2 months ago
2
Authored by: അശ്വിനി പി|Samayam Malayalam•17 Nov 2025, 6:20 pm
ദേവദൂതന് എന്ന സിനിമ മുതല് എങ്ങനെയാണോ കാണുന്നത്, അതുപോലെ തന്നെയാണ് ഇന്നും വിനീത് കുമാറിന്റെ സൗന്ദര്യം. പ്രായം അന്പതിനോടടുത്തു എന്നാരെങ്കിലും പറയുമോ
വിനീത് കുമാർഎന്നും സ്റ്റൈലിഷ് ആയി നടക്കുന്ന മമ്മൂട്ടിയെ കുറിച്ച് പറയുമ്പോഴും, പ്രായത്തെ വെല്ലുന്ന സൗന്ദര്യമുള്ള മഞ്ജു വാര്യര് അടക്കമുള്ള നായികമാരെ കുറിച്ച് പറയുമ്പോഴും വിനീതിന്റെ പേര് അധികം പറഞ്ഞു കേള്ക്കാറില്ല. ഇന്ന് നടന് എന്നതിനപ്പുറം സംവിധായകന് എന്ന നിലയില് കൂടെ കാലുറപ്പിച്ചിട്ടുള്ള വിനീത് തന്റെ ലുക്കിന്റെ രഹസ്യം എന്താണ് എന്ന ചോദ്യത്തോട് പ്രതികരിക്കുന്നു.
Also Read: ഭാര്യയുടെ സൗന്ദര്യം കണ്ട് ശ്വാസം നിലച്ചുപോയി എന്ന് നിക്ക് ജോനസ്; പ്രിയങ്ക ചോപ്രയ്ക്ക് ഇത് ഗംഭീര സ്വീകരണംപ്രത്യേകിച്ച് എന്തെങ്കിലും ഫുഡ് കഴിക്കുന്നതുകൊണ്ടോ മറ്റോ ഒന്നുമല്ല, ചിലപ്പോള് നമ്മളുടെ ലൈഫ് സ്റ്റൈല് അങ്ങനെ ആയതുകൊണ്ടാവാം ഇതിങ്ങനെ പോകുന്നത്. ഒരു കാര്യം കൊണ്ടു മാത്രം ഇങ്ങനെ നിലനിന്നു പോകില്ലല്ലോ. ജനിറ്റിക് ആകാം. എന്താണ് ഇതിന്റെ രഹസ്യം എന്ന് എന്നോട് പലരും ചോദിക്കാറുണ്ട്. പക്ഷേ ഇന്ന ഒരു കാരണം കൊണ്ടാണ് എന്ന് പറയാന് എനിക്കറിയില്ല. ഞാന് ചെയ്യുന്ന ഒരേ ഒരു കാര്യം, അധികം സ്ട്രസ്സ് എടുക്കാറില്ല- വിനീത് കുമാര് പറഞ്ഞു
1989 ല് ഒരു വടക്കന് വീരഗാഥ എന്ന ചിത്രത്തില് മമ്മൂട്ടിയുടെ ചെറുപ്പമായി, ബാലതാരമായി അഭിനയ ലോകത്തേക്ക് വന്നതാണ് വിനീത് കുമാര്. പിന്നീട് ദശരഥം, ഭരതം, സര്ഗം, അദ്വയിദം, മിഥുനം, അഴികിയ രാവണന് എന്നിങ്ങനെ ഒത്തിരി ചിത്രങ്ങളില് ബാലതാരമായി അഭിനയിച്ചു. മുതിര്ന്ന ഒരു നടന് എന്ന നിലയില് ദേവദൂതനിലാണ് വിനീതിനെ പിന്നീട് കണ്ടത്. നായകനായി അധികം സിനിമകള് ചെയ്തിട്ടില്ല എങ്കിലും ചെയ്ത സിനിമകളിലെ കഥാപാത്രങ്ങള് എല്ലാം മികച്ചതായിരുന്നു.
താരിഫ് ഡിവിഡൻ്റ് ഈ വർഷം തന്നെ കിട്ടുമോ? ഏറ്റവും പുതിയ വിവരം
ശിവദയെ നായികയായി മഴ എന്ന മ്യൂസിക്കല് ആല്ബം സംവിധാനം ചെയ്തുകൊണ്ടാണ് സംവിധാന ലോകത്തേക്ക് വിനീത് കുമാര് എത്തുന്നത്. എന്തോ മൊഴിയുവാനുണ്ടാകുമീ മഴയ്ക്കെന്നോട് മാത്രമായി.. എന്ന് തുടങ്ങുന്ന പാട്ട് വളരെ അധികം ഹിറ്റായിരുന്നു. 2015 ല് ഫഹദ് ഫാസിലിനെ നായകനാക്കി അയാള് ഞാനല്ല എന്ന ചിത്രം ചെയ്തുകൊണ്ട് ഫീച്ചര് സിനിമ സംവിധാനത്തിലേക്കെത്തി. ഡിയര് ഫ്രണ്ട്, പവി കെയര്ടേക്കര് എന്നിവയാണ് വിനീത് കുമാര് സംവിധാനം ചെയ്ത മറ്റു സിനിമകള്
രചയിതാവിനെക്കുറിച്ച്അശ്വിനി പിസമയം മലയാളത്തില് എന്റര്ടൈന്മെന്റ് സെക്ഷനില് സീനിയർ ഡിജിറ്റൽ കണ്ടൻ്റ് പ്രൊഡ്യൂസറാണ് അശ്വിനി പി. 2013 ലാണ് പത്രപ്രവർത്തക എന്ന നിലയിലുള്ള കരിയർ ആരംഭിച്ചത്. വൺഇന്ത്യ - ഫിൽമിബീറ്റ് പോലുള്ള ദേശീയ മാധ്യമങ്ങളിൽ പ്രവൃത്തിച്ചു. സിനിമ മേഖലയെ വളരെ ഗൗരവമായി കാണുകയും ആ വിഷയത്തെ കുറിച്ച് അറിയാനും എഴുതാനുമാണ് താത്പര്യം. സിനിമാ രംഗത്തെ എഴുത്തുകാരുമായും സംവിധായകന്മാരായും അഭിനേതാക്കളുമായി അഭിമുഖം നടത്തിയിട്ടുണ്ട്. സിനിമ ചർച്ചകളിൽ പങ്കെടുത്തിട്ടുണ്ട്. നവമാധ്യമ രംഗത്ത് പന്ത്രണ്ട് വര്ഷത്തെ പ്രവൃത്തി പരിചയം. പൊളിട്ടിക്കല് സയന്സില് ബിരുദവും ജേര്ണലിസത്തില് ഡിപ്ലോമയും നേടി.... കൂടുതൽ വായിക്കുക
English (US) ·