ടെത്താൻ പോലും കഴിഞ്ഞിട്ടില്ല. ഉള്ളതൊക്കെ നിർജീവവും. എന്നാൽ സോഷ്യൽ മീഡിയയിൽ ഏറെ ആക്റ്റീവ് ആണ് അനന്യ. നല്ലൊരു ഗായിക കൂടി ആയ അനന്യയുടെ പാട്ടുകൾക്ക് വരെ ആരാധകർ ഏറെയുണ്ട്. എന്നാൽ എവിടെയും ഭർത്താവിന്റെ ഒപ്പമുള്ള ഒരു ചിത്രം പോലും താരം പങ്കിടാറില്ല. അതുതന്നെയാണ് ഇവർ തമ്മിൽ പിണക്കത്തിൽ ആണോ എന്നുള്ള ചോദ്യങ്ങൾ പോലും ഉണ്ടാകാൻ കാരണം.

ഇവർക്ക് ഇടയിൽ എന്ത് സംഭവിച്ചു എന്ന് സോഷ്യൽ മീഡിയയിൽ തിരയുന്നവർ പോലും കുറവല്ല. എന്നാൽ തുടക്കം മുതൽക്കേ ഇരുവരും ചിത്രങ്ങളും വീഡിയോസും പങ്കിടാറില്ല എന്നത് തന്നെയാണ് സത്യം. മാത്രവുമല്ല അനന്യയുടെ അനുജന്റെ വിവാഹത്തിൽ എല്ലാം നോക്കി നടത്തിയത് ആഞ്ജനേയൻ ആയിരുന്നു. അനന്യ ഏറെ നാളുകൾക്ക് ശേഷം ഇന്ഡസ്ട്രിയിലേക്ക് വന്നപ്പോൾ പോലും അദ്ദേഹം ഒപ്പം തന്നെ ഉണ്ടായിരുന്നു. എങ്കിൽ പോലും ഇവരെ വിടാൻ ആരും റെഡിയല്ല.

ALSO READ: വിപിനെ കല്യാണം കഴിച്ചപ്പോൾ എല്ലാരും പരിഹസിച്ചു! പ്രായം ആയിരുന്നു എല്ലാര്ക്കും വിഷയം; എന്നാൽ തകർക്കാൻ കഴിയാത്ത ഒരു ശക്തി ഇവർക്കിടയിലുണ്ട്
വീട്ടുകാരുടെ എതിര്‍പ്പുകളെ അവഗണിച്ച് തിരുപ്പതിയില്‍ വച്ച് അതീവരഹസ്യമായിട്ടാണ് ആഞ്ജനേയനും അനന്യയും വിവാഹിതരായത്. 2012 കാലഘട്ടത്തിൽ ആയിരുന്നു വിവാഹം. ആഞ്ജനേയൻ നേരത്തെ വിവാഹിതൻ ആണെന്നും വീട്ടുകാർ ആ ബന്ധത്തെ എതിർത്തുവെന്നും വാർത്തകൾ ആ സമയത്ത് വന്നിരുന്നു. എന്നാൽ നിശ്ചയം നടക്കുന്ന സമയം തന്നെ തനിക്ക് എല്ലാം അറിയാമായിരുന്നു. പക്ഷെ താനത് വീട്ടിൽ പറഞ്ഞിരുന്നില്ല എന്നും അനന്യ പറഞ്ഞതോടെ ആ വിവാദം കെട്ടടങ്ങി.

ആഞ്ജനേയൻ തനിക്ക് ഒൻപതാമത്തെ പ്രണയം ആയിരുന്നുവെന്നാണ് ഒരിക്കൽ ഏഷ്യാനെറ്റ് ന്യൂസിനോട് സംസാരിക്കവെ അനന്യ പറഞ്ഞത്. എന്റെ ഒൻപതാമത്തെ പ്രണയം ആണ് ഏട്ടൻ. വിവാഹനിശ്ചയം വന്ന സമയം തൊട്ട് കേട്ട ഒരു സംഭവം ആയിരുന്നു, ഞാൻ പുള്ളിയെ കണ്ടല്ല പുള്ളിയുടെ പണത്തിൽ ആണ് വീണത് എന്ന്. എന്റെ വീട്ടിലും അത്യാവശ്യം സൗകര്യങ്ങളോടെയാണ് വളർന്നത് എന്നും ആരോപണങ്ങളോട് അന്ന് അനന്യ പ്രതികരിച്ചു.