മേക്കപ് ആര്ട്ടിസ്റ്റായ തന്റെ സുഹൃത്തിന്റെ ആഗ്രഹപ്രകാരമാണ് പത്താം വിവാഹ വാര്ഷികത്തിന് വീണ്ടും വധുവായി അണിഞ്ഞൊരുങ്ങി, ആ മനോഹരമായ ദിവസം വീണ്ടും റീക്രിയേറ്റ് ചെയ്യുന്നത് എന്ന് സരയു പറയുന്നു. അന്ന് എന്റെ വിവാഹം നടക്കുമ്പോള് ഞങ്ങള് അടുത്ത സുഹൃത്തുക്കള് ആയിരുന്നില്ല. സുഹൃത്ത് ആയതിന് ശേഷം എന്റെ വിവാഹത്തിന് എന്നെ ഒരുക്കാന് കഴിയാത്തതില് സുഹൃത്തിന് വിഷമം ഉണ്ടായിരുന്നു, അത് പരിഹരിക്കാന് വേണ്ടി കൂടെയാണ് ഈ ഗെറ്റപ് എന്നാണ് സരയു പറയുന്നത്.
വിവാഹ വേഷത്തില് വീണ്ടും അണിഞ്ഞൊരുങ്ങിയതിന് ശേഷം എടുത്ത ഫോട്ടോകളും വീഡിയോകളും സരയു തന്റെ സോഷ്യല് മീഡിയ പോസ്റ്റില് പങ്കുവച്ചിട്ടുണ്ട്. ഒന്നിച്ച് ജീവിച്ച ദിവസങ്ങള് ഹൈലൈറ്റ് ചെയ്തുകൊണ്ടുള്ള ക്യാപ്ഷനാണ് പോസ്റ്റിന് നല്കിയിരിക്കുന്നത്.
3650 ദിവസങ്ങള്! 2026 നവംബര് 12 ന് ഞാന് ഒറ്റയ്ക്കാണ് അന്നത്തെ എല്ലാ കാര്യങ്ങളും മാനേജ് ചെയ്തിരുന്നത്. പക്ഷേ ഇന്ന് എന്റെ ഏറ്റവും മികച്ച ടീം എല്ലാ ഉത്തരവാദിത്വങ്ങളും ഏറ്റെടുത്തു, പത്ത് വര്ഷത്തിന് ശേഷം വീണ്ടും വിവാഹ സാരി ഉടുത്ത് നിന്നതില് ഞാന് ഒരുപാട് ആസ്വദിച്ചു എന്നാണ് സരയു മോഹന് പറയുന്നത്. വിവാഹ വാര്ഷിക ആശംസകള് അറിയിച്ചുകൊണ്ട് ഒരുപാട് കമന്റുകളാണ് പോസ്റ്റിന് താഴെ വരുന്നത്.
അസോസിയേറ്റ് ഡയരക്ടറും അസിസ്റ്റന്റ് ഡയരക്ടറുമായ സനല് വി ദേവനാണ് സരയുവിന്റെ ഭര്ത്താവ്. ഇരുവരുടെയും പ്രണയ വിവാഹമായിരുന്നു. കരിയറില് തനിക്കേറ്റവും അധികം പിന്തുണ നല്കുന്നത് സനലാണ് എന്ന് സരയു പലപ്പോഴും പറഞ്ഞിട്ടുണ്ട്.




English (US) ·