14 വയസ്സ് മുതല്‍ 42 വയസ്സ് വരെ കൂടെയുള്ളവന്‍! വിവാഹം കഴിഞ്ഞിട്ട് 16 വര്‍ഷങ്ങള്‍, അതിനിടയില്‍ ഒരു കുഞ്ഞു മലാഖ; അഭിരാമിയുടെ ജീവിതം

ഞങ്ങള്‍ സന്തുഷ്ടരാണ് എന്ന ചിത്രത്തിലൂടെ പ്രേക്ഷകര്‍ ഇഷ്ടപ്പെട്ടു തുടങ്ങിയ നടിയാണ് അഭിരാമി . വളരെ ചെറിയ പ്രായത്തില്‍ തന്നെ നായികയായി അരങ്ങേറിയ താരം ചുരുങ്ങിയ സമയം കൊണ്ടു തന്നെ തമിഴിലും മലയാളത്തിലുമെല്ലം തന്റേതായ ഇടം കണ്ടെത്തി. വിവാഹത്തിന് ശേഷം കരിയറില്‍ നിന്ന് ചെറിയ ബ്രേക്ക് എടുത്ത് മാറി നിന്നിരുന്ന അഭിരാമി, ഇപ്പോള്‍ പഴയതിലും സജീവമായി ആക്ടീവായിരിക്കുകയാണ്. ഇന്ന് നടിയുടെ പതിനാറാം വിവാഹ വാര്‍ഷികമാണ്.

വിവാഹ വാര്‍ഷത്തോടനുബന്ധിച്ച് ഭര്‍ത്താവിനൊപ്പമിള്ള ഏതാനും മനോഹര നിമിഷങ്ങള്‍ അഭിരാമി ഇന്‍സ്റ്റഗ്രാമില്‍ പങ്കുവച്ചു. അതിനൊപ്പം തന്റെ പ്രണയം എത്രത്തോളം വലുതാണ് എന്ന് എടുത്തു പറയുന്ന ഒരു ക്യാപ്ഷനും. പതിനാലാം വയസ്സില്‍ തുടങ്ങിയ ബന്ധമാണ് അഭിരാമിയ്ക്ക് രാഹുല്‍ പവനനോട്. ഇന്ന് 42 വയസ്സില്‍ എത്തി നില്‍ക്കുമ്പോഴും ആ പ്രണയത്തിന് ഒരു മാറ്റവും വന്നിട്ടില്ല എന്ന് നടിയുടെ പോസ്റ്റില്‍ വ്യക്തമാണ്.

Also Read: മീനയുടെയും മകളുടെയും എഡിറ്റഡ് ഫോട്ടോ വൈറലാവുന്നു; അത്രയും സ്വകാര്യമാക്കി വയ്ക്കുമ്പോള്‍ എങ്ങനെ ലീക്ക് ആവും?

എന്റെ പ്രണയത്തിന് വിവാഹ വാര്‍ഷിക ആശംസകള്‍. പതിനാലാം വയസ്സു മുതല്‍ ഇപ്പോള്‍ 42 വയസ്സു വരെ, എന്റെ സന്തോഷങ്ങളും, ദുഃഖങ്ങളും, ആവേശങ്ങളും, വിജയങ്ങളും, പരാജയങ്ങളും, ഭയങ്ങളും, പ്രതീക്ഷകളും എല്ലാം ഞാന്‍ പങ്കുവയ്ക്കുന്നത് നിന്നോട് മാത്രമാണ്. നിനക്ക് എന്നെ വളരെ കൃത്യമായി അറിയാം, എന്നും എന്റെ ഒപ്പം എനിക്ക് സാന്നിധ്യമായി നില്‍ക്കുന്നതിനും എന്റെ നങ്കൂരമാവുന്നതിനും ഉറ്റ സുഹൃത്തായി നിലനില്‍ക്കുന്നതിനും നന്ദി. നിനക്ക് സങ്കല്‍പ്പിക്കാന്‍ കഴിയാത്ത അത്രയും ഞാന്‍ നിന്നെ പ്രണയിക്കുന്നു- എന്നാണ് അഭിരാമി ഇന്‍സ്റ്റഗ്രാമില്‍ കുറിച്ചത്.

മലയാളത്തിലെ പ്രമുഖ എഴുത്തുകാരനായ പവനന്റെ കൊച്ചുമകനാണ് അഭിരാമിയുടെ ഭര്‍ത്താവ് രാഹുല്‍ പവനന്‍. ചെറുപ്പം മുതലേ ഇരുവരും സുഹൃത്തുക്കളായിരുന്നു. വൈകാതെ അത് പ്രണയത്തിലേക്ക് എത്തി. 2009 ല്‍ ആയിരുന്നു അഭിരാമിയുടെയും രാഹുലിന്റെയും വിവാഹം. വിവാഹത്തിന് ശേഷം അഭിരാമി അഭിനയത്തില്‍ നിന്നും ബ്രേക്കെടുത്ത് രാഹുലിനൊപ്പം വിദേശത്ത് സെറ്റില്‍ഡ് ആയി.


കല്യാണം കഴിച്ച് 14 വര്‍ഷം കഴിഞ്ഞിട്ടും ഒരു കുഞ്ഞില്ലാത്തത് വലിയ വേദനയായിരുന്നു. ഒടുവില്‍ ഇരുവരുടെയും ജീവിതത്തിലേക്ക് മാലാഖയെ പോലെ ഒരു കുഞ്ഞു വന്നു. ഒരു പെണ്‍കുഞ്ഞിനെ ദത്ത് എടുത്ത സന്തോഷ വാര്‍ത്ത സോഷ്യല്‍ മീഡിയയിലൂടെയാണ് അഭിരാമി അറിയിച്ചത്. പിന്നീട് മാതൃത്വം താന്‍ എത്രത്തോളം ആസ്വദിക്കുന്നു എന്നത് നടി ചില പോസ്റ്റുകളിലൂടെ പങ്കുവച്ചിട്ടുണ്ട്. മകളുടെ വരവിന് ശേഷം ജീവിതം തന്നെ മാറി എന്നാണ് അഭിരാമി പറഞ്ഞിട്ടുള്ളത്.