18 വയസ്സിന് ശേഷം എന്റെ ഒരു കാര്യത്തിലും അച്ഛനും അമ്മയും ഇടപെട്ടിട്ടില്ല, ‍എനിക്ക് എത്ര പണം കിട്ടുന്നു എന്ന് പോലും അവർക്കറിയില്ല; അനുപമ പറയുന്നു

Authored by: അശ്വിനി പി|Samayam Malayalam•23 Aug 2025, 11:09 am

പ്രേമം എന്ന സിനിമ യിൽ തുടങ്ങിയതാണ് അനുപമ പരമേശ്വരന്റെ സിനിമ ജീവിതം. അവിടെ നിന്ന് പിന്നെ തെലുങ്ക്, തമിഴ് തുടങ്ങിയ ഭാഷകളിലും തന്റേതായ ഇടം കണ്ടെത്തിയ നടി ഇപ്പോൾ പർദ്ദ എന്ന പാൻ ഇന്ത്യൻ ചിത്രത്തിന്റെ റിലീസിനായി തയ്യാറെടുക്കുകയാണ് നടി. ചിത്രഷനുമായി ബന്ധപ്പെട്ട് പേളി മാണി ഷോയിലും അനുപമ എത്തിയിരുന്നു. ഇതുവരെയുള്ള തന്റെ കരിയറിനെ കുറിച്ച് അഭിമുഖത്തിൽ അനുപമ സംസാരിച്ചു.

പതിനെട്ടാം വയസ്സിലാണ് പ്രേമം എന്ന സിനിമ ചെയ്യുന്നത്. സിനിമ എന്താണ് എന്നൊന്നും അറിയില്ല. നമ്മുടെ പോസ്റ്റർ ഒരു സിനിമ തിയേറ്ററിന് മുന്നിൽ കാണുക, നമ്മൾ അഭിനയിച്ച പാട്ട് വൈറലാവുക എന്നതൊക്കെ ഹാന്റിൽ ചെയ്യാനുള്ള ഒരു പക്വത അന്നത്തെ പതിനെട്ടുകാരിക്ക് ഉണ്ടായിരുന്നില്ല. ഒരു പൊതു വേദിയിൽ എങ്ങനെ സംസാരിക്കണം എന്ന് പോലും അറിയാത്ത പ്രായമായിരുന്നു അത്.

Also Read: മീര ജാസ്മിനെ കുറിച്ച് പലതും കേട്ടിട്ടുണ്ട്, അഡ്ജസ്റ്റ് ചെയ്യാൻ പാടാണെന്നും അറിഞ്ഞു; പക്ഷേ കേട്ടതൊന്നുമല്ല സത്യം എന്ന് മഞ്ജു പത്രോസ്

പക്ഷേ അതിന് ശേഷം, പതിനെട്ട് വയസ്സിന് ശേഷം എന്റെ കരിയറിൽ എന്റെ അച്ഛനും അമ്മയും ഇടപെട്ടിട്ടേയില്ല. എന്തൊക്കെ വന്നാലും അത് നിന്റെ തീരുമാനമാണ്, അതിനെ പിന്തുണയ്ക്കും. അതിൽ വിജയം സംഭവിച്ചാലുള്ള ക്രെഡിറ്റും, പരാജയപ്പെട്ടാലുള്ള നഷ്ടവും നിനക്കു മാത്രമാണ്, അത് നിന്റെ ഉത്തരവാദിത്വമാണ് എന്നാണ് അവർ എന്നോട് പറഞ്ഞിട്ടുള്ളത്.

Also Read: രേണു അത്രയും ക്ലോസ് ആയിട്ടും പോകുമ്പോൾ ഒരു വാക്കുപോലും പറഞ്ഞില്ല! അനുമോൾ, രേണു തർക്കം അവരുടെ ഗെയിമാകും; ലക്ഷ്മി നക്ഷത്ര

എന്റെ എല്ലാ ഉയർച്ച താഴ്ചകളിലും കൂടെ നിൽക്കുമെങ്കിലും ഒന്നിലും ചോദ്യം ചെയ്യുകയോ അഭിപ്രായം പറയുകയോ ചെയ്യാറില്ല. ഞാൻ ഏത് സിനിമ ചെയ്യുന്നു, ഞാൻ എത്ര പണം വാങ്ങുന്നു എന്നതൊന്നും എന്റെ അച്ഛനും അമ്മയ്ക്കും അറിയില്ല. പക്ഷേ അവർ എനിക്കൊപ്പം ഉണ്ട് എന്നതാണ് എന്റെ ധൈര്യം. ഈ സ്വാതന്ത്ര്യമാണ് എനിക്ക് തരുന്ന ഏറ്റവും വലിയ പിന്തുണ. എന്നെ പോലൊരാൾക്ക് അതാണ് ഏറ്റവും അത്യാവശ്യം. അച്ഛനും അമ്മയ്ക്കും അഭിമാനമുണ്ടാവുന്ന നിമിഷഷങ്ങൾ ഞാൻ അവർക്ക് നൽകിയിട്ടുണ്ട് എന്നാണ് എനിക്ക് തോന്നുന്നത്. പക്ഷേ കുറ്റബോധം തോന്നുന്നത്, അവർക്കൊപ്പം വേണ്ടുവോളം സമയം ചെലഴിക്കാൻ എനിക്ക് സാധിക്കുന്നില്ല എന്ന കാര്യത്തിലാണ്.


ഇന്ന് തിരിഞ്ഞു നോക്കുമ്പോൾ, എങ്ങനെയാണ് ചില സാഹചര്യങ്ങൾ ഞാൻ കടന്നുവന്നച് എന്ന് ചിന്തിക്കുമ്പോൾ എനിക്ക് അത്ഭുതവും അഭിമാനവും തോന്നു. എന്റെ ജീവിതത്തിൽ ഒരു വൻ ദുരന്തം സംഭവിച്ചിരുന്നു എന്നല്ല, ഓരോരുത്തർക്കും അവരവരുടെ ജീവിതത്തിലെ ചില കഷ്ടകാലങ്ങൾ ഉണ്ടാവുമല്ലോ. മാനസികമായും ശാരീരികമായും ഇനി വയ്യ എന്ന അവസ്ഥയിൽ ഞാനും എത്തിയ ചില സന്ദർഭങ്ങൾ ഉണ്ടായിരുന്നു. അതിനെയെല്ലാം അതിജീവിച്ച് ഞാൻ ഇവിടെ വരെ എത്തി എന്നത് എന്റെ വിജയം തന്നെയാണ്. ഞാൻ മാത്രമല്ല, നമ്മൾ ഓരോരുത്തരും അത്തരം പല സാഹചര്യങ്ങളെയും അതിജീവിച്ച് വന്നവരാണ്, ആ രീതിയിൽ നമ്മളെല്ലാം സക്സസ് ആണ്- അനുപമ പരമേശ്വരൻ പറഞ്ഞു