6 വർഷം 6 സെക്കൻഡ് പോയ പോലെ! 100 ​​ക്യാമറകൾക്ക് മുന്നിൽ പ്രണയിച്ചുനേടിയ ജീവിതം കവിതപോലെ സുന്ദരം; മാതൃകയാക്കാം ഇവരെ

Authored byഋതു നായർ | Samayam Malayalam | Updated: 5 May 2025, 2:46 pm

ആറുവർഷം ആറ് സെക്കൻഡ് പോയ പോലെയെന്ന് പേളി മാണി. നൂറുകാമറകണ്ണുകൾക്ക് മുന്നിൽ തുടങ്ങിയ പ്രണയം ഇന്ന് ഇവിടെ വരെ എത്തിനിൽക്കുന്നു. വാടീ വാടീ എൻ ക്യൂട്ട് പൊണ്ടാട്ടി എന്ന് വിളിച്ചപ്പോൾ പാടിയപ്പോൾ അറിയില്ലായിരുന്നു ഈ മാജിക്ക് സംഭവിക്കുമെന്ന്. പ്രണയത്തിൽ ചാലിച്ച വരികളുമായി ശ്രീനിഷും എത്തി.

സോഷ്യൽ മീഡിയക്ക് മുൻപിൽ തങ്ങളുടെ ജീവിതവിജയം ഇരുവരും പറയുമ്പോൾ ആശംസകൾ കൊണ്ട് മൂടുകയാണ് ആരാധകർ. സിറിയൻ വിശ്വാസി ഹിന്ദു ആയെന്നും ശ്രീനി മതം മാറിയെന്നും ആരോപണങ്ങൾ കേട്ടു; ഇവർ തമ്മിൽ അഭിനയമെന്ന് പരിഹസിച്ചു; അധികനാൾ നീണ്ടുപോകില്ലെന്ന് ആക്ഷേപം പറഞ്ഞവർ പോലും ഇന്ന് മാതൃകയാക്കുന്നുണ്ട് ഇവരുടെ ദാമ്പത്യം.

ആറാം വര്ഷം രണ്ടുപൊന്നുമക്കൾക്ക് ഒപ്പമാണ് ഇരുവരും ആഘോഷിക്കുന്നത്. നിലയും നിറ്റാരയും. ശ്രീനി വന്നതോടെ എന്റെ ജീവിതം മാറി. കുഞ്ഞുങ്ങൾ വന്നതോടെ ഞാൻ അകെ മാറി എന്റെ ജീവിതവും. അവർക്ക് വേണ്ടി ഞാൻ ജീവിക്കുമ്പോൾ ജീവിതം ഏറെ അര്ഥപൂര്ണമാകുന്നു പേളി പറയുന്നു.

6 വർഷം... എന്നിട്ടും, അത് 6 സെക്കൻഡ് പോലെ തോന്നുന്നു. നമ്മുടെ ആത്മാവ് കണ്ടെത്തുന്ന ഒരാളോടൊപ്പം നമ്മൾ ജീവിക്കുമ്പോൾ വർഷങ്ങൾ ഒക്കെ സെക്കൻഡുകൾ പോലെ തോന്നും ജീവിതത്തെ പ്രകാശപൂരിതമാക്കുന്ന, സ്നേഹത്തെ സുരക്ഷിതമാക്കുന്ന, കുഴപ്പങ്ങൾ പോലും ശാന്തമാക്കുന്ന ഒരാൾ. സ്നേഹം തുളുമ്പുന്ന കണ്ണുകളും അതിവിശാലമായ ഹൃദയവും ഉള്ള ഒരാൾ. എല്ലാം മനസ്സിലാക്കിയിട്ടില്ല ഞങ്ങൾ എല്ലാം തുടങ്ങിയത്. എന്നാൽ പരസ്പരം എന്തിനും ഒപ്പം ഉണ്ടായിരുന്ന രണ്ട് ആളുകൾ അത് മതിയായിരുന്നു ഞങ്ങൾക്ക് ഒരുമിക്കാൻ.

ഞങ്ങൾ ഇടറിപ്പോയ നിമിഷങ്ങളുണ്ട് അതിൽ നിന്നും ഞങ്ങൾ ഒരുപാട് പഠിച്ചു, ഞങ്ങൾ ചിരിച്ചു,ഞങ്ങൾ കരഞ്ഞു, പക്ഷേ അതിലൂടെയെല്ലാം ഞങ്ങൾ ഒരു പ്രതിജ്ഞയെടുത്തു. ലോകത്ത് മാറ്റരേയും നമ്മുടെ ചെറിയ ഇടത്തിലേക്ക് ഞങ്ങളുടെ ലോകത്തിലേക്ക് ഒരിക്കലും പ്രവേശിക്കാൻ അനുവദിക്കരുത് എന്ന് മൂന്നാമതൊരാളില്ല, പുറത്തെ ആരും ഞങ്ങളെ നിയന്ത്രിക്കില്ല... ഞങ്ങൾ മാത്രം.

