9 വർഷം പ്രണയിച്ച് വിവാഹം ചെയ്തതാണ് അച്ഛനും അമ്മയും, എന്റെ ഈ പ്രായത്തിൽ അച്ഛന് 3 മക്കളായി; വിവാഹത്തെ കുറിച്ച് ആർഎം

Authored by: അശ്വിനി പി|Samayam Malayalam•6 Oct 2025, 4:56 pm

ബിടിഎസിന്റെ ലീഡർ ആയ ആർ എം നേരത്തെ തന്റെ പാട്ടിലെ വരികളിൽ സ്ത്രീവിരുദ്ധമായ പരമാർശങ്ങൾ നടത്തിയതിന് ഏറെ വിമർശിക്കപ്പെട്ടിരുന്നു. തന്റെ മറ്റ് വനിത സഹപ്രവർത്തകരെയും ആരാധകരെയും അത് പറഞ്ഞ് കൺവിൻസ് ചെയ്യാൻ ഏറെ സമയമെടുത്തു. പിന്നീട് ഈ വിഷയത്തിൽ മാപ്പ് പറയുകയും, തന്റെ ചിന്താഗതി മാറ്റി, കൂടുതൽ മികച്ച കാഴ്ചപ്പാടിലൂടെ വരികൾ എഴുതാം എന്ന് വാക്ക് നൽകുകയും ചെയ്തിരുന്നു.

ഇപ്പോഴിതാ സ്ത്രീകളുടെ ജീവിതത്തിൽ അവർ അനുഭവിക്കുന്ന സമ്മർദ്ദങ്ങളെ കുറിച്ച് ആർ എം സംസാരിച്ചത് വൈറലാവുന്നു. പുരോഗമനപരമായുള്ള ആർഎമ്മിന്റെ സംസാരത്തെ പ്രശംസിക്കുകയാണ് ആരാധകർ. ആരാധകരുമായുള്ള സോഷ്യൽ മീഡിയ ലൈവ് സംവാദത്തിൽ സംസാരിക്കുകയായിരുന്നു റാപ്പർ.

Also Read: ആൺ ശരീരത്തിനുള്ളിലെ പെണ്ണ്, സാധാരണ ഒരു ട്രാൻസ്ജെന്റർ അല്ല അപ്സര സിജെ; ബിഗ് ബോസ് തമിഴിൽ മത്സരിക്കുന്ന ഈ മലയാളിയെ അറിയില്ലേ

വിവാഹത്തിന്റെ കാര്യം വരുമ്പോൾ, ആളുകൾക്ക് തിടുക്കവും സമ്മർദ്ദവുമാണ്. അതിന് ചില യാഥാർത്ഥ്യബോധമുള്ള വശങ്ങളുമുണ്ട്. പ്രത്യേകിച്ച് സ്ത്രീകളെ സംബന്ധിച്ചിടത്തോളം, സമൂഹവും മാധ്യമങ്ങളും അവരുടെ മേൽ സമ്മർദ്ദം ചെലുത്തുന്നത് പോലെ തോന്നുന്നു. നമ്മുടെയെല്ലാം മേൽ, ശരിക്കും സമ്മർദ്ദമാണ്. ആളുകൾക്ക് അവരുടേതായ രീതിയിൽ ജീവിക്കാൻ കഴിഞ്ഞിരുന്നെങ്കിൽ എന്ന് ഞാൻ ആഗ്രഹിക്കുന്നു. ശരിയായ ഉത്തരമില്ല.

Also Read: സ്ട്രോക്ക് വന്നു മാസങ്ങളായി! കാലുകൾ ഉയർത്തിവയ്ക്കാൻ പോലും പരസഹായം; കൈകൾ തളർന്നത് പോലെ; ഉല്ലാസിന്റെ ഹെൽത്ത്

താൻ വളരെ നേരത്തെ വിവാഹം കഴിച്ചാൽ ആരാധകർക്ക് സങ്കടമുണ്ടാകുമെന്നും എന്നാൽ, ഈ രീതിയിൽ ജീവിക്കുന്നത് തന്റെ ഇത്തരം ആശയത്തിൽ നിന്ന് പൂർണ്ണമായും അകറ്റി നിർത്താൻ കാരണമാകുമെന്നും ആർ എം പറയുന്നത്.


താൻ എങ്ങനെയാണ് വളർന്നത് എന്നും, എങ്ങനെയാണ് തന്റെ അച്ഛനും അമ്മയും ഒരു കുടുംബം കെട്ടിപ്പടുത്തത് എന്നും ആർ എം പറയുന്നുണ്ട്. അച്ഛനും അമ്മയും ഒൻപത് വർഷത്തോളം പ്രണയിച്ച് വിവാഹം ചെയ്തവാണ്. എന്റെ ഈ പ്രായത്തിൽ അച്ഛൻ മൂന്ന് കുട്ടികളുടെ അച്ഛനായി. ഞാനും പെട്ടന്ന് വിവാഹം ചെയ്യും എന്നാണ് കരുതിയത്, പക്ഷേ ഇപ്പോൾ തന്നെ 32 വയസ്സായി. ഇനി ഉടനെ അത് നടക്കും, നിങ്ങളെല്ലാവരും സങ്കടപ്പെടുമായിരിക്കും, പക്ഷേ കല്യാണത്തിന് എതിരായി ജീവിക്കാൻ ആഗ്രഹിക്കുന്നില്ല- ആർ എം പറഞ്ഞു