42 ആം വയസ്സിൽ തൃഷ കൃഷ്ണയ്ക്ക് വിവാഹം! ബിസിനസ്സുകാരനുമായുള്ള വിവാഹം വീട്ടുകാർ ഉറപ്പിച്ചു?

വിജയ് - തൃഷ ബന്ധം ഗോസിപ്പു കോളങ്ങളിൽ ചൂടുള്ള ചർച്ചയായി നിലനിൽക്കെ വീണ്ടും വിവാഹത്തെ സംബന്ധിച്ച വാർത്തകളാണ് ഇപ്പോൾ പുറത്തുവരുന്നത്. തൃഷയുടെ വിവാഹത്തിന് വീട്ടുകാർ സമ്മതം അറിയിച്ചു. ഉടനെ വിവാഹം ഉണ്ടാവും എന്ന സ്ഥിരീകരിക്കാത്ത റിപ്പോർട്ടുകൾ ഇപ്പോൾ തമിഴ് മാധ്യമങ്ങളിലൂടെ പുറത്തുവരുന്നു.

ചണ്ഡിഗഡിൽ നിന്നുള്ള ഒരു ബിസിനസുകാരനുമായി തൃഷ പ്രണയത്തിലായിരുന്നു. ഇരു വീട്ടുകാരും അത് അം​ഗീകരിച്ചതോടെയാണ് വിവാഹത്തിലേക്ക് കടക്കുന്നത്. അടുത്തിടെ തന്റെ ബിസിനസ് ആസ്ട്രേലിയയിൽ നിന്നും ഇന്ത്യയിലേക്ക് മാറ്റിയ ആളാണ് ഇദ്ദേഹം. തൃഷയുടെ കുടുംബവുമായി വർഷങ്ങളായി നല്ല സൗഹൃദ ബന്ധവുമുണ്ട് എന്നൊക്കെയാണ് റിപ്പോർട്ടുകൾ. പേരോ മറ്റ് വിവരങ്ങളോ പുറത്തുവിട്ടിട്ടില്ല. തൃഷയോ കുടുംബമോ ഇതുവരെയും വാർത്തകളോട് പ്രതികരിച്ചിട്ടുമില്ല

റാണ ദ​ഗ്​ഗുപതി, ചിമ്പു, പ്രഭാസ് തുടങ്ങിയവരോടൊപ്പമൊക്കെ തൃഷയുടെ പ്രണയ ​ഗോസിപ്പുകൾ വന്നിരുന്നു. സമീപകാലത്ത് ഏറ്റവും അധികം ശക്തമായത് വിജയുമായുള്ള ബന്ധമാണ്. കീർത്തി സുരേഷിന്റെ വിവാഹത്തിന് വിജയ്ക്കൊപ്പം പോയി എന്ന കാരണത്താൽ രാഷ്ട്രീയക്കാർക്കിടയിൽ പോലും അത് വലിയ വിവാദമായി.

2015 ൽ വരുൺ മണിയൻ എന്നയാളുമായി തൃഷ കൃഷ്ണയുടെ വിവാഹ നിശ്ചയം കഴിഞ്ഞിരുന്നു. എന്നാൽ അത് വിവാഹം വരെ എത്തിയില്ല. വിവാഹ ശേഷം അഭിനയിക്കാൻ വരുൺ മണിയൻ സമ്മതിക്കാത്തതിനാലാണ് വേർപിരിഞ്ഞത് എന്നായിരുന്നു റിപ്പോർട്ടുകൾ.