ALSO READ: 26 -ആം വയസിലാണ് പ്രെഗ്നന്റ് ആകുന്നത്! ഈ ദിവസം ഒരുപാട് സ്പെഷ്യലും; മറ്റുമക്കളെപോലെ ആയിരുന്നില്ല ദിയയെന്ന് സിന്ധുവും
ആ നിശബ്ദ പ്രതിജ്ഞ ഞങ്ങൾക്ക് കരുത്തേകി. പരസ്പരം, ഞങ്ങൾ ഒരു ഉറ്റ സുഹൃത്തിനെ, ഒരു പങ്കാളിയെ, ഒരു കണ്ണാടിയെ, ഒരു സുരക്ഷിത ഇടത്തെ കണ്ടെത്തുക ആയിരുന്നു. നീ എന്റെ പാതിയായി , നമ്മൾ ഒന്നാകും എന്ന് തീരുമാനിച്ചു. പ്രണയത്തെക്കുറിച്ച് ഒന്നും അറിയാത്ത നമ്മളിൽ നിന്നും മുതൽ പ്രണയം എന്താണെന്ന് പഠിക്കുന്നത് വരെ,
“നമ്മൾ മാത്രം” ആയിരുന്ന കാലത്തിൽ നിന്നും “നമ്മുടെ കുഞ്ഞുങ്ങൾ” വരെയുള്ള നാളുകൾ ...ഇപ്പോൾ നമ്മൾ മാതാപിതാക്കളായി, ഇപ്പോഴും നമ്മൾ പരസ്പരം അറിയുന്നു പഠിക്കുന്നു. ഓരോ സൂര്യോദയത്തിലും എല്ലാ വിഷയങ്ങളിലും പരസ്പരം കൈകൾ കോർത്തു നാം മുൻപോട്ട്..

എന്താണെന്നറിയാമോ? ഇപ്പോഴും ഈ പുതുമ ഇങ്ങനെ നിലനിൽക്കുന്നത് നമ്മൾ ശരിക്കും ഇപ്പോളും പ്രണയത്തിലാണ് നമ്മൾ ശരിക്കും എല്ലാ ദിവസവും ഒന്നേ എന്ന് തുടങ്ങുന്നു എന്ന് എന്ന് ഞാൻ കരുതുന്നു. അതിനു കാരണം, ശ്രീനി... ജീവിതം വെറുതെ കടന്നുപോകുന്നില്ല . ജീവിക്കാൻ തക്ക ഒരു യാത്ര,ആഘോഷിക്കാൻ തക്ക ഒരു സ്നേഹം—വീണ്ടും വീണ്ടും വീണ്ടും നമ്മൾ അങ്ങനെ ഒരുമിച്ച്. ആറാം വിവാഹ വാർഷിക ആശംസകൾ ശ്രീനി.

വാക്കുകൾക്ക് അപ്പുറമാണ് ശ്രീനി എനിക്ക് നിന്നോടുള്ള സ്നേഹം- പേളി കുറിച്ചു.

ALSO READ: ഞാൻ മടങ്ങി വരുന്നു! അതൊരു തത്കാലിക ബ്രേക്ക് ആയിരുന്നു; മലയാള സിനിമയിലേക്ക് അധികം വൈകാതെ ഉണ്ടെന്ന സൂചന നൽകി സംവൃത

ബിഗ് ബോസിനുള്ളിൽ 100 ക്യാമറകൾക്ക് മുന്നിൽ ഞങ്ങളുടെ പ്രണയകഥ ആരംഭിച്ചു... പക്ഷേ ഷോ അവസാനിച്ച് ജീവിതം ആരംഭിച്ചപ്പോഴാണ് യഥാർത്ഥ മാജിക് ആരംഭിച്ചത്. അവൾക്കുവേണ്ടി ഞാൻ 'വാടി വാടി ക്യൂട്ട് പൊണ്ടാട്ടി' എന്ന് പാടിയ നിമിഷം എനിക്ക് ഇപ്പോഴും ഓർമ്മയുണ്ട് - ആ പാട്ട് എന്നെന്നേക്കുമായി പാടുകയാണെന്ന് എനിക്കറിയില്ലായിരുന്നു. അന്നുമുതൽ ഇന്നുവരെ. ഞങ്ങൾ പ്രണയത്തിലാണ്.. വിവാഹ വാർഷിക ആശംസകൾ ഡാ, എന്റെ ലൈഫ്‌ലൈൻ. ശ്രീനിയും ഇമോഷണലായി.