57 കാരനായ അച്ഛന്റെ 28 കാരിയായ നായികയുമായുള്ള സൗഹൃദം! മീനാക്ഷി ദിലീപിനൊപ്പമുള്ള ഒരു നല്ല ദിവസത്തെ കുറിച്ച് നമിത പ്രമോദ്, വയറും മനസ്സും നിറഞ്ഞു

Authored by: അശ്വിനി പി|Samayam Malayalam•3 Jun 2025, 3:39 pm

അച്ഛന്റെ നായിക എന്ന നിലയിലാണ് മീനാക്ഷി ദിലീപും നമിത പ്രമോദും പരിചയപ്പെട്ടത്. ഒരു അമേരിക്കൻ ഷോയിൽ ദിലീപിനൊപ്പം പോയ മീനാക്ഷി, ആ ഷോയിൽ കൂടെ ഉണ്ടായിരുന്ന നായിക നടി നമിത പ്രമോദുമായി കൂട്ടായി. ഏകദേശം ഒരേ പ്രായക്കാരായതുകൊണ്ട് തന്നെ അവർ തമ്മിൽ പെട്ടന്ന് അടുത്തു. ആ സൗഹൃദം ഇരുവരും ഇന്നും തുടരുന്നു.

ഇപ്പോഴിതാ മീനാക്ഷിയ്ക്കൊപ്പം അടിച്ചുപൊളിച്ച ഒരു ദിവസത്തെ കുറിച്ച് പറഞ്ഞുകൊണ്ടാണ് നമിത പ്രമോദിന്റെ പോസ്റ്റ്. നമിതയുടെ സമ്മർ ടൗൺ കഫെയിൽ മീനാക്ഷി എത്തിയപ്പോൾ എടുത്ത ഫോട്ടോകളാണ് എന്ന് ഹാഷ് ടാഗിൽ വ്യക്തം. വയറും നിറഞ്ഞു, കൂടെ മനസ്സും നിറഞ്ഞു എന്നാണ് ഫോട്ടോകൾക്കൊപ്പം നമിത പ്രമോദ് കുറിച്ചത്. പോസ്, ഈറ്റ്, ഡ്രിങ്ക് സം കൊക്കോലോക്കോ, റിലാക്സ്, ഹോം, സമ്മർ ടൗൺ കഫെ എന്നൊക്കെയാണ് ഹാഷ് ടാഗുകൾ.

Also Read: ദൈവമേ, ഇത് ഞാൻ പ്രാർത്ഥിച്ചതിലും അധികമാണ്! തന്റെ ഭർത്താവും അമ്മയും തമ്മിലുള്ള സ്നേഹ ബന്ധം, ഇമോഷണലായി ഗൗരി കുഞ്ഞൂസ്

നമിതയ്ക്കൊപ്പം മീനാക്ഷി എടുത്ത ഒരു സെൽഫിയും, നമിതയുടെ മീനാക്ഷി പകർത്തിയ കുറച്ചധികം ചിത്രങ്ങളുമാണ് പങ്കുവച്ചിരിയ്ക്കുന്നത്. എന്തായാലും ചിത്രങ്ങൾ ആരാധകർ ഏറ്റെടുത്തിട്ടുണ്ട്.

നമിത പ്രമോദും മീനാക്ഷി ദിലീപുമായുള്ള സൗഹൃദ നിമിഷങ്ങൾ സോഷ്യൽ മീഡിയയിൽ പലപ്പോഴും ചർച്ചയാണ്. ഇരുവരും ഇടയ്ക്കിടെ ഔട്ടിങ് പോകുന്ന ഫോട്ടോകൾ എല്ലാം ഇൻസ്റ്റഗ്രാം പോസ്റ്റുകളായും സ്റ്റോറിയായും എല്ലാം പങ്കുവയ്ക്കാറുണ്ട്. ഇടക്കാലത്ത് ഇരുവരും തെറ്റിപ്പിരിഞ്ഞു എന്നൊക്കെയുള്ള ഗോസിപ്പുകളും വന്നിരുന്നു. എന്നാൽ അതെല്ലാം കാറ്റിൽ പറത്തിയാണ് ഇപ്പോൾ ഇരുവരും നിരന്തരം ചിത്രങ്ങൾ പങ്കുവയ്ക്കുന്നത്.

Also Read: 250 രൂപ അടക്കാത്തതിന് ചിന്മയിയെ ബാൻ ചെയ്തു, അസിനെ തമിഴ് സിനിമയിൽ ബാൻ ചെയ്തത് എന്തിനാണ് എന്ന് അറിയാമോ? അസിൻ എവിടെ?

എംബിബിഎസ് പഠനം പൂർത്തിയാക്കിയ മീനാക്ഷി ദിലീപ് ഇപ്പോൾ കൊച്ചിയിൽ ഒരു സ്വകാര്യ ആശുപത്രിയിൽ ഡെർമറ്റോളജിസ്റ്റായി ജോലി ചെയ്യുകയാണ്. നമിത പ്രമോദ് സിനിമകൾ ഇപ്പോൾ വളരെ അധികം സെലക്ടീവായി മാത്രമേ ചെയ്യുന്നുള്ളൂ. അതേ സമയം ബിസിനസ്സ് കാര്യങ്ങളിൽ തിരക്കിലുമാണ്. സമ്മർ ടൗൺ കഫെ എന്ന റസ്റ്റോറന്റും, പെപ്രിക്ക എന്ന പേരിൽ ഒരു മെൻസ് വെയർ ബൊട്ടീക്കും നടത്തിവരുന്ന താരം തിരക്കിലാണ്. കൊച്ചിയിൽ തന്നെ ആയതിനാൽ സമയം കിട്ടുമ്പോഴൊക്കെ നമിതയും മീനാക്ഷിയും സമയം ചെലവഴിക്കാറുണ്ട്.