4 സിനിമകൾ, നാലും വ്യത്യസ്തം; ജൂഡ് ആന്റണി ജോസഫ് വിസ്മയ മോഹന്‍ലാലിനെ സംവിധാനം ചെയ്യുമ്പോഴുള്ള പ്രേക്ഷക പ്രതീക്ഷ!

ഓം ശാന്തി ഓശാന എന്ന ചിത്രത്തിലൂടെയായിരുന്നു തുടക്കം. മിഥുന്‍ മാനുവല്‍ തോമസിന്റെ തിരക്കഥയില്‍ ജൂഡ് ആന്റണി സംവിധാനം ചെയ്ത ചിത്രം അതുവരെയുള്ള പ്രണയ കഥകളില്‍ നിന്നും വ്യത്യസ്തമായി, ആണിന് പുറകെ പോകുന്ന പെണ്ണിനെയാണ് കാണിച്ചത്. പെണ്‍കുട്ടികള്‍ ഇങ്ങനെ പിന്നാലെ നടന്ന് പ്രണയിക്കുമോ എന്ന ചോദ്യത്തിന്, അവരങ്ങനെ ചെയ്താലും അതൊരു രസമാണ് എന്ന് ഓം ശാന്തി ഓശാന പറഞ്ഞു വച്ചു. നസ്‌റിയ നസീമും നിവിന്‍ പോളിയും കേന്ദ്ര കഥാപാത്രങ്ങളായി എത്തിയ ചിത്രം വലിയ വിജയം നേടുകയും ചെയ്തു.

സാറാസ് ആണ് ജൂഡ് ആന്റണി ജോസഫ് സംവിധാനം ചെയ്ത മൂന്നാമത്തെ ചിത്രം. കൊവിഡ് പാന്റമിക്കിന് ശേഷം പുറത്തിറങ്ങിയ ചിത്രം ഓടിടി റിലീസ് ആയിരുന്നു. സ്വപ്‌നങ്ങള്‍ക്ക് പിന്നാലെ പോകുന്ന പെണ്‍കുട്ടികളില്‍ അമ്മയാവുന്നതിനെ കുറിച്ചുള്ള സമ്മര്‍ദ്ദം നിറക്കുന്നതുമായി ബന്ധപ്പെട്ട കഥയാണ് സാറാസില്‍ പറയുന്നത്. അസിസ്റ്റന്റ് ഡയരക്ടറാവണം എന്ന് ആഗ്രഹിക്കുന്ന 20 കാരിയായ സാറയ്ക്ക് അമ്മയാവാനും കുട്ടികളെ നോക്കാനും കഴിയില്ല. ആ തിരിച്ചറിവുള്ള പെണ്‍കുട്ടിയുടെ പെണ്‍പക്ഷത്ത് നിന്നുകൊണ്ടാണ് ജൂഡ് സാറാസ് എന്ന സിനിമ ഒരുക്കിയിരിക്കുന്നത്. അന്ന ബെന്നും സണ്ണി വെയിനും കേന്ദ്ര കഥാപാത്രങ്ങളായി എത്തിയ ചിത്രം മികച്ച വിജയം നേടി.

ജൂഡ് ആന്റണി ജോസഫിന്റെ കരിയറിലെ ദ ബെസ്റ്റ് എന്ന് അടയാളപ്പെടുത്തിയ ചിത്രമാണ് 2018. 2018 പ്രളയത്തെ ആസ്പദമാക്കി ഒരുക്കിയ ഒരു മള്‍ട്ടിസ്റ്റാര്‍ ബ്ലോക്ബസ്റ്റര്‍ ഹിറ്റ് ചിത്രമായികുന്നു ചിത്രം. അഖില്‍ പി ധര്‍മനൊപ്പം ജൂഡ് ആന്റണി ജോസഫും ചേര്‍ന്നാണ് ചിത്രത്തിന്റെ തിരക്കഥ പൂര്‍ത്തിയാക്കിയത്. പ്രളയത്തിന്റെ നേര്‍ക്കാഴ്ചകള്‍ അതേ ഇമോഷനോചെ ജനങ്ങളിലേക്ക് എത്തിക്കാന്‍ സംവിധായകന് സാധിച്ചു. അതിലൊരുപാട് റിസ്‌ക് എലമന്റ്‌സ് ഉണ്ടെങ്കിലും അതൊക്കെ ഒരു വെല്ലുവിളിയായി സ്വീകരിച്ചുകൊണ്ടാണ് ജൂഡ് ആന്റണി ജോസഫ് 2018 എന്ന ചിത്രമൊരുക്കിയത്. ഓസ്‌കറാലടക്കം നാമനിര്‍ദ്ദേശം ചെയ്യപ്പെട്ട ചിത്രത്തിന് നിരവധി പുരസ്‌കാരങ്ങളും അംഗീകാരങ്ങളും ലഭിച്ചിട്ടുണ്ട്.

ഓം ശാന്തി ഓശാനയ്ക്കും, ഒരു മുത്തശ്ശി ഗഥയ്ക്കും, സാറാസിനും, 2018 നും ശേഷം ജൂഡ് ആന്റണി ജോസഫ് തിരക്കഥ എവുതി സംവിധാനം ചെയ്യുന്ന ചിത്രമാണ് വിസ്മയ മോഹന്‍ലാല്‍ നായികയായി അരങ്ങേറുന്ന തുടക്കം. ജൂഡിനൊപ്പം അഖില്‍ കൃഷ്ണനും ലിനീഷ് നെല്ലിക്കലും തിരക്കഥയെഴുത്തിലുണ്ട്. 2018 ഒഴികെ മറ്റെല്ലാ ചിത്രങ്ങളിലും മികച്ച സ്ത്രീ കഥാപാത്രങ്ങള്‍ സൃഷ്ടിച്ച ജൂഡ് തീര്‍ച്ചയായും വിസ്മയ മോഹന്‍ലാലിന് വേണ്ടി എഴുതിയതും ശക്തമായ സ്ത്രീ കഥാപാത്രം തന്നെയായിരിക്കും എന്നുറപ്പാണ്. മികച്ചൊരു ടീമും ജൂഡിനൊപ്പമുണ്ട്. ആശിര്‍വാദിന്റെ പ്രൊഡക്ഷന്‍ എന്നതിനപ്പുറം, ജോമോന്‍ ടി ജോണാണ് ചിത്രത്തിന്റെ ഛായായാഗ്രഹകന്‍, ജേക്‌സ് ബിജോയ് യുടേതാണ് സംഗീതം. ടിജി രവിയും സായി കുമാറും അടക്കം മുതിര്‍ന്ന അഭിനേതാക്കളും ചിത്രത്തിലുണ്ട്. ഇതൊക്കെയാണ് സിനിമയിലുള്ള പ്രേക്ഷകരുടെ പ്രതീക്ഷയും