5 മത്സരം, പരിശീലനത്തിന് ഒരു ദിവസം: ‘ടൈറ്റ് ഷെഡ്യൂളിൽ’ ബിസിസിഐയെ ‘കുത്തി’ സഞ്ജു; മറ്റു താരങ്ങൾക്കൊപ്പം ന്യൂസീലൻഡിലേക്കില്ല?

1 month ago 6

ഓൺലൈൻ ഡെസ്‌ക്

Published: October 18, 2026 10:14 AM IST

1 minute Read

സഞ്ജു സാംസൺ (X/@ChennaiIPL)
സഞ്ജു സാംസൺ (X/@ChennaiIPL)

ബെംഗളൂരു ∙ വെസ്റ്റിൻഡീസിനെതിരായ ട്വന്റി20 പരമ്പരയിൽ ഭേദപ്പെട്ട പ്രകടനമാണ് ഇന്ത്യൻ താരം സഞ്ജു സാംസൺ പുറത്തെടുത്തത്. അഞ്ച് മത്സരങ്ങളടങ്ങിയ പരമ്പരയിൽ 11, 82, 3, 56, 16 എന്നിങ്ങനെയായിരുന്നു സഞ്ജുവിന്റെ സ്കോറുകൾ. മഴയെ തുടർന്ന് ബെംഗളുരു ചിന്നസ്വാമി സ്റ്റേഡിയത്തിലെ അവസാന മത്സരം ഉപേക്ഷിച്ചു.

What you should work next

ഇതിനു പിന്നാലെ പരമ്പരയിലുടനീളം സാഹചര്യങ്ങളുമായി പൊരുത്തപ്പെടുക എന്നത് തനിക്കും ടീമിലെ മറ്റുള്ളവർക്കും എത്രത്തോളം ബുദ്ധിമുട്ടായിരുന്നെന്ന് സഞ്ജു തുറന്നുപറഞ്ഞു. അഞ്ച് മത്സരങ്ങളുണ്ടായിരുന്നെങ്കിലും  പരിശീലനത്തിന് ആവശ്യമായ സമയം ലഭിച്ചില്ല. ഓരോ മത്സരത്തിനുമായി വ്യത്യസ്ത നഗരങ്ങളിലേക്ക് യാത്ര ചെയ്യേണ്ടി വന്നതിനാൽ, വേണ്ടത്ര പരിശീലനവുമില്ലാതെയാണ് താരങ്ങൾ മത്സരങ്ങൾക്ക് ഇറങ്ങിയത്.

‘‘വളരെ സത്യസന്ധമായി പറഞ്ഞാൽ, ഇപ്പോഴത്തെ മത്സരക്രമം അനുസരിച്ച് പരിശീലനത്തിനോ തയാറെടുപ്പുകൾക്കോ വലിയ സമയം ലഭിക്കാറില്ല.’’– വെസ്റ്റിൻഡീസിനെതിരായ അഞ്ചാമത്തെയും അവസാനത്തെയും മത്സരത്തിനു മുന്നോടിയായി ബ്രോഡ്കാസ്റ്ററോട് സംസാരിക്കവെ സഞ്ജു പറഞ്ഞു. മത്സരക്രമങ്ങളിലെ അമിത ജോലിഭാരത്തെക്കുറിച്ച് ബിസിസിഐയ്ക്ക് വ്യക്തമായ സന്ദേശം നൽകുന്നതായിരുന്നു സഞ്ജു വാക്കുകൾ. വിൻഡീസിനെതിരായ പരമ്പരയ്ക്കു തൊട്ടുപിന്നാലെ ഇന്ത്യൻ ടീം ന്യൂസീലൻഡിലേക്ക് പറക്കുകയാണ്. 22നാണ് ന്യൂസീലൻഡിനെതിരായ ട്വന്റി20 പരമ്പര ആരംഭിക്കുന്നത്. ഇതിനെക്കുറിച്ചും സഞ്ജു സംസാരിച്ചു.

‘‘അങ്ങനെയുള്ള സാഹചര്യങ്ങളിലാണ് നമ്മുടെ പരിചയസമ്പത്ത് തുണയാകുന്നത്. നല്ലൊരു മാനസികാവസ്ഥ നിലനിർത്താനും ലഭിക്കുന്ന സമയം പരമാവധി പ്രയോജനപ്പെടുത്താനുമാണ് ഞങ്ങൾ ശ്രമിക്കുന്നത്. ബാറ്റിങ് പരിശീലനത്തിനായി ഞങ്ങൾക്ക് ഒരൊറ്റ ദിവസം മാത്രമാണ് ലഭിക്കുന്നത്’’– സഞ്ജു പറഞ്ഞു. ഈ പ്രതിസന്ധിയെ മറികടക്കാനുള്ള മാർഗവും പങ്കുവച്ച സഞ്ജു, ഒരു പ്രത്യേക പിച്ചിൽ എന്താണ് ചെയ്യേണ്ടതെന്ന് മനസ്സിലാക്കാൻ ആദ്യത്തെ ചില പന്തുകൾ അതീവ ജാഗ്രതയോടെ കളിച്ച് സാഹചര്യങ്ങൾ വിലയിരുത്തുകയാണ് പ്രധാനമെന്ന് പറഞ്ഞു.

‘‘ഞങ്ങൾ 20-ാം തീയതി അവിടെയെത്തും, 21ന് പരിശീലനം നടത്തും, 22ന് മത്സരത്തിനിറങ്ങും. അതിനാൽ, ഇവിടെ ഞങ്ങൾ ചെയ്ത നല്ല കാര്യങ്ങൾ അവിടെയും തുടരാൻ ശ്രമിക്കും. അവിടുത്തെ സാഹചര്യങ്ങളുമായി പൊരുത്തപ്പെടാൻ അൽപം സമയമെടുക്കും. അതുകൊണ്ട് സാഹചര്യങ്ങൾ വിലയിരുത്താൻ ഞങ്ങൾ രണ്ടു, മൂന്നു പന്തുകൾ എടുക്കും. അനുഭവത്തിലൂടെ പഠിച്ച കാര്യങ്ങൾ പിന്തുടരുകയും സാഹചര്യങ്ങളെ മാനിച്ചുകൊണ്ട് കളിക്കുകയും ചെയ്യും.’’– സഞ്ജു കൂട്ടിച്ചേർത്തു. അതേസമയം, ഇന്ത്യ ടീമിലെ മറ്റ് അംഗങ്ങൾക്കൊപ്പമാകില്ല സഞ്ജു ന്യൂസീലൻഡിലേക്ക് പോകുകയെന്നാണ് വിവരം.

English Summary:

Sanju Samson T20 bid show and his comments connected the choky cricket docket were discussed aft the India-West Indies match. He highlighted the deficiency of signifier sessions and the challenges of adapting to caller conditions rapidly earlier the New Zealand tour.

Read Entire Article