31 വയസ്സിന്റെ വ്യത്യാസം! രശ്മികയ്ക്കും പ്രശ്‌നമില്ല നടിയുടെ അച്ഛനും പ്രശ്‌നമില്ല, പിന്നെ നിങ്ങള്‍ക്കെന്താണ് പ്രശ്‌നം എന്ന് സല്‍മാന്‍ ഖാന്‍, വിമര്‍ശനങ്ങള്‍ക്ക് മറുപടി

Authored byഅശ്വിനി പി | Samayam Malayalam | Updated: 24 Mar 2025, 11:05 am

Samayam Malayalamസൽമാൻ ഖാൻ

ബോളിവുഡ് സിനിമാ ലോകത്ത് ക്രോണിക് ബാച്ചിലറായി തുടരുകയാണ് സല്‍മാന്‍ ഖാന്‍. ഒരു കാലം വരെ സല്‍മാന്‍ ഖാനൊപ്പം ഏതൊരു നടി അഭിനയിച്ചാലും ഗോസിപ്പുകള്‍ സ്വാഭാവികമായിരുന്നു. പല നടിമാര്‍ക്കുമൊപ്പം പ്രണയ ഗോസിപ്പുകളും വന്നു. 59 വയസ്സുകരനായ സല്‍മാന്‍ ഖാന്‍ എപ്പോള്‍ വിവാഹിതനാവും എന്ന ചോദ്യം ചോദിച്ചു ചോദിച്ചു മടുത്ത ആരാധകര്‍ ആ ചോദ്യം അവസാനിപ്പിച്ചു. ഇപ്പോള്‍ തന്റെ ഈദ് റിലീസ് ആയ സിക്കന്ദറിന്റെ പ്രമോഷന്‍ തിരക്കിലാണ് സല്‍മാന്‍ ഖാന്‍.

തെലുങ്ക് സിനിമാ ലോകത്ത് കാലുറപ്പിച്ച നടി രശ്മിക മന്ദാന ഇപ്പോള്‍ തന്റെ ചുവടുകള്‍ ബോളിവുഡിലേക്ക് മാറ്റിയിരിക്കുകയാണ്. ആനിമല്‍, ചവ്വ എന്നീ സിനിമകള്‍ക്ക് ശേഷം തന്റെ അടുത്ത ഹിന്ദി സിനിമയുടെ റിലീസിങ് തിരക്കിലാണ് രശ്മിക. സിക്കന്ദറില്‍ സല്‍മാന്‍ ഖാന്റെ നായികയായി എത്തുന്നത് 28 വയസ്സുകാരിയായ രശ്മിക മന്ദാനയാണ്. കഴിഞ്ഞ ദിവസമാണ് ചിത്രത്തിന്റെ ട്രെയിലര്‍ ലോഞ്ച് ഈവന്റ് നടന്നത്.

Also Read: വിജയിയുമായുള്ള ബന്ധം അവസാനിച്ചോ എന്ന ചോദ്യത്തിനിടയില്‍ സ്വകാര്യതയെ കുറിച്ച് തമന്ന; 20 വര്‍ഷങ്ങള്‍, തിരിഞ്ഞു നോക്കുമ്പോള്‍ കുറ്റബോധമില്ല

തന്നെക്കാള്‍ 31 വയസ്സ് പ്രായ വ്യത്യാസമുള്ള യുവ നടിയുടെ നായകനായി സല്‍മാന്‍ എത്തുന്നു എന്നത് പല തരത്തിലുള്ള വിമര്‍ശനങ്ങള്‍ക്കും വഴിയൊരുക്കിയിരുന്നു. ഈ ചോദ്യത്തിന് ട്രെയിലര്‍ ലോഞ്ച് ഈവന്റിന് സല്‍മാന്‍ ഖാന്‍ നല്‍കിയ മറുപടിയാണ് ആരാധകര്‍ ഏറ്റെടുത്തിയിരിയ്ക്കുന്നത്. 'അവര്‍ പറയുന്നു എനിക്കും നായികയ്ക്കും തമ്മില്‍ 31 വയസ്സിന്റെ പ്രായ വ്യത്യാസം ഉണ്ട് എന്ന്. അതില്‍ നായികയ്ക്ക് യാതൊരു പ്രശ്‌നവും ഇല്ല, നായികയുടെ അച്ഛനും യാതൊരു പ്രശ്‌നവുമില്ല, പിന്നെ ഈ ചോദ്യം ചെയ്യുന്നവര്‍ക്ക് എന്താണ് പ്രശ്‌നം' എന്നായിരുന്നു സല്‍മാന്റെ തഗ്ഗ്. അത് കേട്ടതും സദസ്സില്‍ ആര്‍പ്പുവിളിയായിരുന്നു

അവിടെയും സല്‍മാന്‍ ഖാന്‍ അവസാനിപ്പിച്ചില്ല, തുടര്‍ന്ന് പറഞ്ഞു, 'രശ്മിക മന്ദാന വിവാഹം കഴിഞ്ഞ്, അവര്‍ക്കൊരു മകള്‍ ജനിച്ചാല്‍, അവള്‍ അമ്മയെ പോലെ ഒരു മികച്ച നടിയായി വളര്‍ന്നാല്‍ ആ മകള്‍ക്കൊപ്പവും ഞാന്‍ നായകനായി അഭിനയിക്കും, അപ്പോഴും അമ്മ രശ്മികയുടെ അനുവാദം കിട്ടി എന്ന് ഉറപ്പുവരുത്തും' എന്ന്.


രശ്മികയുടെ ഹാര്‍ഡ് വക്കിനെ കുറിച്ചും സല്‍മാന്‍ ഖാന്‍ വാചാലനാവുന്നുണ്ട്. 'തന്റെ ഏറ്റവും മികച്ചത് നല്‍കാന്‍ രശ്മിക ശ്രമിച്ചിട്ടുണ്ട്. പുഷ്പ 2 വിന്റെ ഷൂട്ടിങ് രണ്ട് മണി മുതല്‍ രാത്രി 7 മണിവരെ നീണ്ടു നിന്നാലും, അത് കഴിഞ്ഞ് അവര്‍ ഞങ്ങളുടെ സെറ്റില്‍ എത്തും. രാത്രി 9 മണി മുതല്‍ രാവിലെ 6 മണി വരെ സിക്കന്ദറിന്റെ ഷൂട്ടിങ് പോകും. അതിന് ശേഷം വീണ്ടും പുഷ്പയുടെ സെറ്റിലേക്ക്. കാലിന് പരിക്ക് സംഭവിച്ചപ്പോള്‍ പോലും രശ്മിക ഷൂട്ടിങില്‍ നിന്ന് വിട്ടു നിന്നിരുന്നില്ല. അത്രയും ഡെഡിക്കേഷനുള്ള നടിയാണ് രശ്മിക'എന്നാണ് സല്‍മാന്‍ ഖാന്‍ തന്റെ നായികയെ കുറിച്ച് പറഞ്ഞത്.