23 വർഷത്തെ ദാമ്പത്യം! ദിലീപിന്റെയും കുഞ്ചാക്കോ ബോബന്റെയുമൊക്കെ ഹിറ്റ് നായിക ഇന്ന് മൂന്ന് മക്കളുടെ അമ്മ, ഹാപ്പി ലൈഫ്

Authored by: അശ്വിനി പി|Samayam Malayalam•15 Jul 2025, 9:47 pm

പ്രീത വിജയകുമാർ എന്നാൽ മലയാളികൾക്ക് പരിചയം ദിലീപിന്റെ നായിക, അല്ലെങ്കിൽ കുഞ്ചാക്കോ ബോബന്റെ നായിക എന്നിങ്ങനെയായിരിക്കും. എന്നാൽ തമിഴിൽ പ്രീത യ്ക്ക് വിശേഷണങ്ങൾ ഒരുപാടാണ്. നടൻ വിജയകുമാറിന്റെയും അന്തരിച്ച ആദ്യകാല നടി മഞ്ജുളയുടെയും മകൾ, നടിമാരായ ശ്രീദേവി വിജയകുമാറിന്റെയും വനിത വിജയകുമാറിന്റെയും, നടൻ അരുൺ വിജയകുമാറിന്റെയും സഹോദരിയായ പ്രീത ഇന്ന് അറിയപ്പെടുന്നത് തമിഴിലെ ഹിറ്റ്മേക്കർ എന്ന വിശേഷണമുള്ള സംവിധായരൻ ഹരിയുടെ ഭാര്യ എന്ന നിലയിലാണ്.

വിവാഹത്തോടെ അഭിനയത്തിൽ നിന്നും പൂർണമായും മാറി നിൽക്കുകയാണെങ്കിലും സോഷ്യൽ മീഡിയയിലൂടെയും ടിവി റിയാലിറ്റി ഷോകളിൽ വിധികർത്താവായി എത്തിയും ഇപ്പോഴും സജീവമാണ്. തന്റെ ഇരുപത്തിമൂന്നാം വിവാഹ വാർഷികത്തിന് നടി സോഷ്യൽ മീഡിയയിൽ പങ്കുവച്ച ഫോട്ടോ ആണ് ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത്. ഭർത്താവ് ഹരിയ്ക്കൊപ്പമുള്ള മനോഹരമായ ചിത്രങ്ങൾക്കൊപ്പമാണ് പോസ്റ്റ്.

Also Read: ഉറപ്പിച്ചു, ഉറപ്പിച്ചു, ഇത് അത് തന്നെ; ജങ്കൂക്കും വിന്ററും തമ്മിൽ പ്രണയത്തിലാണെന്നുറപ്പിക്കാൻ ഇതാ ഒരു കാര്യം കൂടെ

ഒരു കണക്കുകൂട്ടലുകളും ഇല്ലാതെ ജീവിതം ആരംഭിച്ചവരാണ് ഞങ്ങളെന്ന് നേരത്തെ ഒരു അഭിമുഖത്തിൽ പ്രീത പറഞ്ഞിട്ടുള്ളത്. പക്ഷേ ജീവിതത്തിൽ തിരിഞ്ഞു നോക്കേണ്ട ഒരവസ്ഥ പിന്നീട് വന്നിട്ടില്ല. അന്നും ഇന്നും ഹരിസർ അത് പോലെ തന്നെയാണ്. ഒരു മാറ്റവും അദ്ദേഹത്തിനില്ല. അതേ സ്നേഹവും പരിഗണനയും എനിക്ക് ഇന്നും കിട്ടുന്നുണ്ട്. ഡാഡി എന്നാണ് അദ്ദേഹത്തെ ഞാൻ വിളിക്കുന്നത് എന്നും പ്രീത പറഞ്ഞിരുന്നു.

ബാലതാരമായി അഭിനയ ലോകത്തേക്ക് വന്ന പ്രീത. 14- 15 വയസ്സുള്ളപ്പോഴാണ് സൂര്യയുടെ നായികയായി ആദ്യമായി അഭിനയിച്ചത്. ഉദയപുരം സുൽത്താൻ എന്ന ചിത്രത്തിൽ ദിലീപിന്റെ നായികയായി മലയാളത്തിലെത്തി. ദുബായി, റെഡ് ഇന്ത്യൻസ് എന്നിങ്ങനെയുള്ള മലയാള സിനിമകളിലും പ്രീത സാന്നിധ്യം അറിയിച്ചിട്ടുണ്ട്. തമിഴ്, തെലുങ്ക് സിനിമാ ലോകത്ത് സജീവമായിരുന്ന പ്രീത കുഞ്ചാക്കോ ബോബന്റെ നായികയായി സ്നേഹിതൻ എന്ന ചിത്രത്തിൽ അഭിനയിച്ചതിന് ശേഷമാണ് വിവാഹിതയായത്. 2002 ൽ വിവാഹതിയായതിന് ശേഷം പിന്നീട് അഭിനയ ലോകത്തേക്ക് നടി തിരിച്ചുവന്നിട്ടില്ല. ഇന്ന് മൂന്ന് ആൺകുട്ടികളുടെ അമ്മയാണ് പ്രീത.