8 months ago
8
Authored byഅശ്വിനി പി | Samayam Malayalam | Updated: 23 Apr 2025, 12:40 pm
2021 ല് ആണ് തമിഴ് സിനിമ നടന് വിവേക് ഹൃദയാഘാതത്തെ തുടര്ന്ന് മരണപ്പെട്ടത്. അദ്ദേഹത്തോട് എന്തിനായിരുന്നു തനിക്ക് ശത്രുത എന്ന് നടി രംഭ വെളിപ്പെടുത്തുന്നു
വിവേകിനെ കുറിച്ച് രംഭവര്ഷങ്ങളോളം വിവേകിനോട് വൈരാഗ്യം സൂക്ഷിച്ചിരുന്നു എന്നും, അദ്ദേഹത്തിന്റെ മരണ ശേഷം അതൊന്നും ഒന്നുമല്ലാതെയായി എന്നുമാണ് രംഭ വളരെ ഇമോഷണലായി വേദിയില് പറഞ്ഞത്.
Also Read: അഭിനയയുടെ ഭര്ത്താവും നടിയെ പോലെ സംസാര ശേഷിയും കേള്വിയും ഇല്ലാത്ത ആളോ? ആരാണ് വെഗേസന കാര്ത്തിക് എന്ന സണ്ണി വര്മ?
'അഞ്ച് വര്ഷത്തോളം അദ്ദേഹത്തോട് ഞാന് സംസാരിച്ചില്ല. സെറ്റില് അദ്ദേഹത്തെ കണ്ടാലും മിണ്ടില്ല, മുഖം തിരിച്ച് നടക്കുമായിരുന്നു ഞാന്. അത്രയും അഹങ്കാരമായിരുന്നു എനിക്ക്. കണ്ണാടി തരാമോ എന്ന് മാത്രമാണ് വിവേക് സാറിനോട് ഞാന് പോയി ചോദിക്കുന്നത്. അദ്ദേഹം ചിരിച്ചുകൊണ്ട് പറയും, തരാന് സാധിക്കില്ല, കണ്ണാടി ലോക്കറില് വച്ച് പൂട്ടി എന്നൊക്കെ പറയും. അപ്പോഴൊക്കെ എനിക്ക് ശരിക്കും ദേഷ്യം വരുമായിരുന്നു'
'അതിന് ശേഷം സിനിമ ഉപേക്ഷിച്ച്, കല്യാണമൊക്കെ കഴിഞ്ഞ് ഞാന് കാനഡയില് സെറ്റില്ഡ് ആയി. അവിടെയുള്ളപ്പോഴാണ് അദ്ദേഹത്തിന്റെ മരണ വാര്ത്ത അറിഞ്ഞത്. ഒരുപാട് കരഞ്ഞു. എന്തിനാണ് കരയുന്നത് എന്ന് പോലും എന്റെ ഭര്ത്താവിന് അറിയില്ലായിരുന്നു. അതിന് ശേഷമാണ് അദ്ദേഹത്തോട് പറഞ്ഞത്. വിവേക് സാറിനെ പോലൊരാളോട് വൈരാഗ്യം വച്ച ആളാണ് ഞാന്. ഇപ്പോള് അദ്ദേഹം ഈ ഭൂമിയിലേ ഇല്ല. ഇതൊന്നും ഒട്ടും ശരിയല്ല എന്ന് എനിക്കറിയാം. എന്റെ എല്ലാ പിടിവാദവും വാശിയും അഹങ്കാരവും അതോടെ അവസാനിച്ചു'
5 വര്ഷത്തോളം അദ്ദേഹത്തോട് ഞാന് മിണ്ടിയില്ല, മരിച്ചു എന്നറിഞ്ഞപ്പോള് കരച്ചില് അടക്കാന് കഴിഞ്ഞില്ല; വിവേകിനോട് ഉണ്ടായിരുന്ന വൈരാഗ്യത്തെ കുറിച്ച് രംഭ
തമിഴ് സിനിമാ ലോകത്ത് പകരം വയ്ക്കാന് കഴിയാത്ത ഹാസ്യ നടനായിരുന്നു വിവേക്. അദ്ദേഹം ജീവന് നല്കിയ കഥാപാത്രങ്ങള് ഇന്നും പ്രേക്ഷക മനസ്സില് ജീവിക്കുന്നു. തന്റെ 59 ആമത്തെ വയസ്സില്, 2021 ല് ആണ് വിവേക് ഹൃദയാഘാതത്തെ തുടര്ന്ന് മരണപ്പെട്ടത്.
രചയിതാവിനെക്കുറിച്ച്അശ്വിനി പിഅശ്വിനി- സമയം മലയാളത്തില് എന്റര്ടൈന്മെന്റ് സെക്ഷനില് സീനിയർ ഡിജിറ്റൽ കണ്ടൻ്റ് പ്രൊഡ്യൂസർ ആയി പ്രവൃത്തിയ്ക്കുന്നു. സിനിമ മേഖലയെ വളരെ ഗൗരവമായി കാണുകയും ആ വിഷയത്തെ കുറിച്ച് അറിയാനും എഴുതാനും താത്പര്യം. സിനിമാ രംഗത്തെ എഴുത്തുകാരുമായും സംവിധായകന്മാരായും അഭിനേതാക്കളുമായി അഭിമുഖം നടത്തിയിട്ടുണ്ട്. വണ്, ഇന്ത്യ ഫില്മിബീറ്റ് പോലുള്ള ദേശീയ മാധ്യമങ്ങളില് പ്രവൃത്തിച്ചു. നവമാധ്യമ രംഗത്ത് പത്ത് വര്ഷത്തെ പ്രവൃത്തി പരിചയം. പൊളിട്ടിക്കല് സയന്സില് ബിരുദവും ജേര്ണലിസത്തില് ഡിപ്ലോമയും നേടി.... കൂടുതൽ വായിക്കുക
English (US) ·