125 കോടിയുടെ പുതിയ അപ്പാർട്ട്മെന്റ്; ബിടിഎസ് താരം വി സ്വന്തമാക്കിയ പുതിയ വീടിന്റെ വില കേട്ട് ഞെട്ടി ആരാധകർ

Authored by: അശ്വിനി പി|Samayam Malayalam•25 Sept 2025, 3:34 pm

ബിടിഎസ് താരങ്ങളെ സംബന്ധിച്ച എല്ലാ വാർത്തകളും ആരാധകരെ സംബന്ധിച്ച് വളരെ അധികം ക്യൂരിയോസിറ്റിയുള്ളതാണ്. സൈനിക സേവനം പൂർത്തിയാക്കി തിരിച്ചെത്തിയ ബിടിഎസ് താരങ്ങൾ ആദ്യമായി ചെയ്യുന്ന ആൽബത്തിന് വേണ്ടിയാണ് ഇപ്പോൾ ലോകമെമ്പാടുമുള്ള ആരാധകർ എന്ന ആർമി കാത്തിരിയ്ക്കുന്നത്. 2026 ൽ ആൽബം പുറത്തിറങ്ങും, ലോസ് ആഞ്ചൽസിൽ നിന്നും അതിനുള്ള വർക്കകൾ എല്ലാം ഏഴവർ സംഘം പൂർത്തിയാക്കിയതുമാണ്.

നിലവിൽ ബിടിഎസ് താരങ്ങൾ സോളോ പെർഫോമൻസുകളുടെയും ഫാഷൻ ഷോകളുടെയും, അവാർഡ് ദാന ചടങ്ങുകളുടെയും അങ്ങനെ പല പരിപാടികളുടെയും തിരക്കിലാണ്. അതിനിടയിൽ വി യുടെ പുതിയ വിശേഷമാണ് ആരാധകരെ അമ്പരപ്പിക്കുന്നത്. 29 കാരനായ കിം തെയൂങ് എന്ന വി ഒരു പുതിയ താമസസ്ഥലം സ്വന്തമാക്കിയിരിക്കുന്നു. അതിന്റെ വില വിവരങ്ങളാണ് ആരാധകരെ ഞെട്ടിച്ചത്.

Also Read: കുറേ ആയി നിങ്ങൾ എന്നോട് ചോദിക്കുന്ന കാര്യത്തിന് ഉത്തരം! എന്റെ സ്വന്തം ഇഷ്ടത്തിന് എടുത്ത തീരുമാനം

നിലവിൽ സിയോളിലെ പ്രശസ്തമായ ഗംഗ്നമിന് സമീപം ഒരു മനോഹരമായ പെന്റ്ഹൗസ് ഉണ്ട്, ഇതു കൂടാതെയാണ് ഗംഗ്നം-ഗുവിലെ ചിയോങ്‌ഡാം-ഡോങ്ങിൽ പുതിയ അപ്പാർട്മെന്റ് സ്വന്തമാക്കിയിരിക്കുന്നത്. ഈ വീടിനായി ഗായകൻ 14.2 ബില്യൺ കൊറിയൻ വുൺ ആണ് ആണ് നൽകിയിരിക്കുന്നത്. ഇന്ത്യൻ റുപീയിലേക്ക് അത് മാറ്റുമ്പോൾ 125 കോടി രൂപയ്ക്ക് മുകളിൽ വരും.

Also Read: ചക്കരക്കുട്ടനായ ലാലേട്ടൻ, ആ ചിരിയാണ് എല്ലാവരെയും കീഴടക്കുന്നത്; മോഹൻലാലിനെ കുറിച്ച് കീർത്തി സുരേഷ് പറഞ്ഞത്


273.96 ചതുരശ്ര മീറ്റർ വിസ്തീർണ്ണമുള്ള പുതിയ അപ്പാർട്ട്മെന്റിൽ 5 കിടപ്പുമുറികളും 3 കുളിമുറികളുമാണുള്ളത്. കൂടാതെ ഡ്യൂപ്ലെക്സ് സെറ്റിങ് ആണ്. ഒരു ലോണിലോ, വായ്പയിലോ അല്ല വീട് സ്വന്തമാക്കിയത്, മുഴുവൻ പണവും നൽകി തന്നെയാണ് സ്വന്തമാക്കിയത് എന്ന റിപ്പോർട്ടുകളുണ്ട്. ഇക്കഴി‍ഞ്ഞ മെയ് മാസത്തിലാണ് കരാർ ഒപ്പുവച്ചത്, ഈ മാസം 17 ഓടുകൂടെ വീടിന്റെ മുഴുവൻ കാശ് കൊടുക്കുകയും വി യുടെ പേരിൽ രജിസ്റ്റർ ചെയ്യുകയും ചെയ്തു.