19 വർഷത്തെ ബന്ധം അവസാനിച്ചു! നിലനിർത്താൻ നിക്കോൾ കിഡ്മാൻ ശ്രമിച്ചുവെങ്കിലും പരാജയപ്പെട്ടു!

Authored by: അശ്വിനി പി|Samayam Malayalam•30 Sept 2025, 6:34 pm

ഹോളിവുഡിലെ പവർ കപ്പിൾസ് ആയ നിക്കോൾ കിഡ്മാനും കീത്ത് അർബനും പത്തൊൻപത് വർഷത്തെ അവരുടെ ബന്ധം അവസാനിപ്പിച്ചു എന്ന വാർത്തകൾ ആരാധകർക്കിപ്പോഴും വിശ്വസിക്കാൻ സാധിച്ചിട്ടില്ല. ഇരുവരും ഉഭയസമ്മതത്തോടെ എടുത്ത തീരുമാനമല്ല, വിവാഹ ബന്ധം നിലനിർത്താൻ നിക്കോൾ കിഡ്മാൻ ഒരുപാട് പരിശ്രമിച്ചിരുന്നുവത്രെ.

മാസങ്ങളായി ഇരുവരും വേർപിരിഞ്ഞ് താമസിക്കുകയായിരുന്നു. വിവാഹ ബന്ധം നിലനിർത്താൻ കിഡ്മാൻ ശ്രമിച്ചുവെങ്കിലും, കീത്ത് അർബൻ ഇനി സാധിക്കില്ല എന്ന നിലപാടിൽ ഉറച്ചു നിന്നു. നിക്കോൾ കിഡ്മാനും രണ്ട് പെൺമക്കൾക്കുമൊപ്പം താമസിച്ചിരുന്ന വീട്ടിൽ നിന്ന് കീത്ത് മാറി താമസിക്കുകയായിരുന്നു എന്നാണ് റിപ്പോർട്ടുകൾ.

Also Read: പാരീസ് ഫാഷൻ വീക്കിൽ ശ്രദ്ധ നേടി ബ്ലാക്ക്പിങ്കിന്റെ റോസ്: ഹെയിലി ബീർബറിനൊപ്പമുള്ള ചിത്രങ്ങൾ വൈറലാവുന്നു

കീത്ത് അർബൻ മാറി നിന്നപ്പോഴും മക്കൾക്ക് വേണ്ടി നിക്കോൾ കിഡ്മാൻ വിട്ടുവീഴ്ചകൾക്ക് തയ്യാറായി. അവർക്കൊപ്പം പ്രതിസന്ധി ഘട്ടത്തിൽ കിഡ്മാന്റെ സഹോദരിയുടെ പിന്തുണയും ഉണ്ടായിരുന്നു. പക്ഷേ അതുകൊണ്ടൊന്നും ഫലമുണ്ടായില്ല. ഇപ്പോഴും ഒദ്യോഗികമായി ബന്ധം വേർപിരിഞ്ഞില്ല എന്ന ആശ്വാസത്തിലാണ് ആരാധകർ.

Also Read: അർജുൻ സാരഥി സാക്ഷാൽ കൃഷ്ണൻ തന്നെ! ഗർഭാവസ്ഥയിൽ തന്നെ തിരിച്ചറിഞ്ഞു; മൂന്നാം വയസിൽ അത്ഭുതമായ ബാലൻ

2024 ൽ നൽകിയ ഒരു അഭിമുഖത്തിലും നിക്കോൾ കിഡ്മാൻ തന്റെ ഭർത്താവിനെ കുറിച്ച് വാചാലയായിരുന്നു. കീത്ത് അർബനെ ലഭിച്ച താൻ ഭാഗ്യവതിയാണ് എന്നും, അവന്റെ സ്നേഗം എന്ത് ചെയ്യാനും തനിക്ക് ധൈര്യം നൽകുന്നു എന്നുമൊക്കെയാണ് കീത്ത് പറഞ്ഞത്.


ടോം ക്രൂയിസുമായി വേർപിരിഞ്ഞതിന് ശേഷമാണ് നിക്കോൾ കിഡ്മാന്റെ ജീവിതത്തിലേക്ക് കീത്ത് അർബൻ എത്തിയത്. വളരെ സ്വകാര്യമായിരുന്നു ഇരുവരുടെയും റിലേഷൻഷിപ്. 2005 ൽ ആണ് ആദ്യമായി ഇരുവരും പരസ്പരം കണ്ടുമുട്ടിയത്. 2006 ൽ വിവാഹ നിശ്ചയം പ്രഖ്യാപിച്ചു, മാസങ്ങൾക്കകം തന്നെ വിവാഹവും കഴിഞ്ഞു. പക്ഷേ അടുത്ത ബന്ധുക്കൾ മാത്രം പങ്കെടുത്ത തീർത്തും സ്വകാര്യമായ ചടങ്ങായിരുന്നു അത്. രണ്ട് മക്കളും ആ ബന്ധത്തിൽ പിറന്നു. മാതൃകാ ദമ്പതികൾ എന്നാണ് നിക്കോൾ കിഡ്മാനും കീത്ത് അർബനും അറിയപ്പെട്ടിരുന്നത്. എന്നാൽ അത് ഇപ്പോൾ തകർന്നിരിയ്ക്കുന്നു.