52 വര്‍ഷത്തെ ദാമ്പത്യ ജീവിതത്തില്‍ ഒരുപാട് പ്രശ്‌നങ്ങളും, ടോര്‍ച്ചറിങും സഹിച്ചു, എന്നിട്ടും അവള്‍ ഹാപ്പിയായിരുന്നു; ഭാര്യയ്ക്ക് കോടികളുടെ സമ്മാനം വാങ്ങി വിജയിയുടെ അച്ഛന്‍!

Authored byഅശ്വിനി പി | Samayam Malayalam | Updated: 25 Apr 2025, 1:03 pm

തമിഴ് സിനിമ ലോകത്ത് നിന്ന് രാഷ്ട്രീയത്തിലേക്ക് ഇറങ്ങി നില്‍ക്കുകയാണ് വിജയ്. എച്ച് വിനോദ് സംവിധാനം ചെയ്യുന്ന സിനിമയ്ക്ക് ശേഷം സജീവ രാഷ്ട്രീയത്തിലേക്ക് ഇറങ്ങുന്ന വിജയ് യുടെ ലക്ഷ്യം തമിഴ്‌നാട് മുഖ്യമന്ത്രിയുടെ കസേരയാണ്. ആ ആഗ്രഹത്തിന് ആറാധകരുടെ പിന്തുണയുമുണ്ട്. വിജയ് യുടെ അച്ഛന്‍ ചന്ദ്രശേഖരനും തമ്മിലുള്ള പ്രശ്‌നം പരസ്യമാണെങ്കിലും, അമ്മയോടുള്ള വിജയ് യുടെ സ്‌നേഹം പ്രകടമാണ്. ശോഭയെ വിജയ് വിളിക്കുകയും സംസാരിക്കുകയും കാണുകയും ചെയ്യാറുണ്ട്, അമ്മയോട് അവന് പ്രത്യേക ഇഷ്ടവും വാത്സല്യവുമാണ് എന്ന് ചന്ദ്ര ശേഖര്‍ പറയാറുണ്ട്.

എന്നാല്‍ ഇപ്പോള്‍ സോഷ്യല്‍ മീഡിയയില്‍ വൈറലാവുന്നത് അച്ഛന്റെയും മകന്റെയും പ്രശ്‌നമല്ല, അച്ഛന്റെയും അമ്മയുടെയും വിവാഹ വാര്‍ഷികാഘോഷമാണ്. അന്‍പത്തി രണ്ടാം വിവാഹ വാര്‍ഷികത്തിന് ചന്ദ്രശേഖര്‍ ഭാര്യ ശോഭയ്ക്ക് വാങ്ങി നല്‍കിയത് ഒരു ബി എം ഡബ്ല്യു കാര്‍ ആണ്. എന്റെ പ്രിയതമയ്ക്ക് അന്‍പത്തി രണ്ടാം വിവാഹ വാര്‍ഷിക സമ്മാനം എന്ന് പറഞ്ഞ് വീഡിയോയും ഫോട്ടോയും പുറത്തുവിട്ടത് എസ് എ ചന്ദ്രശേഖര്‍ തന്നെയാണ്. ഇപ്പോഴിതാ ഇത്രയും വില കൂടി സമ്മാനം എന്തുകൊണ്ട് ഭാര്യയ്ക്ക് നല്‍കി എന്ന വിശദീകരണവുമായി എത്തിയിരിക്കുകയാണ് നടനും സംവിധായകനും നിര്‍മാതാവുമൊക്കെയായ എസ് എ സി.

Also Read: പാക്കിസ്ഥന്‍കാരന്റെ മകളെ പുറത്താക്കണം, പൊറുതിമുട്ടി പ്രതികരണവുമായി ഇമാന്‍വി ഇസ്മയില്‍; ഈ സമയത്ത് സ്‌നേഹം പകര്‍ത്തൂ

'ഞങ്ങളുടെ കല്യാണം കഴിഞ്ഞിട്ട് 52 വര്‍ഷങ്ങള്‍ കഴിഞ്ഞു. ഈ 52 വര്‍ഷത്തിനുള്ളില്‍ എത്രയോ പ്രശ്‌നങ്ങള്‍, ഓരോ ടോര്‍ച്ചറുകള്‍ എല്ലാം സഹിച്ചുകൊണ്ട് ഒരു പെണ്ണ് എന്നോടപ്പം ജീവിച്ചു, സന്തോഷത്തോടെ. അത് ആലോചിക്കുമ്പോള്‍, കല്യാണമായ പുതുമോടിയില്‍ ഭാര്യയ്ക്ക് സമ്മാനങ്ങള്‍ വാങ്ങി കൊടുക്കുന്നതും സര്‍പ്രൈസ് ചെയ്യുന്നതും എല്ലാം സാധാരണമാണ്. പക്ഷേ ഈ 52 ആം വിവാഹ വാര്‍ഷികത്തില്‍ ഭാര്യയ്ക്ക് ഏറ്റവും എക്‌സ്‌പെന്‍സീവായ കാര്‍ സമ്മാനം നല്‍കണം എന്നുണ്ടായി, അത് നല്‍കി. എനിക്ക് സന്തോഷം തോന്നുന്നു' എസ് എ ചന്ദ്രശേഖര്‍ പറഞ്ഞു.

വിജയ് യുടെ അമ്മ ശോഭ ചന്ദ്രശേഖറും ചില്ലറക്കാരിയല്ല. ഗായികയുപം എഴുത്തുകാരിയും സംവിധായികയുമാണ്. 1967 മുതല്‍ തമിഴ് സിനിമ പിന്നണി ഗാനലോകത്ത് സജീവമായിരുന്നു. മകന്‍ വിജയ് യുടെ സുറ എന്ന ചിത്രത്തിലുള്‍പ്പടെ പതിനെട്ടോളം സിനിമകളില്‍ പാട്ട് പാടിയിട്ടുണ്ട്. ഭര്‍ത്താവ് ചന്ദ്രശേഖറിന് വേണ്ടിയാണ് എഴുത്തിന്റഎ ലോകത്തേക്ക് ശോഭ എത്തിയത്. 1982 ല്‍ പട്ടണത്ത് രാജാക്കള്‍ എന്ന ചിത്രത്തിന് തിരക്കഥ എഴുതിക്കൊണ്ടായിരുന്നു തുടക്കം. പിന്നീട് എസ് എ സിയുടെ നിരവധി സിനിമകള്‍ക്ക് വേണ്ടി എഴുതി. ഇന്നിസൈ മഴൈ, നന്‍പര്‍കള്‍ എന്നീ സിനിമ സംവിധാനം ചെയ്ത ശോഭ ഒന്‍പതോളം സിനിമകള്‍ നിര്‍മിച്ചിട്ടുമുണ്ട്.