44 വർഷത്തെ ദാമ്പത്യം, പരസ്പരം ഒരു വഴക്കും ഇല്ലാതെ പോകുന്നതിന്റെ രഹസ്യം വെളിപ്പെടുത്തി സുജാത മോഹനും ഭർത്താവും

Authored by: അശ്വിനി പി|Samayam Malayalam•18 Sept 2025, 3:06 pm

സുജാത മോഹന്റെ പാട്ടുകൾ പോലെ മനോഹരമാണ് ഗായികയുടെ കുടുംബ ജീവിതവും. ഏഴാം വയസ്സ് മുതൽ അറിയാവുന്ന മോഹനുമായുള്ള, പതിനെട്ടാം വയസ്സിലെ വിവാഹത്തെ കുറിച്ചൊക്കെ പല അഭിമുഖങ്ങളിലും സുജാത മോഹൻ പറഞ്ഞിട്ടുണ്ട്. അഭിമുഖങ്ങളിലും സറ്റേജ് ഷോകളിലും എല്ലാം കാണുന്നത് പോലെ തന്നെ എപ്പോഴും ഈ ചിരിച്ച മുഖവും പ്രണയവും തന്നെയാണോ ഇരുവർക്കുമിടയിൽ?

സീ കേരളത്തിൽ സംപ്രേക്ഷണം ചെയ്യുന്ന സരിഗമപ എന്ന ഷോയിൽ, ഒരു ഓണം എപ്പിസോഡിൽ മോഹനും എത്തിയിരുന്നു. ആ ദാമ്പത്യ ജീവിതത്തിന്റെ രഹസ്യത്തെ കുറിച്ച് രഞ്ജിനി ഹരിദാസ് ചോദിച്ചപ്പോൾ ഇരുവരും അത് പങ്കുവച്ചു. സുജാത വീട്ടിൽ ഇങ്ങനെയല്ല, ഒരു നരസിംഹാവതാരം ആണെന്നായിരുന്നു മോഹന്റെ ആദ്യത്തെ പ്രതികരണം.

Also Read: ഒന്നര വർഷത്തെ ഷൂട്ട്, അജിത്തുമായി ഒരുപാട് അടുത്തു, പിരിയുന്ന ദിവസം അജിത്ത് പറഞ്ഞ വാക്കുകൾ എന്റെ ഹൃദയം തകർത്തു; മഹേശ്വരിയുടെ ആ വേദന

അതൊന്നുമല്ല, ഞങ്ങൾ തമ്മിൽ പരസ്പരം കാണാറേയില്ല. അതുകൊണ്ടാണ് ഫൈറ്റ് ഉണ്ടാവാത്തത്. കാലത്ത് തന്നെ ക്ലബ്ബ് അത് ഇത് എന്നൊക്കെ പറഞ്ഞ് മോഹൻ ഇറങ്ങും. മോഹൻ വരുമ്പോഴേക്കും ഞാൻ ഇറങ്ങും. അതാണ് ഞങ്ങളുടെ ജീവിത വിജയത്തിന്റെ രഹസ്യം എന്ന് സുജാത മോഹൻ പറയുന്നു. അതുകൊണ്ട് തമ്മിൽ തല്ലാനുള്ള ഒരു സാഹചര്യം കിട്ടിയില്ല എന്നാണ് മോഹൻ പറഞ്ഞത്.

വിവാഹത്തിന് ശേഷം സംഗീതത്തിലേക്ക് തിരിച്ചുവരാനുള്ള പ്രധാന കാരണം മോഹൻ തന്നെയാണ് എന്ന് സുജാത പറയുന്നു. നിന്റെ പാട്ട് കണ്ടിട്ടാണ് നിന്നെ കല്യാണം കഴിച്ചത്, അതുകൊണ്ട് പാട്ട് നിർത്താൻ പറ്റില്ല എന്ന് ക്ലിയറായിട്ട് പറഞ്ഞു. 1981 ൽ ആയിരുന്നു ആ വിവാഹം, ദാമ്പത്യം 44 വർഷം പൂർത്തിയാക്കുന്നു.

Also Read: ബേബി വന്നാൽ ഓസിയുമായുള്ള ടൈം കുറഞ്ഞുപോകുമോ എന്നായിരുന്നു പേടി! ഓസി വേഗം അഡ്ജസ്റ്റ് ആയി

ഭാര്യയുടെ പാട്ടിനെ കുറിച്ച് എന്താണ് പറയാനുള്ളത് എന്ന് ചോദിച്ചപ്പോൾ, ആ പാട്ട് ഭാര്യയ്ക്ക് 7 വയസ്സുള്ളപ്പോൾ ഞാൻ കേട്ടുകൊണ്ടിരിക്കുന്നതാണ് എന്ന് മോഹൻ പറഞ്ഞു. സുജാതയുടെ ആദ്യത്തെ കച്ചേരിയായിരുന്നു അത്. പിന്നീട് യാദൃശ്ചികമായി അടുത്ത് വന്നിരുന്നപ്പോൾ കലാഭവന്റെ ട്രൂപ്പിലൊക്കെ പാടുന്ന കുട്ടിയാണ്, യേശുദാസ് സാറിനൊപ്പം കച്ചേരി നടത്തുന്നുണ്ട് എന്നൊക്കെ അറിഞ്ഞു.


അതിന് ശേഷം സുജാതയുടെ കച്ചേരികൾ എല്ലാം മോഹൻ മുടങ്ങാതെ കേട്ടു. ഒരു സമയം എത്തിയപ്പോൾ ദാസേട്ടനും (യേശുദാസ്) ചെമ്പൈ സ്വാമിയും ചേർന്ന് ആലോചിച്ച് വിവാഹം നടത്തി തരികയായിരുന്നു. പ്രണയം ഉണ്ടായിരുന്നോ എന്ന് ചോദിച്ചാൽ, അതുണ്ടല്ലോ എന്നാണ് മോഹന്റെ മറുപടി.