85 ലും പഠനം തുടരുന്നു! ഡാലസിലും ഫുൾ ബിസി; യേശുദാസ് അക്കാദമിയും ഒപ്പം കൊണ്ടുപോകുന്നു; പുത്തൻ വിശേഷങ്ങൾ

Authored by: ഋതു നായർ|Samayam Malayalam•1 Aug 2025, 12:10 pm

സംഗീതം സാഗരം പോലെ അനന്തമാണ്, യേശുദാസിന്റെ ഭാഷയിൽ പറഞ്ഞാൽ പഠിച്ചാലും പഠിച്ചാലും മതിവരാത്ത,വീണ്ടും അറിയേണ്ടുന്ന അനന്തസാഗരം. അതുതന്നെ ആകണം അദ്ദേഹം സംഗീതത്തിൽ തന്റെ എൺപത്തിയഞ്ചാം വയസിലും പഠനം തുടരുന്നതും. എ ആർ റഹ്‌മാൻ യേശുദാസിനെ കാണാൻ അമേരിക്കയിലെ വീട്ടിൽ എത്തിയപ്പോഴാണ് അദ്ദേഹത്തിന്റെ ഒപ്പമുള്ള ചില നല്ല നിമിഷങ്ങളും പുത്തൻ അപ്‌ഡേറ്റ്‌സും പങ്കുവച്ചത്.

റഹ്‌മാന്‌ ഒപ്പം ഗായിക സുജാതയുടെ മകളും ഗായികയും ആയ ശ്വേതാ മോഹനും ഉണ്ടായിരുന്നു. അതേസമയം. ഡാലസിലെ വീട്ടിൽ ശാന്തമായി ജീവിതം തുടരുകയാണ് അദ്ദേഹം.

ജീവിതം മുഴുവൻ സംഗീതത്തിനായി സമർപ്പിച്ച ഇനിയുള്ള കാലം പോലും സംഗീത വിദ്യാർത്ഥിനി ആയിരിക്കാൻ ആണ് അദ്ദേഹം താത്പര്യപെടുന്നത്. ഈ അനന്തമായ പരിശ്രമത്തിന് മുന്നിൽ, സമയം പോലും ആദരവോടെ നിന്നുപോകുന്ന കാഴ്ചയാണ് റഹ്മാന്റെ പോസ്റ്റിൽ നിന്നും മനസിലാകുന്നത്.

മലയാളികൾ ദിവസേന ഇടവേളകളില്ലാതെ അദ്ദേഹത്തിന്റെ ശബ്ദം കേൾക്കുന്നുണ്ടെങ്കിലും, അദ്ദേഹം പൊതുവേദിയിൽ പ്രത്യക്ഷപ്പെട്ടിട്ട് വർഷങ്ങൾ ഏറെയായി. കോവിഡ് കാലത്തിനു ശേഷം യുഎസിൽ ജീവിതം ചെലവഴിക്കുന്ന അദ്ദേഹം കേരളത്തിലേക്കു വരുന്നത് തന്നെ വിരളമാണ്.

ALSO READ: ബൗൺസർമാർ പിടിച്ചുമാറ്റിയിട്ടും ആരാധികമാർ മഞ്ജുവിനെ വളഞ്ഞു! മുടിയിലും കവിളിലും തലോടി വീട്ടമ്മമാർ; മഞ്ജുവിന്റെ വിശേഷംസമാധാനപരമായ ജീവിതം നയിക്കുന്നതിനൊപ്പം തന്നെ സംഗീതം പഠിക്കുന്നതും അദ്ദേഹം തുടരുന്നു. തരംഗിണിയുടെ ഔദ്യോഗിക യൂട്യൂബ് ചാനലിലൂടെ, അദ്ദേഹം ഇപ്പോഴും പതിവായി പുതിയ ഗാനങ്ങൾ പുറത്തിറക്കുന്നുണ്ട് ഒപ്പം കൃതിമനിമല ത്യാഗരാജഹൃദയം തുടങ്ങിയ രചനകളിൽ നിന്ന് ശാസ്ത്രീയ സംഗീതം ആഴത്തിൽ പഠിക്കുന്നുമുണ്ട്.

രണ്ടുവര്ഷങ്ങള്ക്ക് മുമ്പേയാണ് പുതിയ തലമുറയെ ലോകത്തിലെവിടെ നിന്നും സംഗീതം പഠിക്കാൻ സഹായിക്കുന്നതിനായി യേശുദാസ് അക്കാദമി എന്ന ഓൺലൈൻ ക്ലാസ് അദ്ദേഹം തുടങ്ങിയത്. നിരവധി രാജ്യങ്ങളിൽ താമസിക്കുന്ന അഞ്ച് മുതൽ 72 വയസ്സ് വരെ പ്രായമുള്ള വിദ്യാർത്ഥികൾ ക്ലാസുകളിൽ പങ്കെടുക്കുന്നു. മാസത്തിലൊരിക്കൽ അദ്ദേഹം കുറച്ചുനേരം ഓരോ ബാച്ചിലും ജോയിൻ ചെയ്യുകയും ചെയ്യും.

ALSO READ:ഒരു വർഷത്തെ എൻറെ ഏറ്റവും മികച്ചമാറ്റം: സണ്ണി വെയിൻറെ ഭാര്യ പറയുന്നു, ഇത് വെറും മോട്ടിവേഷൻ കാരണമല്ല
സംഗീതം അല്ലെങ്കിൽ മറ്റെന്ത്?

ചെറുപ്പത്തിൽ ക്രിക്കറ്റ് ആയിരുന്നു സംഗീതത്തിന് പുറമെ അദ്ദേഹത്തിന്റെ ഇഷ്ടമേഖല. പക്ഷേ പിന്നീട് ടെന്നീസ് ആരാധകനായി. അദ്ദേഹത്തിന്റെ മൂത്തമകന് ടെന്നീസ് പരിശീലനം നൽകാൻ വേണ്ടിയായിരുന്നു അന്ന് അദ്ദേഹം യുഎസിലേക്ക് താമസം മാറിയത്. ഇന്നും ഗ്രാൻഡ് സ്ലാം മത്സരങ്ങൾ ടിവിയിൽ കാണുന്നത് പതിവാണ്. , റോജർ ഫെഡററും നൊവാക് ജോക്കോവിച്ചും ആണ് അദ്ദേഹത്തിന്റെ പ്രിയപ്പെട്ട കളിക്കാർ.