3279 ദിവസങ്ങൾക്ക് ശേഷം ഐപിഎല്ലിൽ വീണ്ടും ആ നാഴിക കല്ല് പിന്നിട്ട് രോഹിത് ശർമ; ഇനി അങ്ങോട്ട് ഹിറ്റ്മാൻ ഷോ

Edited byഅനുഷ ഗംഗാധരൻ | Samayam Malayalam | Updated: 24 Apr 2025, 11:10 am

മുംബൈ: ഇന്ത്യൻ പ്രീമിയർ ലീഗ് പതിനെട്ടാം സീസൺ തുടക്കത്തിൽ മുംബൈ ഇന്ത്യൻസിന്റെ തുടക്കം ദയനീയമായിരുന്നു. മുൻനിര ബാറ്റർമാരുടെ ഫോം ഔട്ട് മുംബൈ ഇന്ത്യൻസിന്റെ ഐപിഎൽ യാത്രയെ നന്നേ ബാധിച്ചിരുന്നു. അതിൽ തന്നെ രോഹിത് ശർമയുടെ പ്രകടനം ഏവരെയും നിരാശപ്പെടുത്തി. എന്നാൽ ചെന്നൈ സൂപ്പർകിങ്‌സുമായി നടന്ന മത്സരത്തിൽ രോഹിത് ശർമ ഗംഭീര തിരിച്ചുവരവ് നടത്തി. ആ മത്സരത്തിൽ അർദ്ധ സെഞ്ചുറിയും കടന്ന് 76 റൺസ് സ്വന്തമാക്കി
ചരിത്രം കുറിച്ച് ബുംറ; ആ സുപ്രധാന പട്ടികയിൽ ഇനി ബുംറയുടെ പേരുംകഴഞ്ഞ ദിവസം സൺറൈസേഴ്‌ ഹൈദരാബാദുമായുള്ള മത്സരത്തിലും രോഹിത് ശർമ തന്നെയായിരുന്നു മുംബൈയുടെ ടോപ് സ്കോറെർ. 70 റൺസാണ് താരം ഈ മത്സരത്തിൽ നിന്ന് നേടിയത്. ഇതോടെ ഐപിഎൽ കരിയറിലെ 9 വർഷ കാത്തിരിപ്പാണ് രോഹിത് അവസാനിപ്പിച്ചത്. കഴിഞ്ഞ രണ്ട് മത്സരങ്ങളിലും അർദ്ധ സെഞ്ചുറി നേടിയ താരം ഇതിന് മുൻപ് 2016 ലാണ് തുടർച്ചയായി ഐപിഎല്ലിൽ അർദ്ധ സെഞ്ചുറി നേടുന്നത്.
2008 ലാണ് ആദ്യമായി ഐപിഎല്ലിൽ തുടർച്ചയായി താരം അർദ്ധ സെഞ്ചുറി നേടുന്നത്. മാത്രവുമല്ല ഐപിഎൽ ചരിത്രത്തിൽ തന്നെ ആദ്യമായി ഈ നേട്ടം കൈവരിക്കുന്നതും രോഹിത് ശർമത്തെയാണ്. ശേഷം 2010, 2011, 2013 സീസണുകളിലെ മത്സരങ്ങളിലും താരം ഈ നേട്ടം സ്വന്തമാക്കി. ഏറ്റവും അവസാനം തുടർച്ചയായി അർദ്ധ സെഞ്ചുറി നേടുന്നത് 2016 ൽ ആണ്. മിന്നും ഫോമിലായിരുന്ന താരം അന്ന് 4 മത്സരങ്ങളിലാണ് തുടർച്ചയായി അർദ്ധ സെഞ്ചുറി സ്വന്തമാക്കിയത്. അതിന് ശേഷം ഈ നേട്ടം കൈവരിക്കുന്നത് ഈ സീസണിലാണ്. കൃത്യമായി പറഞ്ഞാൽ 2016 മെയ് 1 ന് പൂനെയ്‌ക്കെതിരായ മത്സരത്തിൽ തുടർച്ചയായി അർദ്ധ സെഞ്ചുറി നേടിയ ശേഷം 3279 ദിവസങ്ങൾക്ക് ശേഷമാണ് വീണ്ടും ഈ നാഴികകല്ല് സ്വന്തമാക്കുന്നത്.

ഐപിഎൽ 2025 ന്റെ തുടക്കത്തിൽ ഫോം ഔട്ട് വെല്ലുവിളി നേരിട്ട ഇന്ത്യൻ ഏകദിന ടീം നായകനെ വിമർശിച്ച് ഒരുപാടുപേർ രംഗത്തെത്തിയിരുന്നു. രോഹിത് ശർമയുടെ ബാറ്റിങ് പൊസിഷൻ മാറ്റണം എന്ന ആവശ്യവുമായി ഒരുപാടുപേർ രംഗത്തെത്തി. ഹർദിക് പാണ്ഡ്യയോട് പരസ്യമായി ആ കാര്യം ആവശ്യപ്പെട്ട് മുൻ ക്രിക്കറ്റ് താരങ്ങൾവരെ എത്തി.

എന്നാൽ മുംബൈ ഇന്ത്യൻസ് നായകൻ ഹർദിക് പാണ്ഡ്യയ്ക്ക് രോഹിത് ഹി ശർമയിൽ വിശ്വസിച്ചു. ആ വിശ്വാസം രോഹിത് തെറ്റിച്ചില്ല. ഐപിഎല്ലിൽ ഇനിയും താരം മിന്നി തിളങ്ങും എന്ന് തന്നെയാണ് ഈ തുടർച്ചയായ അർദ്ധ സെഞ്ചുറി നേട്ടം തെളിയിക്കുന്നത്.