23 വര്‍ഷം, 89 സിനിമകള്‍! ഇനി ഭാവന പഴയത് പോലെയായിരിക്കില്ല; ആശംസകള്‍ നേര്‍ന്ന് സൂര്യയും ജ്യോതികയും മഞ്ജുവും

കരിയറിലും വ്യക്തി ജീവിതത്തിലും ഏറ്റവും വലിയതകര്‍ച്ചയും അതിജീവിച്ച് മുന്നോട്ടു വന്നവളാണ് ഭാവന . ഇന്നു നടിയുടെ പേരില്‍ പല കേസുകളും വിവാദങ്ങളും നടന്നുകൊണ്ടേയിരിക്കുമ്പോഴും, അടിപതറാത്ത മനസ്സോടെ, സധൈര്യം ഭാവന മുന്നോട്ടു തന്നെ കുതിക്കുകയാണ്. നടിയുടെ ഏറ്റവും പുതിയ ചിത്രത്തിന്റെ ടീസര്‍ എത്തി. ഇത് ഭാവനയെ റി ഇന്‍ട്രഡ്യൂസ് ചെയ്യിപ്പിക്കുന്ന ചിത്രമാണെന്നാണ് അനോമി എത്തുന്നത്.

റിയാസ് മാരത്ത് എഴുതി സംവിധാനം ചെയ്യുന്ന ചിത്രത്തില്‍ ഷെബിന്‍ ബെന്‍സണ്‍, ദൃശ്യരഘുനാഥ്, റഹ്‌മാന്‍ തുടങ്ങിയവരാണ് മറ്റ് പ്രധാന കഥാപാത്രങ്ങളായി എത്തുന്നത്. ഒരു സൈന്റിഫിക് ത്രില്ലര്‍ മിസ്റ്ററി ചിത്രമാണ് അനോമി - ദ ഇക്വേഷന്‍ ഓഫ് ഡെത്ത്. ചിത്രം ജനുവരി 30 ന് തിയേറ്ററഉകളിലെത്തുകയാണ്.

Also Read: അമ്മയെ ഉപേക്ഷിച്ചതിൽ ആദ്യം വെറുപ്പായിരുന്നു, പിന്നീട് ഞാന്‍ അച്ഛനോട് ക്ഷമിച്ചു; കുടുംബം എനിക്ക് വളരെ വലുതാണെന്ന് വരലക്ഷ്മി

സെറ ഫിലിപ് എന്ന ഭാവനയുടെ കഥാപാത്രത്തെ ഇന്‍ട്രൊഡ്യൂസ് ചെയ്തുകൊണ്ടുള്ളതാണ് പുതിയ ടീസര്‍. അവളുടെ ധൈര്യ ഒരിക്കലും വളയുന്നില്ല, അവളുടെ ആവേശം ഒരിക്കലും തകരുന്നില്ല, അവള്‍ പോരാടുന്നു, അവള്‍ക്കൊപ്പം നമ്മളും- എന്ന് പറഞ്ഞുകൊണ്ടാണ് ടീസര്‍ വരുന്നത്. 23 വര്‍ഷത്തെ ഭാവനയുടെ അഭിനയ ജീവിതത്തിലെ 89 സിനിമകളും പിന്നിട്ട യാത്ര അവസാനിച്ചു. ഇത് ഭാവനയുടെ 90 ആമത്തെ സിനിമയാണ്, അതിലൂടെ അവള്‍ പോരാടുന്നു. ഇത് ഭാവനയുടെ പുതിയ വേര്‍ഷന്‍ എന്ന നിലയിലാണ് ടീസര്‍ എത്തുന്നത്.

പുതിയ ഭാവത്തിലും രൂപത്തിലും ഭാവന എത്തുമ്പോള്‍ ആശംസകള്‍ നേര്‍ന്ന് സിനിമ സഹപ്രവര്‍ത്തകരും എത്തുന്നു. ഏറ്റവും ആദം ടീസര്‍ പങ്കുവച്ച് എത്തിയത് നടന്‍ സൂര്യ യും നടി ജ്യോതികയുമാണ്. ഭാവനയ്ക്ക് എല്ലാ ആശംസകളും നേരുന്നു. പുതിയൊരു തുടക്കവും വിജയവും സന്തോഷവും ആശംസിക്കുന്നു എന്ന് പറഞ്ഞുകൊണ്ടാണ് സൂര്യ ടീസര്‍ ഷെയര്‍ ചെയ്തത്.

കാലം രൂപപ്പെടുത്തിയെടുത്ത തിരിച്ചുവരവ്, 2026 ജനുവരി 30 ന്- എന്നാണ് ടീസര്‍ പങ്കുവച്ച് ജ്യോതിക പറഞ്ഞത്. ഗുഡ് ലക്ക് ഡിയര്‍ എന്ന് പറഞ്ഞാണ് മഞ്ജു വാര്യര്‍ ടീസര്‍ പങ്കുവച്ചിരിയ്ക്കുന്നത്. കൂടുതല്‍ താരങ്ങള്‍ ഭാവനയ്ക്ക് ആശംസയും പിന്തുണയും നേര്‍ന്ന് എത്തുന്നുണ്ട്.